تقريري عن بوكيت الساحره سبتمبر 2015

بسم الله الرحمن الرحيم
والصلاة والسلام على أشرف الأنبياء
والمرسلين سيدنا محمد وعلى آله وصحبه أجمعين

فجأه قررنا السفر انا وصاحبي في إجازه العيد الأضحى المبارك
المده كانت قليله حوالي من 6 ليالي الى 8 ليالي الحد الاقصى
كنا في حيره من امرنا مره نقول سيريلانكا ومره نقول كيريلا ومره نقول اندونيسيا ووووو
وبعد الشذب والجذب والحووسه
فجأه استقرينا على الذهاب الى جزيرة بوكيت فقط بحكم الايام القليله الي عندنا
وكانت خيار صائب

مده الرحله من 16 سبتمبر 2015
الى فجر يوم عيد الأضحى المباركـ 24 سبتمبر 2015

الطيران الناقل حبيبنا الطيران القطري
وكان كالعاده قد الثقه ومضبووط جدا في التواقيت ومريح جدا
سعر التذكره كان 227 دينار بحريني تقريبا الى بانكوكـ
السعر كان مرتفع بحكم ان حجزنا كان متاخر وقريب العيد

هذه الصورة تم تصغيرها . الحجم الافتراضي لها هو 816x612.

طائرة الذهاب خيااااليه جديده جدا وواسعه جدا
على حسب علمي انها اكبر طائرة ركاب في العالم A380-800

هذه الصورة تم تصغيرها . الحجم الافتراضي لها هو 816x612.

صوره من الجو

هذه الصورة تم تصغيرها . الحجم الافتراضي لها هو 816x612.

صوره من داخل الطائره

وبعدها الطيران من بانكوك الى بوكيت بطيران بانكوك اير
تقريبا كان ب55 دينار بحريني للشخص
طيران سيء جدا والسبب الطائرات جدا عاديه جربت من قبل طيران آسيا اير تقريبا مثل الطائرات
وفي رحله الذهاب تم تغيير وقت الطائره حوالي 4 مرات تخيلوا
ونذهب نسأل الموظفين مايعرفون متى الطائره راح تطير كل مره كلام ثاني وكذب !!
القهر إن احنا حاجزين فيها على إنها من افضل شركه طيران في تايلند وعلى إنها تطير من مثل مطار بانكوك الدولي الي نزلنا فيه عكس طيران آسيا اير وباقي الشركات الاقتصاديه كان السعر فرق شاسع بينهم وبين طيران بانكوك اير تقريبا نصف السعر لكن الفرق انهم في مطار ثاني ولازم تذهب له بالسياره مسافه ساعه الى ساعه ونصف فـ قلنا نحجز عليها افضل لنا عن التعب وبعدين صار التعب دبل مع تبديل وقت الطائره 4 مرات


نشوووفكم في الجزء القاادم

نواصل معاكم التقرير

صور سقطت سهواً

هذه الصورة تم تصغيرها . الحجم الافتراضي لها هو 816x612.

صوره في مطار الدوحه كان ترانزيت ساعه ونصف
الحمدلله كان الوقت تمام قدرنا نصلي فيها

هذه الصورة تم تصغيرها . الحجم الافتراضي لها هو 816x612.


هذه الصورة تم تصغيرها . الحجم الافتراضي لها هو 816x612.

وانطلقناااا


وصلنا مطار بانكوك بالسلامه وكان الدخول زحمممه
اخذنا في الجوازات تقريبا ساعه ونصف ننتظر
كان الفرق بين الوصول والطائره الثانيه الى بوكيت تقريبا 4 ساعات
طبعا مهم تحط فارق 3 الى 5 ساعات فرق بين رحله الوصول ورحله بوكيت حتى لو كان في مثل المطار
لأن ماتضمن التأخير في أي من الرحلات وتتورط بعدها


هذه الصورة تم تصغيرها . الحجم الافتراضي لها هو 816x612.

صوره من مطار بانكوك جلسنا نشرب عصير برتقال من ماك على هذي الاطلاله الحلوه


وصلنا بالسلامه الى بوكيت
واخذنا تاكسي من المكاتب الموجوده في المطار
كان تقريبا سعر التاكسي 1000 بات الى شاطئنا كارون بيج

طبعا اول يوم وصلنا تقريبا الساعه 6 ونصف مساءاً الفندق وبعد ترانزيتين ودوخه وتعب
فكان اليوم ضايع ضايع فقط ذهبنا للسوبر ماركت بجنب الفندق

