5 أيام في اوربا الخليج

طبعاً هذي سفرتي الثالثة لدبي, المرة الاولى الي سافرنا فيها كانت الرحلة لمدة 3 ايام فقط بسبب الزهق والملل, لاننا كنا ندور ع خور دبي طول هالثلاث ايام شنسوي ما كنا نعرف شي

بس الحين ابشركم صرنا ندل دبي عدل

المهم ,,,

كانت رحلتنا برية بالسيارة
وكنا حاجزين لـ3 ايام فقط بس مددنا بعدين
طبعاً بما اني مسئولة السفريات بالعائلة بدت رحله البحث عن السكن, ورسيت على الجوهرة للشقق الفندقية, ما كانت عاجبتني حيل بس اغلب الشقق الزينة كانت محجوزة
طبعا مميزاتها انها كانت قريبة من الديرة ستي سنتر, فكنا نروحله مشي + الشقه كانت واسعة وتصلح لعائلة + وجود حمام سباحة < شروط البابا

ومن عيوبها انها مظلمة شويات ,,

كان سعرها لليلة 105 دينار كويتي, يعني 315 دينار لـ3 ايام

^ البخيلين ما عطونا الا ماي المفروض يعشونا

وكان فيه غرفه غسيل وكوي,, كان من ضمن السلبيات الي قريتها في بوكنق انه فيه ريحة الصرف الصحي, بس الحمدلله احنا كنا ساكنين بآخر دور العاشر فما كانت توصلنا الريحة

طبعاً اول يوم وصلنا ع المغرب فما كان يمدينا نروح مكان واساسا كنا تعبانين من الطريق الطويييييييييل ,,

بسس

هيهات هيهات

ارتحنا ساعه وبعدها ما صبرنا رحنا للديرة ستي سنتر تمشينا شوي وتعشينا وردينا نرتاح لرحلتنا لليوم الثاني

^
^
^

اليوم الثاني ,,,

بما أن رحلتنا قصيرة فقررنا كل يوم روح مكانين << عشان ما يطوفنا شي

فأول شي رحنا لحديقة الزهور miracle garden وكانت تذكرة الدخول 30 درهم للشخص















^ المزيونة تسلم عليكم



^ هذا البيت الصيني, ولقيت البيت السعودي بس ما صورته









^ الفرنسيين مضيعيين برج ايفل مالهم هناك



كان الجو عجيييييب وفيه جم مطعم خفيف تغدينا وحولنا هالورود الي تفتح النفس

^
^

قبل ما تظلم الدنيا انتقلنا لدبي مول




^ مافي احد يروح لدبي مول وما يصور هالمكان




اول شي رحنا للسوق وهو نظام سوق قديم بديكوراته



بعدين مرينا على هالتنين الازرق

كان فيه الاكاوريوم بس ما دشيته < باعتبار اني دشيته بسفرتنا الي طافت وكافي




^ فيه هالمحل بدبي مول البسكوت بالكاكاو لذييييييييييييييذ ما اوصيكم عليه, طبعاً سحبوني سحب عشان اطلع من المحل ما خليت شي ما شريته











تمشينا شوي بالمول وبعدين طلعنا برا عند النافورة وبرج خليفة وكان الجو





^ اقلبوا الشاشة عشان تشوفون الصورة عدل



الاضافة الجديدة الي شفتها اهوا وجود هالقوارب طبعاً لازم اركب فيها
كانت التذكرة للشخص الواحد 60 درهم

بس نظامهم لازم 10 اشخاص بالقارب

ولما ركبنا القارب ومشينا شوي وبعدنا عن الناس, وقف السايق,,

وخرعنا ع بالي بيخطفنا
ولا نتفاجأ ونشتغل الناافورة واحنا وراها بالضبط

المنظر كااااااان خطييير ورذاذ النافورة يرش علينا



هذي صورة صورتها لما كنا بالقارب لمطعم يشب نار







^ وانتهى يومنا الثاني بسهرة حلوة عند النافورة

اليوم الثالث ,,,


قررنا بهاليوم نروح لمول الامارات





تغدينا هناك من آشاز





^ هذي ضيافتهم



,



^ لفتت نظري واجهة المحل جنها تلفزيون كبير,, وكل من يمر يصوره

,

بعد الغدا والتمشي, رحنا لسكي دبي وكان عندهم مهرجان فروزن











بس ما دشينا داخل

^
^

لما خلصنا رحنا للقرية العالمية global village



وكان سعر التذكرة 15 درهم










^ حسيت وده يذبحني



^ هالالعاب ذكرتني بألعاب زماان





^ وحنا طالعين من الهند لقيت هالشباب يرقصون اماراتي





^ ما يصير نروح هناك وما ناكل من لقيماتهم اللذيذة

بعدها رحنا للمغرب























^ ما خليت شي ما صورته





























^ هذا واحد جينا نشتري منه بطاط وجننا لما نتناقش انا وخواتي عن الي يبونه يتدخل ويرد علينا ويناقشنا بس نفسه حلوه غير جونا شوي



