خلية النحل في رحلة العمر

وصلنا المطعم و كان الغدا عبارة عن سندويش شوارما ,, بس ياهو سندويش لحد ألحين أذكر طعمه ..

معلم الشوارما الدجاج ,, كان يشتغل في مكة المكرمة ..

















بعد ما خذنا الأكل قلنا نرجع إلى أكوش وفي الطريج بنوقف و بناكل ..



في الطربق إلى أكوش توقفنا و جلسنا في جلسات عند المسجد ,, و أكلنا السندوش اللذيذ ..

هذي الصور من عند الجلسة ..





زهور الربيع قد أنتعشت بالمطر و من بعده بأشعة الشمس فخرجت لنا بأزهوا حلة ..











طريق العودة إلى المزيونة أكوش ..









الله يعطي هذي العيوز القوة ,, نحن الشباب مانروم على إلي تسويه ..



من قرية إلى قرية مشيا على الأقدام ..



بعد مارجعنا قلنا نرتب الأغراض و نعدل البيت و نريح في الكوفي ..

تذكرون الملعب إلي خبرتكم انه أبو صهيب يلعب فيه كرة بالصيف ,, كان شباب أكوش عندهم لعب في هذا اليوم و قدموا لنا الدعوة لكن كان برد ,,فقلنا بنكون متابعين من برع ..







بعدها رحنا لنأكل شي و نرجع للنوم عسب نطلع الصبح من بدري و ما يكون فينا رقاد ..

فرحنا للمطعم إلي يصنع البدا ..











بعد ما تعشينا ,, رحنا البيت زهبنا الشنط و نظفنا البيت و الله يعطي صهيب العافية كانت عليه أكثر التكاليف خلدنا إلى النوم في أخر ليلة لنا في أكوش ..

ألقاكم في حلقة العود إلى المدينة ..

اليوم الثامن و التاسع

رحلة العودة راح أشملها في حلقة واحدة و ذلك لأن فيها نفس الفكرة ..

ملاحظة : العذر منكم إذا كانت الصور غير واضحة في هذه الحلقة لأن الزجاجه الأمامية للسيارة تلطخة ( بالحشرات ) من أثر الربيع و الطريق الطويل ..

في اليوم الماضي و قبل النوم أتفقى على الخروج من أكوش على الساعه 8.30 بالكثير ,, بعد الإستيقاض من النوم و وضع العفش في السيارة و ترتيب كل شيء قلنا نمر على المدرسة القريبة من البيت ونسلم على الإستاذ علي مدير المدرسة ..

دخلنا المدرسة و كان الدوام بعده مب بادي و شفنا الطاقم التدريسي كله مجتمع على طاولة الفطور ,, عزمونا يزاهم الله خير بس نحن كنا نسوي رجيم ..





و قبل ما نطلع من أكوش قلنا نمزر << ( نملأ ) القارورة بالماء ,, ملأنها من ماء السبيل إلي بجانب قهوة مصطفى أكيد تذكرونها ,, و الصراحه كنا نشرب منها طول الطريج ..



قبل مانخذ طريق العودة قلنا نمر على نكسار و نلتهم أخر وجبة بدا ..

بحطي لكم صور مدينة نكسار ,, أما صور الأكل فما بنزلها لأن الإتهامات كثير لي بأني خربت رجيمهم ..









هذا المنظر عجبي وااايد ,, شجرة وحيدة وسط بسطة خضراء كبيرة..



الطريج بعد مدينة نكسار ,, المساحات الخضراء بدأت تطلع مع قرب حلول الربيع ..













أمباع أمباع ..



و صلنا مدينة توكات ,, إلي ما يذكرها هي المدبنة إلي دخلنا فيها الحمام السلجوقي ..









بعدها خذنا طريجنا الطويل ..



و صلنا لمدينة صغيرة ما عرف كيف أنطقها بالعربي ..





و نحن في الطريج شفنا بو فروة << جذا أسمه على ما أعتقد ,, حاولت أصورة بس إن شاء الله يبين ..



و بعد شوي شفنا الدجاج الرومي ,, هي مشهورة في تركيا ..





هذا الديج بهدلني كل ما أبغي أصوره ينزل راسه ,, أول مره أشوف ديج يستحي ,, العاده الأنثى إلي تستحي و لا تغير الحال حتى في الحيوانات !!



توقفنا عند هذا الشيء و هو قاذورات الحيوانات –أجلكم الله- و يستخدم للبناء و للطهي و لتقليل الطاقه ..





هذي اخر صورة نشوف فيها خرفان ,, لأنه بعد كذا تكثر تربية التيوس ..



هذا الطريج سرعته القانونية 99 و نحن كنا نسوق فوق المية ..



شوي و لا نشوف دورية شرطة على طرف الطريق توقفنا ,, قالوا أنكم مسرعين و سرعتكم 106 و الشارع سرعته 99 ,, طبعا ما تكلمنا لأنه القانون قانون ,, أخذنا المخالفة و دفعنها في نفس الوقت وهي أرخص بنسبة 25% من دفعها على الحدود ..







الجو كان رائع جدا ..





و صلنا على الطريج الطويل إلي فيه صعدات و نزلات ,, تذكرونه ذكرته في اليوم الثاني و قلت إلي مكثر في الأكل لا يمشي سريع في هذا الطريج ..





