| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
08-14-2018, 02:55 PM
|
#1 | |
 
|
أرض الطواحين..القنوات..التوليب ..( هولنـــــدا)
التقرير راح يكون ل 5 أجزاء ان شاء الله المدة اللي قضيتها ب امستردام كانت 4 ايام راح يكون كل يوم بجزء والجزء الاخير انطباعي عن هولندا ومعلومات اضافية اول مشكلة واجهتني هي الطيران وبما اني من سكان المدينة ف الخيارات كانت محدوده دورت على الخطوط التركية وكان السعر مرتفع جدا فكنت شايله من بالي الخطوط السعودية لعلمي انها ماتروح لا امستردام مره دخلت ع الموقع وسويت بحث عالسعودية وفجأه طلع لي سعر رائع واكتشفت انه فيه تعاون بينها وبين الخطوط الهولندية فصار خط سيري المدينة ....> الدمام .....> امستردام (الخطوط الهولندية ) باريس ......> الرياض .....> المدينة ( الخطوط الفرنسية ) 18 مارس الى 26 مارس وكان سعر التذكره 2300 للشخص الذهاب من المدينة الساعة 12 ظهرا والوصول الدمام 1:30 والذهاب 1:30 ليلا الى امستردام والوصول 6:30 صباحا وهالشي كان حلو انه نستفيد من اليوم بطوله تقييمي للخطوط الهولندية الكراسي ضيقة ..المضيفات مكشرات جدا ..الوجبات عادية الشي الحلو ان الكل نايم واخذنا لنا نومه لأننا من الدوام ع المطار على طول وصلنا المطار وبما اني انا وزوجي بس قررنا نجرب القطار واخذنا تذكرتين وركبنا القطار وعلى طول على امستردام سنترال التذكرتين تقريبا 10 يورو وصلنا وطلعنا وكنا ناويين نمشي للفندق لانه قريب بس لما طلعنا كان هواء قوي ولا حنا لابسين قررنا ناخذ تاكسي المسافة 800 متر بس طبعا صاحب التاكسي اخذ طريق اطول شوي وصار الحساب 15 يورو وصلنا الفندق 8 الصبح وكنت كاتبه ملاحظة للفندق اننا بنوصل بدري والحمد لله دخلونا على طول ونووومة الى الساعه 11 ونص .gif) الفندق وهذا تقييمي له بالبوكينق الواي فاي ليس سريع الفندق جدا رائع موقعه باالسنتر خطوات فقط عن الدام السكوير والمنطقة الحيوية .. كل شي حواليك انصح فيه وبشدة صحينا مروقين وعلى طول طلعنا نستكشف المنطقة خطوتين بس وحنا بقلب الساحة المبنى اللي بالوجه هذا اعتقد قصر ويمينه مدام توسو ويسارة مجمع تسوق دائما بسفراتنا لأوربا نعتمد عالسيارة الا هالسفرة قررنا نغير ونستخدم القطارات بين المدن لأنه اولا الصغار مو معنا وحنا خفاف والشي الثاني ان مدتنا قصيرة وكلها مدن بهولندا كنا معتمدين على الرحلات السياحية من مكتب تكت اند تور اللي موجود بكل مكان وهالمكتب ريحنا كثييير وغير كذا كنا ناخذ التذاكر ارخص من المكان السياحي اليوم ماحبينا نتعب نفسنا وقلنا بنكون بالسنتر بس مرينا المكتب واخذنا تذاكر لمدام توسو التذكره الوحده 19 يورو ارخص من الشباك بيورو واحد واخذنا كروز بالقنوات المائية بس مارحنا للجولة الا باخر يوم لنا وسعرها 11 يورو خلوني اوريكم المكتب وكان تعاملهم جدا رائع ونشوف بعض الاستعراضات ومشينا قريب مدام توسو وتعديناه لقينا مطعم هندي وقفنا وتغدينا جانب من الجلسات الاكل لذييذ جدا وانصدمنا من الفاتوره 27 يورو بس .gif) متعودين على غلاء سويسرا .gif) طلعنا من المطعم ورجعنا لمدام توسو خطوتين بس عنه ومعنا تذاكرنا دخلنا على طول لمحبي الكورة خليكم معي الحين وشوفو هالصورة اخذتها من مدام توسو |
|
|
|
08-14-2018, 02:57 PM
|
#2 | |
|
رد: أرض الطواحين..القنوات..التوليب ..( هولنـــــدا)
وكان تعاملهم جدا رائع ونشوف بعض الاستعراضات ومشينا قريب مدام توسو وتعديناه لقينا مطعم هندي وقفنا وتغدينا جانب من الجلسات الاكل لذييذ جدا وانصدمنا من الفاتوره 27 يورو بس متعودين على غلاء سويسرا طلعنا من المطعم ورجعنا لمدام توسو خطوتين بس عنه ومعنا تذاكرنا دخلنا على طول لمحبي الكورة خليكم معي الحين وشوفو هالصورة اخذتها من مدام توسو بنهاية الطريق هذا محطة القطارات الرئيسية 800 متر بس من السنتر والشارع الطويل هذا هو الدامراك فيه مطاعم كثيره وعلى امتداده فيه اكثر من فرع لتكت اند تور مدام توسو جدا رااائع وممتع وكبير نزلنا منه واخذنا جولة بالأقدام وهذا اللي يميز امستردام انك بسهوله تقدر تمشي فيها والممرات والقنوات جدا رائعة ورجعنا للفندق ومرينا على مطعم فلافل وياكثرها هناك وحلال واخذنا اكلنا ونووووووم انتظروني ان شاء الله بالجزء الثاني |