^ ما دشيناها صرنا حافظينها حفظ






^ الاخت صورت مليون صورة وموراضية تروح, واقفه جنها تمثال
بغيت اتهاوش وياها بس ما تعطيني وجهه

تابع القرية العالمية ,,,


تركيا حبيبه الكل

























^ البوظة لذيييييييييييذة

الاتراك شغلهم لذيذ << تفكر بالأكل بسس >> بس نفسيتهم مو شي , وما يفهمون لا عربي ولا انجليزي < قعدت احاتي اذا سافرت لتركيا شلون اتفاهم معاهم

بعدها رحنا لافريقيا















^ شوفو البشوشة, مع انها كانت بردانه بس ابتسمت للصورة, نفسهم حلوة مو مثل بعض الناس
وكل شوي مشغلين اغنية وراقصين << ناس ما همهم شي











^ عجبني تصميمهم حسيت متعوب عليه

بسس للامانة ما دشته بس صورت الفرقة وطلعت













^ ترا شورمتهم لذيذة

اليوم الرابع ,,,


بهاليوم قلنا خنروح للديرة ستي سنتر نتمشى فيها عدل وندورلنا مطعم هندي نتغدا منه






^ شكله سوالفهم حلوة





^ للامانة عجبني أكثر من آشاز من ناحية الطعم, وسعره ارخص ومعقول, والسيرفس مالهم ممتاز, كل شوي يجينا واحد ويسالنا اذا نبي شي وراينا بالاكل, حسيت اني ملكة

لما تغدينا تمشينا بالستي سنتر نهضم وجذي

بعدها رحنا للـ



طبعاً قبل ما نروح له دشيت ع موقعهم عشان اعرف العروضو واخترنا عرض علاءالدين + الدلافين + الفقمات
وكانت التذكرة ع 120 درهم للشخص

وهذا موقعهم للي يبي معلومات اكثر عن العروض واوقاتها

Dubai Dolphinarium - Dolphin Shows - Seal Shows - Exotic Bird Shows







^ هذولا الاشرار






^ هني علاء الدين وحبيبته لما انتصروا ع الاشرار



^ هني بدت فقرة الفقمات,, للاسف ما عجبوني حسيتهم ثقيلين طينة << شكو مادري










,

لما خلص عرضنا رحنا لـ فستيفال ستي سنتر
بسس للأسف كان فيه صيانة واصلاحات فما طلعنا برا
وشوي لما كنا قاعدين بواحد من الكافيهات ولا يمرون علينا





وكان فيه سيرك وحركات << ماضاعت علينا ليلتنا















, وانتهى يومنا على خير

اليوم الخامس ,,,

كالعادة نفتتح اليوم بغدا

كان غدانا من مطعم زافران بمرينا مول ,
بصراحة اول مرة اروح لهالمول بس عجبني كان هادي وقعداته الخارجية مريحة وحلوة







^ نظامنا كل يوم نفس الطلب ونجربه بأكثر من مطعم
للأمانة مطعم زافران وجازيبو الي بالديرة ستي سنتر, صكوا على مطعم آشاز



^ كان غدانا بهالمكان الشرح








^ وحنا طالعين من المول مر علينا هالقطار يودعنا


طلعنا من المول واتجهناا لأبو ظبي
نبي نغير شوي
واتجهنا لحديقة الحيوانات
<< بجننكم بالصور





^ اسعارهم



















^









^ أبو قذيلة يسلم عليكم









^ جننوني ع هالصورة, كل شوي يتحركون ليين ربي هداهم وصورتهم ع السريع


















^





^ ملاحظين حيواناتنا المفترسة كله نايمة وخدرانة
ترا هيبتهم بدت تروح
< ولا يمكن عشانا جيناهم بوقت بعد الغداء وخربنا عليهم قيلولتهم



^ الفيل كان ياخذ شاور فما شفناه



^ هني فيه قعدات حلوة وكافيه خفيف

تكملة ,,,

كنا حاجزين من دبي شقه في ابو ظبي, على اساس ما نتعب وندور من مكان لي مكان


طبعا الاغلب كان فل وبحمد الله لقينا
...
















كان بـ 800 درهم, الموقع حلو, النظافة والسيرفس ممتازين, المطعم لذيييييييييييذ , بعكس الجوهرة الي بدبي كان مطعمهم مو شي
بس عيبهم الوحيد ان بواحد من الحمامات مافي شطاف , وطبعا احنا كنا داريين من تعليقات البوكنق بس الحمام الثاني تمام

كان عشانا هالليلة منهم لأننا كنا تعبانيين من السفر من دبي لأبو ظبي
<< حتى لوكانت مسافة الطريق ربع ساعه بس اسمه سفر خلاص لازم نتعب

^
^

اليوم الثاني
اهوا يوم العودة للديار

وما يصير نطلع من ابو ظبي من دون ما نمر مسجد الشيخ زايد
.











ودعنا المسجد
وودعنا دبي وابو ظبي
وودعنا الامارات بكبرها




وانتهـى التقرير