زعطـوطـه فـي عمـّان - صيـف 2008

السـلام عليـكم و رحمـة اللـه و بركـاته


أهـلا و سهـلا بجميـع أعضـاء و عضـوات الـزاد



يتجـدد لقـائـي بعمـّـان بسـفرة صيفيـة سريـعة لمـدة 9 أيـام ، مـن يـوم الجمعـة الموافق 6-6 إلـى يـوم الأحـد 15-6 .

كـانت السـفرة فـرصـة ممتـازة لتغيـير الروتيـن بعـد الاختـبارات و الهـروب مـن الغبـار و الجـو الحـار قبـل بدايـة الكـورس الصيـفي .







و قـد حجزنـا علـى طيـران الجزيـرة كمـا هـو الحـال فـي أغـلب سـفراتنـا القريبـة

و هـذه الصـور مـن يـوم السـفر ..

مطـار الكـويت الدولـي



















طيـران الجزيـرة













الرحلـة كـانت مريحـة و الخدمـة ممتـازة ، و بعـد أقـل مـن سـاعتيـن وصلنـا بحمـد للـه إلى مطـار عليـاء الدولـي فـي عمـّـان







داخـل مطـار عليـاء الدولـي







فـي هـذا المكـان حـصل المـوقف الكنبلـي الزعطـوطـي !!!

:456ty:







خرجنـا مـن المطـار إلـى شقتنـا










و عنـد وصـولنـا إلـى الشـقة تفاجأنـا بـ ..







سبحـان اللـه كـان شكـلها ميتـه بالشـته !!







و المشـمش







تفضـلو .. :w00t2:










و هـذه الصـور متفرقـة للأحيـاء القريبـة منـا






















النهـار طويـل و اذان المغـرب السـاعة 7:45 PM

و انتبهـوا علـى درجـة الحـرارة

:w00t2:







و يـا حـلات القعـدة بـره باللـيل فـي هـذا الجـو الجميـل

أهـلا و سهـلا بكـم



فـي صبـاح يـوم جـديد

بـدأ التحـدي بالننتنـدو >> رفيقتنـا بكـل مكـان :clap_1:













لكـن يبـدو إنـي لـم أكـن مستعـدة !!

>> اهـيا الأخيرة !! :456ty:

لاحـقت نفسـي و قـلت أكيـد لأنـي مـا تريقـت

و الريـوق المعتـاد ، بيـض جبـن لبنـه زيتـون خيـار خبـز ...







و عقـب الريـوق ، شـوفو شنـو سـوّت زعطـوطه

:w00t2:





أكيـد السـر بزيـتون الأردن

:clap_1:




الشـي الجميـل بالأردن ان مـن و لا شـي ممكـن تستـانـس

خـاصة التمشـي بالجـو الحلـو ، أو حتـى القعـدة بالبلكـون

:clap_1:

و بعـد القعـدة الخفيفة بالبلكـون ، وصـل الوالـد و مـعه السيـارة

:w00t2:







و علـى ويـن رايحيـن الحيـن ؟!!

قررنـا نـروح كـارفـور لنشتري حاجيـات البيـت

كـارفـور مـوجود فـي السيتـي مـول ، أكـبر و أحـدث مـول فـي عمـّـان

وصلنـا السـوق و كـان حيـل زحمـة

مـع ان المـواقف كـانت فاضيـة !!

:g:

و هـذه الصـور داخـل السيتي مـول













و هـنـا كـارفـور ..

مـا شـاء اللـه كـان وايـد " عجـأه "

لـي درجـة ان نسيـنه بعـض الأغـراض اللـي نبي نشتريـها !!










الريـّـال اللـي بالصورة اللـي طـافت مـا كنـت أدري انـه يطـالعنـي !!

و لا أدري شنـو يبي بالضبـط !!!


















عطـوني مهمـة " الرقـي " و انـا مـا أعـرف أختـار الزيـن !!

و زحمة حيـل ، و لا أحـد معبرنـي !!

قلـت بسم اللـه و اختـرت وحـدة " عالطـاير " و حطيتـها بالعربـانة !!

:456ty:






كنـا نـاوين نتمشـى بالسـوق بعـد كـارفـور

لكـن الزحمـة مـا خلتنـا !!