ويوم ثاني استيقضنا كلنا شغف بإستكشاف الفندق

طبعا كان اختياري للفنادق المهم فيهم إنهم مواجهين للشاطئ مباشره
لأن الرحله كانت استجمام بعد تعب العمل ومشاغل الحياه
فـ كان يهمني إن الفنادق مو أي كلام ويكونون مواجهين للشاطئ مباشره
وماكان يهمني إنهم لازم يكونون في الباتونج بيج
وحتى لو اضطرينا ندفع للتاكسي ذهاب وإياب للباتونج
طبعا الباتونج بيج اهم شاطئ في بوكيت لأن توجد فيه كل النشاطات وأهم الاسواق والفعاليات

كانت الرحله 6 ليالي حجزت كل 3 ليالي في فندق من باب التغيير

الفندق الأول
Beyond Resort Karon
**** اربع نجووم
سعر ال3 ليالي 317 دولار من موقع اجودا

هذه الصورة تم تصغيرها . الحجم الافتراضي لها هو 816x612.

ترحيب الفندق

حجزنا كان غرفه ديلوكس مطله على المحيط



هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.


اطلاله الغرفه كانت خيااااليه روعه كفايه الجلسه في البلكونه
وتخيلووا معي تناموون وتصحوون على صوت الامواج ياسلااام


هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.

البحر الي بجانب الفندق

هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.


هذه الصورة تم تصغيرها . الحجم الافتراضي لها هو 816x612.

جلسات مطعم الفندق للفطور المطل للبحر


هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.

وهذي جلسات مطعم الفندق الارضي المقابل للبحر


هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.

بركـ الفندق المقابلين للبحر


هذه الصورة تم تصغيرها . الحجم الافتراضي لها هو 816x612.

هذه الصورة تم تصغيرها . الحجم الافتراضي لها هو 816x612.


بعد مافطرنا واخذنا جوله في الفندق ذهبنا الى الباتونج بيج

هذه الصورة تم تصغيرها . الحجم الافتراضي لها هو 816x612.

وهذي صوره من اشهر موول في بوكيت ويوجد فيه ماركات عالميه ومطاعم كثيره

ذهابنا للباتونج بيج للتسوق ولنحجز للرحلات السياحيه
الحجز كان من مكتب بووم والرحلات تتفاوت بين 1000 بات الى 1600 بات
طبعا الرحلات عندهم دائما تبدأ من الصباح الباكر فـ هذا اليوم طافت علينا رحلات الصباح الباكر
فعوضناها وحجزنا للفنتازيا سي طبعا عرض ممتع ومميز
ويكون في الليل عشان مايطوف اليوم في التسوق فقط ونستغله اكبر استغلال
استمتعنا فيه صراحه عرض محترف مو أي كلام
انصح فيه للي رايح اول مره وماشاهده من قبل


نشوووفكم في اليووم الثاني في رحله جزيره جيمس بووند

في هذا اليوم رحلتنا راح تكون لجزيرة جيمس بوند المشهوره
مر الباص واخذنا الساعه 7:45 وبعدها يمر على باقي السواح الي معانا في مثل الباص
الطريق كان شوي بعيد لمرفأ السفن يمكن ماوصلنا اللا الساعه 10ونصف
سعر الرحله كان 1200 بات بالقارب الكبير
يشمل وجبه غداء ومشروبات غازيه وماء وشاي وكوفي مجانا طوال الرحله
والتوصيل من والى الفندق



وانطلقناااا




اول محطه كانت جزيرة صغيره للسباحه والتصوير







بصراحه الجزيره كانت حلوه وفيها مناظر حلوه







وبعدها وقفنا لنركب في القوارب الصغيره وفي شخص يجدف فينا
كانت تجربه حلووه وممتعه الدخوول داخل الكهوف الضيقه بالقوارب الصغيره





وعقبها رجعنا للقارب الكبير وجاء وقت الغداء
بس بصراحه احنا مااكلنا منه شيء ماتطمنا للأكل على إنه حلال او لا
معنهم يقولون الاكل حلال والعلم عند الله
احنا كنا ماخذين احتياطنا عندنا اكلنا
الي بروح مثل هالرحلات الطويله ممكن مايعجبه اكلهم او مايتطمن لحليه الاكل
فأنصحه ياخد معاه اكل لأن الرحله طويله حوالي 8 ساعات في البحر تجوووع




بعدها انطلقنا ووصلنا لجزيره جيمس بووند الأشهر من نار على علم
واكثر مكان صادفنا فيه رطوبه كان في جزيرة جيمس بوند الجو كان خااانق