|
|
|
|
08-14-2018, 03:00 PM
|
#3 | |
|
رد: أرض الطواحين..القنوات..التوليب ..( هولنـــــدا)
بدايـــــة يوم جديد اصبحنا واصبح الملك لله صحينا وافطرنا وفطورنا وبعد شرب القهوه رحنا مباشرة لمكتب تكت اند تور وصلنا وكان المكتب توه فاتح رحنا نحجز رحلة الطواحين ومصنع الجبن والقباقب VDLENDAM & MARKEN & WINDMILLS وكانت اخر كرسيين موجوده وقلنا الحمد لله وسعر الرحلة 49 يورو للشخص للعلم المكتب عنده رحلتين يومية رحلة الساعه 9 الصبح الى الساعه 2 والرحلة الثانية الساعه 2 الى الساعة 5 وطبعا كل ماكان بدري كان افضل عشان نستفيد من اخر اليوم بالتمشى داخل امستردام المهم كان الوقت بدري فقلنا نتمشى الين وقت التجمع اللي يكون قبل الرحلة بربع ساعه اخذنا جولة بشارع الداماراك وصورنا ورجعنا ملاحظة شارع الداماراك فيه اكثر من مكتب لتكت اند تور بس فيه مكتب رئيسي للتجمع والانطلاق للباصات وبعد على نفس الشارع والباصات قريبه من هالمكتب رجعنا قبل الموعد وانطلقنا مع المرشد واخذنا اماكنا ووزعت علينا المرشدة سماعات وكان فيها خيار اللغة العربية وبسم الله انطلقنا وكل مامرينا على مكان كنا نسمع معلومات عنه وبعد كانت المرشده تعلق بين وقت والثاني اول قرية وصلنا لها اللي هي قرية الطواحين ..قرية راااائعة جدا اعطتنا المرشده ساعة نتفرج فيها براحتنا وبعدين نرجع للباص نطلق للمكان الثاني تفرجنا وصورنا خليكم معااي وتقدرون تطلعون لهالطواحين بمبلغ رمزي 4 يورو بس حنا ماطلعنا وهالقرية مخدومة بمطاعم ودورات مياة برسوم رمزية رجعنا وركبنا الباص وانطلقنا للقرية الثانية واللي هي القباقب وصلنا وبدأت المجموعات بالدخول وكان فيه عرض جمييل عن كيفية صنع القبقاب وكل واحد اخذ مكانه وبعد العرض كل واحد قام يشوف مقاسه ويجرب كانت تجربة ممتعة |
|
|
|
|
08-14-2018, 03:03 PM
|
#4 | |
|
رد: أرض الطواحين..القنوات..التوليب ..( هولنـــــدا)
وطلعنا من المصنع وانطلقنا لأخر وجهه لنا وهي قرية الصيادين وراح ننتقل لها بالعباااارة وراح نزور فيها مصنع الجبن والقرية بحد ذاتها متـــعة رايحين للعبارة .gif) وبسم الله تحركنا والعبارة فيها كورنر للسناك والكوفي اخذنا لنا هووت تشوكلت وبعض السناك  على ماانتهينا اكل وصلنا لقرية الصيادين وهنا متوجهين لمصنع الجبن دخلنا ونزلنا على طول لتحت نشوف العرض بعد ماشفنا العرض طلعنا فووق لأهم فقرة وهي مرحلة التذووق .gif) وجربنا اكثر من نوع واللي حاب يشتري طبعا وبعدها اخذتنا المرشدة لمطعم ماكولات بحرية ومدحته لنا وقالت انه بعد ساعة راح تكون هنا نقطة التجمع عشان نرجع لأمستردام وهذا المطعم والمطعم قسمين للي حاب ياكل جوا يكون فيه منيو واللي حاب ياخذ تيك اوي زي ماحنا سوينا ياخذ من برا الجو كااان روووووعه اخذنا طلبنا وجلسنا على الكراسي واستمتعنا نوكل الطيور محاولة للإنقضاض على الاكل المنطقة كلها مطاعم جات المرشدة على الوقت وانطلقنا للباص وهنا عاائدون الى امستردام تقييمي للرحلة جدا رائـــــعة واحس انها لب الريف الهولندي سعرها جدا مناسب مقابل الخدمة رجعنا امستردام وريحنا بالفندق وطلعنا على الساعه 6 نتمشى واخذنا عشا ورجعنا للنوم |
|
|
|
|
08-14-2018, 06:21 PM
|
#5 | |
  
|
رد: أرض الطواحين..القنوات..التوليب ..( هولنـــــدا)
جولة شيقة وممتعة وصور في منتهى الجمال والجاذبية
جهد مستحق و طرح أجمل أخي السعيدج بارك الله بك ودمت عنوان التميز لروحك السعادة |
|
|
أطروحاتكم وردودكم الراقية تعكس ما مدى توازن فكركم و ثقافتكم. جملوا حضوركم بتفاعلكم الذي يترك أثار طيبة وينثر روائح زكية.
