| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
08-20-2018, 02:38 PM
|
#21 | |
 
|
رد: (لندن العشق الجديد لكن بنكهة الألم) رحلتي ابريل 2017
اليوم الاثنين الموافق 17 ابريل صحينا بدري واخذنا اغراضنا واتجهنا للكوخ اللي يبعد عن اكستر تقريبا ساعة وربع بمنطقة whitsand bay fort دفعنا 200 باوند لزوج مشاركة منا بسعر الكوخ مارضي بس اصرينا ولا مانروح الكوخ 3 غرف و2 دورة مياه وصالة معيشة بالريال كان سعره 600 ريال علشان ربيع بالصيف يصل سعره الى 1200 أجل بالطائف فلة ب2200 وكل ماتطالع بجهه وماتشوف غير القرود  تجهزنا وخرجنا على اساعة 10 الصبح مرينا قضينا من السوبر ماركت اغراض لان المنطقة ريفية والكوخ حلاته استرخاء واكل  لما جينا عند المحاسبة بندفع زوج اختي يحلف وامي تحلف والبريطاني يطالع ومستغرب اختي خافت قالت خلاص الحين يحسبون انه ضد عنف المراة قاله زوج اختي انه العرب مايخلون المراءة تدفع ودفع زوج اختي وبالسيارة حلفنا عليه ياخذها   موقع الكوخ ماعليكم ماعرفت من الخربطة اهم شي وصلت المعلومة   فطاير للطريق  والكيكة مع القهوة  وقفنا نتقهوى بستاربكس مو كيكيتي اطعم بس يحبون اكل السوق   الحمامات الله يكرمكم اللي بالطريق لا تعليق    اسعار البنزين   وبدا الطريق زوجي اختي وامي مروقين على الشيلات                  وصلنا جسر وكان الحديث انه الجسر اقيم قبل توحيد المملكة      مرينا بدون رسوم      هذي القرية اقرب مكان للكوخ فيه سوبر ماركت صغير    وقربنا  |
|
|
|
08-20-2018, 02:40 PM
|
#22 | |
|
رد: (لندن العشق الجديد لكن بنكهة الألم) رحلتي ابريل 2017
        سرنا نطلع ونشوف البحر        هذا الكوفي قبل الكوخ      هنا استقبال الاكواخ الاكواخ فيه منها ايجار وفيه منها املاك لناس   رايحين لكوخنا   رقم الكوخ  اول ماندخل على اليمين الغرف والباب اللي على اليسار يودي على صالة المعيشة والمطبخ  باب الكوخ من الداخل  وهذا الممر على اليمين غرفة امي واختي وبالوجهه غرفتي انا وبنتي والبيسار اختي وزوجها  الغرفة الاولى   هذي غرفتي  غرفة اختي وزوجها باببين ذي بغرفتها واحد دورة مياه الله يكرمكم والثاني مادري ايش  وهذا الحمام الثاني اللي بالممر  ودخلنا من الباب اللي على اليسار طاولة الطعام           بعد ما ارتحنا سويت لهم العشاء ملوخيه ناشفه بالدجاج المغروض باللحمة بس اختي الصغيرة ماتاكل اللحم جيل اغبر يشترطون اول امي تحط لنا الاكل وماعمرنا قلنا ماناكله ماشاء الله كنا ناكل كل شيء لا تفوتكم شلت الملوخية المطحونة بعلبة الشاهي الاخضر من السعودية  تجهيزاتي اطبخ وتفرج على المنظر الجميل    نصيبي وانا واختي الصغيرة  بعد العشاء بدت السهرة سوالف وقهوة وزوجي اختي يذاكر |
|
|
|
|
08-20-2018, 02:43 PM
|
#23 | |
|
رد: (لندن العشق الجديد لكن بنكهة الألم) رحلتي ابريل 2017
اللي يجاوب له تذكرة مجانية كان وقت وجودنا بالكوخ من يوم الاثنين 17 ابريل الى الخميس 20 ابريل الصور متفرقة طوال الايام الفطور على المنظر الجميل  عشانا من ايدين الوالدة ربي يخليها  والعصرية سويت الوالدة مقلية او عوامات اكلنها بالسكر لو بالحمر والكراث اطعم  قهوة  صور من المنطقة اللي حول الاكواخ           فيه كمان كرفانات بس كانت فاضية  هنا الاستقبال على اليسار وعلى اليمين المطعم والكوفي    هذا الكوفي تطلع له مع الدرج وبالوجه المسبح المغطى  مطل على الاستقبال    اعتقد يسون جوالات بحرية  في الافق مدينة بليموث  شوفوا درجة الحرارة وبزرانهم يتسبحون بنتي الايام الاخيرة كانت مرة منكدة حسيتها مشتاقة لاخوانها ولما شافتهم يتسبحون جلست تناديهم بس مطنشينها بعدين زوج اختي قالها قولي لهم هاي وردو عليها وانبسطت ومن الحماس تقولهم تحزم خوي تحزم الشيلة طبعا زوج اختي كان يصورها وجلس يضحك ايش فهمم الشيلة بس هههههه  صورت الغروب بسنابي ونسيت احفظ الصورة قبل ما اكتب عليها  يوم الاربعاء كانا ناوين نشوي بس الجو مرة