:456ty:

طلعنـا علطـول و هـذه الصـورة لسيتـي مـول مـن الخـارج







و هـذه الصـورة لمكـة مـول ، قريـب مـن السيتـي مـول

علـى نفـس الشـارع







سألنـا عـن أحـسن مطعـم شـاورمـا

دلنـا علـى مطـعم " ريـم " ، و ياللـه علـى مـا دلينـاه !!








كـانت زينـة الشـاورمـا ، و كـافي انـها سـدّت يـوعنـا

بعـد العشـا ، قالـو ياللـه ويـن الرقـي !!

:456ty:

>> كـان ايـدها علـى قلبـها !! :456ty:

و رحـت علطـول أحظـر الحـدث أشـوف النتيجـة ..










الحمـد للـه ، طلعـت مـن أحلـى الرقيـات اللي أكلتـها بحيـاتي

صـرت خبـرة بعـدها ، أقـول بسـم اللـه و اختـار و تطلع زينـة

:clap_1:

مـادري إذا حظـي حلـو ، و الا رقيـهم كلـه حلـو !!

" حيـاكم اللـه ،، تفضلـو القهـوة "

بهـذه الكلمـات رحبـوا فينـا زلاطيمـو محـل الحلـويات الشهـير










يقـدم زلاطيمـو الحلـويات الشرقيـة الشهيـرة بالفستـق الحلـبي و اللـوز و اليـوز و التمــر



و هـذه الصـور للحلـويات

:icecream:































و الحيـن حيـاكم اللـه

تعالـو معانـا و شربـو معـانا استكـانه جـاي

و جربـو الحلــو

تفضـلو ،، تفضـلو

:yes:










تفضـلو








(1)





(2)





(3)





(4)

:w00t2:

ي زيـن يعنـي تبـون ، لكـن هالمـرة رايحيـن " جبـري "

عنـده كنـافـة و بوظـة لذيـذه

و هـذا جبـري ...









كـل مـره نـروحلـه يكـون زحمـة أقصـد " عجـأه " لكـن هالمـرة مـا كـان زحمـة













مـع انـه مشهـور بالكنـافـة أكثـر ، لكـن كنـا مشتهيـن بوظـة

:icecream:







و هـذي الأنـواع البـوظـة







سنـة علـى مـا فكـرت اللـي أبيـه

و اخـر شـي اختـرت الفانيـليـا مـع المستكـة ، مثـل كـل مـرّه









اكتشفنـا بعـدها ان هالبـوظـة تنبـاع بالجمعيـات

:clap_1:







كـل الأنـواع حلـوة ، حتـى اللي علـى مـوز لذيـذ







مـا خلصنـا حلـو ليلـحيـن ، و الحيـن دور الكنـافـة

و الكنـافـة الحلـوة تلقـونـها بـ " حبيبـه "

:g:
















الحـلويـات اللـي عنـد حبيبـه

أول ما قعدت من النوم نادتني أختي ، و قالت عندنا إجتماع ، قلت أكيد في طلعة

:783:

وصلتهم ، و قلت عسى ما شر ؟!

شفيكم ؟!

وصلني الخبر جنه صاعقة !!



أبوي بسافر مصر عنده شغل !! الحين ، إي الحين

متى بـرد بعد يومين !!

يا سلام شسوي الحين وين ندبرها وين نروح وين نيي



يالله ميخالف الجو حلو و التمشي أحلى و هاليومين يعدون على خير

كنه نمشي بره طول هاليومين و ما ناكل لا غدا و لا عشى

>> مشردّين



لكن الحمد لله أكيد كانت أياك حلوة

و هذا بعض الصور لتجولاتني بفريجنا و الفرجان - صح الجمع جذي ؟! - اللي يمنا


شوفو شلون كان الجو حلو







و هذي الوردة مني إهداء لكم ،،
















شباب الفريج يلعبون كرة












هازول بقو يدعمون بعض !! الله ستر















طول واحنا نمشي نسمع صوت موسيقى راعي الغاز و يوم شفته حاولت أصوره و لا قدرت

و مره ثانيه صورته و اطلعت مو واضحة !!

و بعدين أخيرا صورته صورة واضحة ، وهذا راعي الغاز









وهذا اليوم الثاني ،،

كان شوي حار ، و ماكو غيم

لكن هم كان الجو حلو






























تعبنا وايد من المشي ، و و صلنا حيل بعيد

و ما تخيلنا انه بنرد كل اللي مشيناه !!

لكن يقولون الحركة بركة



مرو هاليومين جنهم سنتين و ما بغينا يوصل لنا خبر انه أبوي وصل !!

