دعوة الى الإسترخاء مع رحلتي الى الريف الألماني والنمساوي 2015

وكمان هادا السوق شكله حراج اللي عنده اشياء
مايبغاها يجي يبيعها نزلنا نتفرج
ونريح شوية من تعب السيارة
ولقيت حاجة من زمان كنت ادور عليها















هي ديه مطحنة بن يدوية





اشتريت المطحنة وواصلنا طريقنا
لقينا محطة اتغدينا فيها وريحنا شوية
وكملنا طريقنا

الوصول الى فندق

Hotel Ruebezahl



































ماتتخيلوا قد ايه انصدمت لمن شفت الفندق
وحسيت اني المرة هادي المرة ماوفقت في اختيار الفندق
وقال لي زوجي انتي موشفتي صور الغرف
ادخلي يمكن يعجبك
ودخلنا على بركة الله
ورحبوا فينا وكانوا بانتظارنا
وجلسونا في اللوبي وضيفونا




بعد مانتهينا من قهوتنا اللي جات في وقتها
قلت لهم اني ماابغى الجناح اللي حجزته
ابغى اعمل ترقية له قالوا مومشكلة
انتي شوفي كل انواع الاجنحة اللي عندنا واختاري
وهادا هو الجناح اللي كنت حاجزته




واللي اكتشفت بعدين انه في الجزء القديم الغير مجدد
وفيه عندهم جناح جنيور ـ والجناح اللي اخذته بريميور
وهو افضل جناح واغلى جناح في الفندق
واللي هي في الجزء المجدد من الفندق مع انه
الجناح الديلوكس اللي سبق اختياره
مش بطال بس انا اللي ذوقي صعب في الفنادق
ومساحته اكبر من اللي اخدته لكن عيبه بلكونته مشتركة مع الغرف اللي حواليه

صور الجناح

شطاف المسافر اكرمكم الله ممتاز لكن مشكلته
مو اي في فندق ممكن تستفيد منه

صور البلكونة والاطلالة على المزارع والقلعة

كانت مدة اقامتنا ليلتان شامل الأفطار
وكنا بدنا نحجز العشا معاه لكن في بوكنج مو موجود غير وجبة الافطار فقط
مع انه في موقعهم فيه برامج كتير حلوة
وبعد مارتحنا نزلنا نتعشى في المطعم
وكان جدا مزدحم
هادئ - رومانسي ـ الأكل ممتاز
سلبياته
ارتفاع سعره



























صورة اخدتها في الصباح للجزء المخصص
من المطعم لوجبة العشاء























وهادي صور العشا
المقبلات والسلطة مالقيت لها صورة
شكلي من الجوع نسيت اصورها






الشوربة





وهادا طلبي لحم غزال مشوي







وهادا طلب زوجي
ريش اضلاع ماني فاكرة هو ضأن ولا بقري





وهادالحلا ايس كريم فراولة





بعد وجبة العشا اللذيذة يادوب
صليت المغرب والعشا ونمت

صباح اليوم الأول

صحيت صليت وشربت قهوتي

وجلست في البلكونة انتظر زوجي يصحى













بعد كنا نزلنا فطرنا
وكان فطورهم منوع





الشاي انواع كتيرة وبعضها اعشاب
عجببني شاي اعشاب عبارة عن تفاح مجفف وازهار
وكركديه
























































طاولة فطورنا محجوزة لنا
في الجزء المخصص لطعام الافطار









وهادي نشرة الانشطة والبرامج
موجودة على طاولتنا












صور الجلسة الخارجية للمطعم واطلالتها

المسبح العام والجاكوزي

السبا وحمامات الساونا والبخار

وهادي شكلها مبيعات



















وبعد اخد الحمام جلسات للاستراحة































عد جولتنا في الفندق طلعنا غرفتنا
وعلى الساعة 3 خرجنا نزور قصر الملك المجنون


قلعة نويشفانشتاين

تقع في جنوب مقاطعة بافاريا الألمانية
وهي أحد أشهر معالم الجذب السياحي في ألمانيا.
يعني اسم القصر حرفيا “حجر البجع الجديد”،
سمي بذلك نسبة إلى فارس البجع “لوهينغرين”
ويقال عن القصر بأنه أكثر بنايات العالم التي تم تصويرها.
وقد بدأ بناء القلعة عام 1896 على يد المصمم كريستيان يانك
لحساب الملك لودفيغ الثاني الذي عرف باسم
“الملك لودفيغ المجنون” والذي أصيب بالجنون
قبيل الانتهاء من بناء القلعة.