|
|
08-15-2018, 07:34 AM
|
#7 | |
|
رد: أرض الطواحين..القنوات..التوليب ..( هولنـــــدا)
اليوم الثالث في امستردام حديقة كويكنهوف حديقة كويكنهوف هي حديقة في هولندا، وهي من أجمل حدائق العالم وأشهرها على الإطلاق , لا يتمكن الهولنديون من الإستمتاع بجمالها سوى 3 أشهر فقط في العام! لأنها محمية طبيعية تضم مجموعة من أندر الزهور والطيور فحديقة كوكينهوف تحتوي على أكثر من 7 ملايين زهرة، وعدد زوارها وصل في آخر يوم قبل إغلاقها إلى 825 ألف زائر. تبلغ مساحة حديقة " كويكنهوف" حوالي 32 هكتارا, وتفتح حديقة كويكنهوف سنويا لتكون مستعدة للرحلات السياحية في الفترة من منتصف مارس إلى منتصف مايو وهو أفضل وقت لمشاهدة الزنابق, والمعروف ان زهرة الزنبق او زهرة التيوليب هي ثالث أشهر زهرة في العالم وإحدى أزهار الربيع المحببة لدى الكثيري. اما عن شكل زهرة الزنبق فهي تشبه في شكلها عمامة الرأس، و ترمز التيوليب إلى الخيال والأحلام الجميلة كما تعبر عن الحب و الكمال، فنجدها ملكة العديد من المناسبات والحفلات والذكريات الجميلة. يوجد منها حوالي 100 نوع ووتحصد كل سنة المليارات من زهور الزنبق غالبيتها مزروعة في هولندا خاصة في حديقة " كويكنهوف" . كنا حاجزين من اليوم اللي قبله للرحلة وكان موعدنا الساعه 9 الصبح من امام مكتب تكت اند تور الرئيسي افطرنا بالفندق ورحنا للموقف وانطلقنا الى الحديقه التذكرة سعرها 49 يورو للشخص شاملة الباص اللي يوصلنا وتذاكر الحديقة وشتلات من محل في الحديقة هدية ورحلتنا كانت اول يوم ب افتتاح الحديقة هالسنة وكان يوافق 19 مارس . ووصلنا شوفو قد ايش الناس شافو التذاكر ودخلنا واعطونا خريطة للحديقة مبين فيها كل شي الحديقة تقريبا 4 اقسام وفيها مطاعم وكافيهات وايضا اكشاك لبيع التحف ولاحظت بعد كشك يبيع الجبن الهولندي شوفو الخريطة محدد فيها كل شي الخدمات والمطاعم اول مادخلنا وهالشي بوجهنا وتطلع منه اصوات موسيقية وبسم الله نبدا جولتنا بالحديقة يلا كل واحد ياخذ له ورردة وطلعنا على هالشي الحلو وتذكرت افلام كرتون ياسلام ورحنا للجهة الثانية واللي يحب الورد الاحمر ياخذ له كم حبه ودخلنا مكان زي المحمية وكبيييير وفيه الالاف من التوليب اخترت لكم منها كم صورة وطلعنا من هالمحمية وهالطاحونه موجوده بعد وفيه مزرعة حيوانات بسيطة ومع البرررد حبينا ناكل وشفنا هالمبنى ورحنا نستكشف ولقينا مطعم بنظام بوفيه تاخذ اللي تبي وتحاسب وفيه جلسات داخليه وخارجية وحنا اخترنا نجلس برا كان باقي عن موعد التجمع نص ساعه وتذكرنا انه نروح ناخذ الشتلات اللي من ضمن التذكرة رحنا بسرعه واستلمناها وكانت جوا محل كبير يبيع محافظ وشنط وتحف شوفو اشكال الشنط على شكل ورد ورحنا بسرعه للباص ورجعنا ل امستردام وعلى طول ع المطعم الهندي اللي بوسط الدام انطباعي عن الحديقة راااااااااائعة جدا واستمتعنا فيها ..مكان جميل للإسترخاء السعر اشوفه منااسب جدا اللي بيسافر هالسنه وبفصل الربيع لاتفوته ابد |
|
|
|
|
| مواقع النشر (المفضلة) |
| الكلمات الدليلية (Tags) |
| ..(, أرض, الطواحين..القنوات..التوليب, هولنـــــدا) |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