الصخره المائله في جزيرة جيمس بوند سبحان الله جميله جداا




بعدها ايضا كان فيه مرحلتين للدخول في الكهوف الضيقه بالقوارب الصغيره






وهذي الصور في طريق الرجوع لمرفأ القوارب












تقيمي للرحله 8/10
وقت الرحله طويل تقريبا 9 ساعات ونصف من خروجنا من الفندق اللين الرجوع
نصيحه الي يبي يروح هالرحله يروح في السبيد بووت لأنه بكون اسرع بكثير
من القارب الكبير كان جدا بطيء

نشوووفكم في الجزء القادم

اليوم كان آخر يوم لنا في الفندق الاول إستيقضنا من الصباح الباكر
وذهبنا للفطور في مطعم الفندق





إطلاله جميله جداا تفتح النفس للأكل


بعد ما إنتهينا من الفطور أخذنا جوله على الفندق وعلى الشاطئ المقابل للفندق







صياد سمك في الشاطئ











بصراحه بحر راااائع جدا وانظف بكثير من شاطئ الباتونج











طبعا هالصوره توضح الاعلام المرفوعه على الشاطئ
في حاله إذا كان لونها أخضر او احمر واصفر او احمر فقط
ولكن بعد ناس ماتنتبه في مثل اليوم كان العلم احمر
وفيه زوجين صينيين داخل البحر كانوا شوي ويموتون



الحين الصور لمرافق الفندق



اسعار وانواع المساج في الفندق



لوبي الفندق كان صغير نوعا ما















جلسه داخل البركه تستطيع شرب العصير فيها
والاطلاله خياااال







تقيمي للفندق

8\10 للمرافق والخدمات

10\10 للاطلااااله


نشوووفكم في الجزء القادم
غيرنا فيه شوي عن البحر

جولتنا الثالثه في جزيرة بوكيت
منوعه لعدة اماكن داخل الجزيرة نغير شوي عن الجزر والبحر
حلوو الواحد في السفر يجرب كل شي مو شي معين فقط

كالعاده مر الباص واخذنا من الصباح الساعه 8 ونصف
الحلو في هالرحله إن كنا لوحدنا في الباص
فكنا نتحكم فيه مثل مانبغي ونمشي من المكان مثل مانبغي ونجلس مثل مانبغي عجيب ههههه
لأن اماكن في البكج مابغيناها منها المعابد والبوذا
سعر البكج كان 1000 بات للشخص
يشمل التوصيل من والى الفندق زائد مرشد سياحي يتحدث الانجليزيه

اول مكان كان



مكان مرتفع يوجد فيه اطلاله جميله على شاطئ الكارون





المكان مرتب جدا ومنظم ونظييف يستحق الزياره




بعدها كان يوجد شخص في الخارج عنده نسر والتصوير معاه ب 300 بات
ومحدثكم يعشق شي اسمه طيوور
خبرت المرشد السياحي إني ابغي اصور مع النسر
نصحني إن مااصور معاه قال لي تبغي تشوف عرض طيور وحديقه وتصور معاهم بعد
كل هذا ب 500 بات وهال500 بات لتذكره الدخول
طبعا بدون كلام قلت له اكيييييييييييد ابغي يلا سرينا
طبعا هالرحله ماكانت موجوده في البكج لكن الحمدلله توفقنا في المرشد السياحي
كان لطيف ومتجاوب جدا معنا وحب يساعدنا

اسم المكان







المكان جميل ومرتب جدا





بعد مااخذنا طله على الطيور الموجوده
قال المرشد الان بيبتدي عرض الطيور وذهبنا



هالصور كنت بجنب الطيور وقت العرض
مدربين الطيور استدعوني للمشاركه في مسابقه تقوم على انك تختار وعاء معين
وعلى الطائر معرفة أي وعاء تم إختياره



في هذي الصوره اخترت وعاء معين
والطائر لم يستطع التعرف على الوعاء المطلوب خخخخخخخخخ
والمدربه اطلقت بالمسدس على الطائر وعمل نفسه ميت هههههههه



بصراحه عرض ممتع جدا للكبار والصغار والحلو فيه إن الكل يشارك
اعطيه 10-10 يستحق المشاهده بكل قوووه انصحكم فيه

بعدها ذهبنا إلى مصنع مكسرات الكاجو
ومصنع العسل بس للأسف ماصورت أي صور

وآخر محطه كانت حديقه الحيوان في بوكيت



صور منوعه من الحديقه جميل المكان مرتب















بغيت اصور مع هالنمر كانت الصوره معه ب 300 بات
بس المشكله مو في السعر
المشكله إنه كان نائم والمدرب غصب يبغي يجلسه حق الصوره
وكان متنرفز جدااا بحكم خبرتي في الطيور والحيوانات كان يبين عليه إنه معصب جدا
والمدرب إلا يبيني اصوور معاه قلت له مابغي عاد زعل بعدين ليش يجلسه وانا مااصور معاه
مجنووون اصوور معاه وهو بهل الحاله
لا وبعدين انتبهنا إن المدرب وحده من يده مقطوعه واويلاااا زين ماصورت