الحمد لله وصل ، و أول ما شفناه قلناله نبي تعويض عن هاليومين

ميصير جذي ، كل عطلتنا اسبوع و يومين يروحين بدون تعويض !! لا هذا اللي ما نقبل فيه كلش

و بعدها كسرنا خاطره و وعدنا بطلعة

إتفقو أهما - الا انا - على سوق جبل الحسين



كانو يبون يشترون دراريع و زيتون و زعتر >> خوش مشترى !!



رحنا لمنطقة جبل الحسين ، و هذه الصور لسوق جبل الحسين ،،





















هذا وسط السوق ، كان زحمة مو طبيعية ، مع ان كان مو عطلة و الوقت مو متأخر

:g:













و أول ما وصلنا ، راحو للدراريع " الكرنك "







و حتى داخل المحل ما نسيتكم















عقب ما طلعنا تمشينا و شرينا الزعتر و الزيتون

:35:







و كملنا تمشي بالجو الحلو ،،













شريت هالبرد و لا كليته !!

:icecream:










تأخر الوقت و زاد البرد و معانا ولد أختي مو متدفي عدل ، اضطرينا نرد البيت


و ركبنا السيارة و توكلنا على الله ..







و نلف وندور و ما ندري وينه ، حلو شعور الضيعة !!

:46:

و اخر شي وصلنا لي مدينة العبدلي

هالمدينة مسوين فيها مشروع عقاري كبير و أتوقع ان بكون فيه فنادق و مولات و شركات



















و بعد اللفات و الدورات لقينا الطريج ، و أبوي ودانا حق مكان اللي سكنا فيه أول مره نروح فيها الأردن سنه 1988

طبعا ما أذكر شي لأن أصلا كان عمري شهرين إذا مو أقل

لكن الصور و أشرطة الفيديو حسستني إني أعرف المكان

و خاصة هالمبنى ،،

:3:







تمشينا بالسيارة بهذا المكان شوي و بعدها ردينا البيت نريج شوي

و عالليل قررنا نروح ريم البوادي ( أبوي يبي يعوضنا )

:ANSmile19:

لكن كان حيل زحمة و أجلنا روحته حق يوم ثاني ، وقلنا خالناكل من أي مطعم عادي

و بعدين رحنا بيتزا هت ،،










طلبنا العشى عل السريع ، لأن كنا حيل يواعه ( ما كنا متغدين )

و هذا الطلب ،،

:mh3215:

السلام عليكم و رحمة الله و بركاته



زيارتنا لعمـّـان ما تكتمل الا اذا زرنا مرة على الأقل للمطعم المميز ريم البوادي

المطعم مميز و أكله لذيذ و اسعاره مناسبة

فعلا يستاهل الزيارة





و هذه صور من زيارتنا لمطعم ريم البوادي



صورة من خارج المطعم بعد اقترابنا من مدخل المطعم







و بعد الدخول و في هذا الممر يوجد بنهايته الجلسات الداخلية تستخدم في فصل الشتاء

و الجلسات الخارجية بالنسبة لي أكثر متعة خاصه مع اعتدال الجو










نافورة ريم البوادي المميزة

أذكر قبل جم سنة قعدنا يم النافورة كان ببالنا نبي نسوي جو !!

انصحكم لحد يقعد يمها ، صج انه شكلها حلو

لكن صوتها مزعج أكثر !!

:110:










و هذا المنيو ، المنيو متنوع و في كل ما تبيه

لكن احنا دايما طلبنا واحد !

:114:










بمثل هالمطاعم المميزة الطلب ما يتأخر حتى لو كان المطعم فل






و هالمرة طلبت عصير ليمون بنعناع ، لكن وايد حيل حامض

قلت أبي شكر يابولي و حطيت فيه صار مر !! ، مادري شلون !!

و اخر شي ما شربته

:110:







و هذي شوربة العدس







و وصلت السلطات













و اخر شي وصلت المشاوي










و بعد الأكل كسرت خاطر نفسي و قلت ميصير بعد هالأكل ما أشرب شي و طلبت ،،









ختمناها بالرقـّي








و باخر هذي الطلعة صارت المفاجأة !!

أقولها لكم بالجزء الياي ان شاء الله

صورة ومعلومات ورحلة مميزة لمدينة زعطوطة في عمان
رائع بطرحك وجهدك أخي السعيد
لروحك السعادة