التوجه الى القلعة

























وصلنا لشباك التذاكر بعد ماوقفنا سيارتنا في المواقف
واخذنا تذكرتين للقلعة وكان موعدنا بعد ساعة
والسبب انه مافي باصات تطلع الزوار للقلعة
مافي غير عربات الخيول وزحمة عليها











الانتظار في الطابور الطويل لمدة ساعة










واخيرا بعد ماتكسرت رجولنا من الوقوف
جا دورنا وطلعنا في العربة






















الوصول الى القلعة


































































































هادي اللوحة توقف عندها لمن يقترب موعد
دخولك للقلعة

جولنا في القلعة ووزعوا علينا جهاز
زي الايفون يحكي عن القلعة ويتحدث باللغة العربية
ويفضل تاخدوا معاكم سماعات الاذن تبع الايفون
تسمعوا فيها بدل ماتفضلوا شايلين الجهاز
طول الوقت وحاطينه على اذنكم
وطبعا التصوير ممنوع
لكن فيه مناطق مسموح فيها
وهادي الصور عن جولتنا
في الاماكن اللي مسموح التصوير فيها
ومحلات التذكارات والكافيهات
وتوجد صالة عرض
تحكي طريقة بناء القلعة
اترككم مع الصور

وبكدا انتهت جولتنا الممتعة والمتعبة في نفس الوقت

انتهينا من جولتنا على الساعة 8
ونزلنا نبغى نروح لمكان توقف الخيول
































ولمن وصلنا لمحطة العربات
لقينهم مقفلين ومافي احد
ولازم ننزل مشي مسافة تاخد في الطريق ساعة مشي
وقلت لااااااااااااااا مستحيل
ماااااااااااقدر امشي كل هادي المسافة
والليل قرب





لقيت على اليمين كراسي
رحنا وجلسنا نرتاح من المشوار
ونفكر كيف راح نحل المشكلة هادي
وشفت رجل كبير في السن جالس في
سيارته واستجمعت شجاعتي ورحت له
ولأول مرة في حياتي اعملها
وطلبت منه انه ينزلنا معاه
واعتذر بأدب انه معاه ناس
وشكرته ورجعت لمكاني
ادعي الله انه يفرج علينا هادي الازمة
وبعد ماجا ولده اوقريبه اللي كان ينتظره
جا نا وقال تعالوا انزلكم
سبحان من سخره لنا مع انه كتير
ناس طلبوا منه ينزلهم ورفض
وخاصة كبار السن ماهم عارفين ايش يعملوا
وكل مافتكره ادعي له ان ربي يشرح صدره للاسلام
ويحسن خاتمته
زي مافرج همنا
وهادي كانت اول واخر مرة اروح ازور
فيها قلعة ولا متحف
بعد اللي حصل لي حرمت
تووووووووبة
احنا ناس ماحنا متعودين على المشي والبهدلة هادي
يعني اللي ماعنده لياقة لايروح

بعد ماوصلنا الفندق على طول رحنا نلحق العشا
اتعشينا ونمنا وحتى من التعب
نسيت اصوره ولا انتبهت
الا دحين وانا جالسة احمل الصور
كان عشانا مشابه لليلة السابقة
زوجي اخد الريش وانا اخدت ستيك
واتعشينا ونمنا استعدادا للرحيل في الصباح
وهادي بقية صور الفندق
نسيت انزلها في البداية

وم المغادرة
بعد مافطرنا طلعنا في الجلسات الخارجية
نشرب الكابتشينو ونتودع من المكان الجميل
وبعد مانتهينا
طلعنا جهزنا قهوتنا واغراضنا وعملنا تشيك اوت
وودعناهم وتوكلنا على بركة الله
























ايجابيات الفندق

الجناح رائع ويصلح لشهر العسل
قريب من القلعة
اطلالته الرائعة
الهدوء والاسترخاء
وجود تكييف بارد في الجناح
مرافقه المتعدده مثل الساونا والمسبح والجيم
حسن التعامل من قبل جميع العاملين
جودة الطعام وبراعة الشيف في التفنن في اعداد الطعام
الواي فاي مجانا




سلبيات الفندق

ارتفاع سعره
عدم وجود محلات بجواره

تم اختيار الطريق القصير
وتركنا الطريق السريع
بين القرى للاستمتاع بالمناظر الجميلة













والآن اترككم مع الصور
لمشاهدة المناظر الجميلة
والاستمتاع بالطبيعة