نشوووفكم في الحلقه القادمه

الفندق الثاني كان

Merlin Beach Resort
خمس نجوم *****

الفندق يوجد في شاطئ الباتونج لكن يتميز بوجود شاطئ خاص للفندق فقط
يعني موقع الفندق ليس في قلب شاطئ الباتونج فـ تحتاج تاكسي او تك تك للذهاب من والى الباتونج
لكن ايضا الفندق يوفر توصيل مجانا الى الباتونج ذهابا وايابا بأوقات محدده سابقا

السعر 9900 بات لل3 ليالي مع الفطور
مايعادل 279 دولار




المدخل






البركه الاولى والرئيسية طبعا من اهم مميزات الفندق توجد فيه 3 برك
كبيره جدا الفندق بأكلمه وين ماتروح تلاقي برك






منظر جميل بالقرب من البركه






بركه الاطفال ماشاء الله كبيره جدا
ويوجد فيها اللعاب مخصصه للأطفال
فـ الي عنده اطفال ويحبون البرك ورايح بوكيت انصحه بالفندق وبشده








ممر مائي جميل يربط بركه الاطفال بالبركه الرئيسيه




البركه الثالثه وكانت غرفتنا تطل عليها




كوفي شوب يطل على بركه الاطفال











حديقه الفندق الجميييله بإطلالتها على البحر












نشوووفكم في الجزء القادم رحلة بي بي آيلند

رحلتنا الأخيره في بوكيت كانت إلى جزيرة بي بي
سعر الرحله 1400 بات على متن السبيد بووت شامل التوصيل من والى الفندق
والغداء والمشروبات الغازيه والماء طوال الرحله
ويعطونك مجانا للرحله عدة غوص بس بدون الزعانف
الزعانف تستطيع تأجيرها ب 150 بات تستحق التجربه
الي حاب يروح ويغوص انصحه بالزعانف مفيده جدا وتجربه ممتعه جدااا



فطرنا في الفندق وإنطلقناااا



عجبني في التايلنديين التزامهم بوقت الذهاب
يعني اذا قال الساعه 8 راح يكون موجود بالفعل يكون موجود وغلب الاحيان قبل ايضا
إنتهينا من الفطور وصار الوقت الي متفقين عليه وبالفعل كان السائق موجود على الوقت






انطلقنااا






اولى المحطات في الرحله هذي الجزيره للتصوير والسباحه










بعدها كان اول محطه في الغوص
بصراحه الغوص كان جمييييل جدا لايفوت ماودك تخرج من البحر
اسماك انواع واشكال والحيد البحري رااائع






الجوله الي بعدها كانت الوقوف في شاطئ القرده
شاطئ جميل ويوجد فيه قرده تستطيع اطعامهم بس انتبه لايسرقونك








بعدها كان التوقف في جزيرة بي بي للغداء والاستراحه









بعدها ايضا كان التوقف للغووص







بعدها توقفنا في هالشاطئ الجمييييل لخليج مايا







ختام الرحله مسسسك بصراحه كان اجمل مكان في السفره كلها
منااااظر خيال هضااب خضراء وماء نقي جداا جدااا
سبحان الله منظر ولا في الخيال كان كالحلم
اخليكم مع الصووور و اترك لكم التعلييق




















في طريق الرجوع





تقيمي للرحله
10-10 تستحق التجربه وبكل جداره
ولو الله كتب ورجعت لبوكيت بعيدها بدون أي تردد

جعلت آخر يوم بأكمله من الصباح للمساء للتسوق



وهذا آخر غداء في بوكيت كان في مطعم هندي في شارع الباتونج
بالقرب من مطعم دبي والقاهرة
اكلهم كان ممتاز والكميه كبيره والسعر معقول وفيه واي فاي سريع مجاني ايضا
اكلنا دائما كان برياني روبيان وعدس وارز وفتوش وتبوله





اخذنا باص من الفندق للذهاب الى المطار شوفوا الباص كشخه كأنه طائره داخل
السعر كان 1200 بات من الفندق للمطار تقريبا المسافه كانت ساعه وربع




وداااااعا يااجمل جزيره
قضينا فيها ايام جمييييله جدا






وتقيمي لجزيرة بوكيت إنها تستحق الزيارة بكل قوة
وتستطيع الجلوس فيها حتى 10 ايام بكل سهوله وبدون ملل
لأن فيها نشاطات كثيييره جدا جدا تستحق التجربه
نشوووفكم في تقارير جديده مستقبلا