هواء الكباب اللحمة سويته بالفرن لزوج اختي واحنا تعشينا شوي متأخر سويت الدجاج بالفرن  الرز والطحينة  يوم الخميس سوينا التشيك اوت على الساعة 10 الصباح ايجابيات الكوخ 1\ النظافة 2\ المطبخ متكامل 3\ الامان عالي بالليل شفنا الامن يلف بين الاكواخ السلبيات 1\ عدم تشغيل المطعم والكوفي غير بالصيف 2\ وعدم وجودد بقالة لان نقصت علينا الموية غير نزلنا القرية واشترينا يوم الخميس 20 خرجنا الى مدينة بليموث وقفنا نتقهوى بالطريق وكنت مسويه كنافة  هههههههههههه وهذي الوردة امي تقولي اعطيها اخوك لرجعت السعودية  هذي بوابة دفعنا فيه مبلغ       وقفنا بمواقف هذا المول برسوم طبعا       بعدين خرجنا الى السنتر                 بعد السنتر رحنا المركز الاسلامي نصلي الظهر والعصر وكان بالمركز حلقات تحفيظ اطفال دخلنا وهم يحفظون سورة الهمزة وقتها جاني شعور ماني عارفة اوصفه اللهم اعز الاسلام والمسلمين بكل مكان وقابلنا احد الاخوات من الجزائر جايبه بنتها التحفيظ وجالسة تستناها واحد الاخوات من السودان كانت صايمة الخميس سولفنا معهم شوي وخرجنا الى مدينة اكستر لا تنسون التبرع باللي تقدرون عليه لدعمهم ماقدرت اصور غير مدخل المركز  وصلنا قبل المغرب الى بيت اختي والوالدة سوت لنا عشاء خفيف ربي يحفظها  |
|
|
|
|
08-20-2018, 02:47 PM
|
#24 | |
|
رد: (لندن العشق الجديد لكن بنكهة الألم) رحلتي ابريل 2017
اليوم الجمعة 21 ابريل رحت السنتر كملت تسوق لبعض الاغراض ورجعت وماصورت يومها شيء السبت الموافق 22 ابريل كانت رحلتي الساعة 8 مساء خرجنا من اكستر الساعة 12 الظهر عبر الخط السريع امي مسويه لي اندومي بالخضار قبل امشي   وقفنا نعبي بنزين شايفين الجو مشمس       اخذنا قهوة من نيرو  وصلنا المطار على الساعة 4 العصر         بعد ما دخلت شنطتي رحنا المصلى نصلي العصر بعدها قلت لاختي وزوجها يمشون مارضيو يقول زوج اختي اخاف تلخبطين  قلت له مو اول مرة اسافر عارفة دخلت هنا غرفة تغير الاطفال شيء يفتح النفس    ورحنا مكان للصلاة   ودعت اختي وقلبي مقسم نصفين شوقي لبزورتي وخوفي على اختي من العملية ماقدرت احضر عمليتها لانهم اجلو العملية ل8 مايو  بوابتي كانت 11 وانا استنى الاقلاع تعرفت على اخت من تونس معي على نفس الرحلة رايحين ياخذون عمرة يسعدها ربي واحنا جالسين نستنى راحو هي وزوجها جاب لهم اكل وجابو لي بطاطس لبنتي معهم اخجلوني بكرمهم  اقلعت الرحلة تقريبا بنفس موعدها كانت الطيارة زحمة مرة من الهنود وباكستانية     وصلنا جدة على 4 الفجر ماكان يمديني اخذ الطيارة اللي تقلع من جدة لينبع الفجر فخليت رحلتي 3 الظهر استقبلني اخوي قبل يداوم رحت نمت ببيت اهلي والساعة 12 رحت المطار لرحلة ينبع الحمدلله وصلت بالسلامة محتفلين فيني وطلبت العشاء على ذوقي مندي لحم   سامحوني على القصور حبيت ارد جزء بسيط من افضال هذا المنتدى الجميل  وقت رحلتي ماجاء مطر  وهذي هي الملاحظة |
|
|
|
|
| مواقع النشر (المفضلة) |
| الكلمات الدليلية (Tags) |
| (لندن, 2017, لكن, الألم), الجديد, العشق, ابريل, بنكهة, رحلتي |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تقرير-رحلتي الربيعية في ماليزيا-نيسان-ابريل-2018 | السعيد | رِيَاض إبْنُ بَطُوطَة لِسْيَاحَة والسَفَر | 9 | 11-03-2018 02:43 PM |
| البوسنة - ابريل - 2017 | السعيد | رِيَاض إبْنُ بَطُوطَة لِسْيَاحَة والسَفَر | 12 | 08-31-2018 01:21 PM |
| رحلتي الثانيه الى ارض الابتسامه " تايلند 3 ابريل الى 13 ابريل " تنبيـــه صور كثيره " | السعيد | رِيَاض إبْنُ بَطُوطَة لِسْيَاحَة والسَفَر | 3 | 08-11-2018 08:57 AM |
| ويستمر العشق الذي لا ينتهي ۔۔ كتكاته في لندن 2014 | السعيد | رِيَاض إبْنُ بَطُوطَة لِسْيَاحَة والسَفَر | 13 | 01-12-2018 04:10 PM |
| رحلتي لاندونيسيا في شهر ابريل 2016م | السعيد | رِيَاض إبْنُ بَطُوطَة لِسْيَاحَة والسَفَر | 4 | 11-05-2017 08:53 AM |