صور من طريج العودة ..



















و نحن في الطريج شفنا أطفال واقفين على طرف الطريج ,, و قفنا و شفناهم يبيعون ورود الربيع ..

قررنا أنه نتغدى لأخر مره شوي من إلي يحبوا ألبك ,, و هو نفس المطعم إلي تغدينا فيه ثاني يوم ..

و صلنا المطعم و طلبنا الطبق ,, شوية لحمة و شوية كلية و قلوب ..















في المرة السابقة جلسنا في داخل المطعم لان الجو برع كان برد و ممطر ,, هذي المره قلنا نجلس برع في الجو العليل و ناكل من هذا الأكل الزين ..





منظر من الجلسة إلي كنا جالسين فيها ..



هذي القطوة كانت أطالعنا من قبل ما ناكل ,, فقلنا نعطيها شوي عسب مانغص << ( توقف اللقمه في البلعوم ) ..



وصلت السلطة ,, عليها يالربع ..



بعدها الوجبات الرئيسية ,, و الله الأكل في تركيا ماله مثيل ..











و الله جمعه مالها وصف ..



الشاي للتهضيم ..



متع ناظريك بالخضار فبعده ستأتي الرمال ..

















أكيد تذكرون هذا الجسر ..



أشجار العنب مشتاقه لفصل الصيف للإثمار من جديد ..



بعد ما مشينا شوي شممنا ريحة الزيت زيتون العليلة ,, و قفنا و دخلنا المصنع ..













خذنا لنا شوي و على قولة أبو صهيب أرخص من رمل التراب ,, أخذنا الكيلو الواحد بـ5 ليرات تركية ..







على الساعه 8.30 مساء و صلنا مدينة حربية ,, واخذنا الشقة بقيمة 50 ليرة ,, و صلنا على مباراة المنتخب السعودي و الإماراتي ,, خلاص مبروووك و لا تزعلون بس حرقنا اعصابكم صح ,, بالتوفيق في الملحق و عقبال ماتصعدون كأس العالم ..



بعد المباراة نزلنا و خذنا لنا سندويش كباب ,, و بعدها خلدنا إلى النوم ..

وعينا من النوم في الصباح الباكر و توجهنا على طول للحدود ..

















و صلنا الحدود التركية و تأخرنا شوي بسبب جوازي ,, لا تعصب أبو صهيب !!



بعدها و صلنا إلى الحدود السورية ..




بعد ما خلصنا من الحدود السورية قلنا لازم نفطر ,, فوقفنا عند وحدة تسوي فطاير أو مناقيش أبو صهيب متعود يوقف عندها في كل صيف ..



فيها جلسات وااااايد روعه و خاصة يوم بتكون الدنيا مخضره ..



الفطاير تصنع في التنور على الحطب ..



الفطاير جدا رائعة ولذيذه ,, تسلم إيدج يا خله أم محمد ..











التنور جاهز لوضع الفطاير ..









طعمها مميز ,, و فريد ..







الله يقويك ..



خضار سوريا ..





مزارع ثمار الصنطره << الثمره إلي أصغر من البرتقال ..







و صلنا الحدود الأردنية على المغرب ,, أتأخرنا في الأردن لأن الطابعة كانت خربانه ..

و بعد دخولنا إلى الأردن و صلنا إلى عمان تقريبا بعد ساعه و نص ,, قبلنا هناك الرجل الخلوق و الطيب و المحترم أبو نجى ..

مهما كتبت عن أبو نجى فلن أوفيه حقه ,, طيبه و أخلاق و كرم و فكر عالي ,, الله يحفظك لأهلك و احبابك يالغالي ..

بعد مالتقينا مع الحبيب رحنا الفندق إلي خذناه بـ90 دولار ,, و بعده رحنا معاه إلى العشا ,, أكرمك الله يا أبو نجى ..

على طاولة العشاء دارة احاديث كثيرة ,, جمعنا الله بكم في جناته يارب ..







بعدها رجعنا إلى الفندق للأخذ قسط لو بسيط من الراحه ..







طائرتنا كانت تقلع في الساعه 10 صباحا من القريات يعني لازم نكون هناك قبل الطيارة أقل شي بساعه و نص ,, و كنا خايفين نتأخر على الحدود ,, فأنطلقنا من الفندق الساعه 5 الفجر ..

قبل ما ندخل الحدود الأردنية قلنا نفطر ..

أكلنا من هذاكي الفلافل و الحمص و يا سلام عليه ..







خلصنا من الحدود بسرعه و لله الحمد و سلمنا السيارة لشركة البسام و هم نقولنا إلى المطار ,, ( العذر لا توجد صور بعد المطعم إلي أكلنا فيه الفطور لأني كنت تعبان جدا جدا ) ..

و صلنا إلى المدينة على صلاة الجمعه ,, و الحمد الله على السلامه يالربع ..

بهذه الحلقة أختم حلقات رحلتي الرائعه مع الصديق الحبيب أبوصهيب جمعني الله مع تحت ظل عرشه يوم لاظل إلى ظله ..

العذر من الجميع أن كان من تقصير أو سوء في الصور أو التعبير ..