اليوم الثاني

رجعت لكم مره ثانيه اسف جدا على التأخير وراح ارجع للردود بعد نهاية الجزء

في البداية خلوني احكي لكم تفاصيل اكثر عن الرحلة واشياء ونصائح استفدت منها كثير من الاخوان الي لهم خلفيه عن السفر خارج المملكة وبرضوا بحكي لكم انطباعي عن الفندق وليش اخترته ,

بسم الله نبدأ





اولا : التنقل بين الاماكن السياحيه غالبا كان طريق الاندر قراوند وانصح فيه بشده لانه ارخص طريقة ممكن تتنقلون فيه لان اسعار البنزين والتكاسي الخاصه غاليه لان التسيعره عندهم ما تبدأ من الصفر تبدأ من مايعادل 10 ريال سعودي ( يازين رخص التكاسي عندنا ) وفيه مواضيع تشرح لكم بالتفصيل طريقة استخدامه

ثانيا: فيه برنامج حملته ع الايباد اسمه mtrrip london ( برنامج فادني جدا جدا جدا جدا في ترتيب جدولي ) فيه جميع المعلومات عن الاماكن السياحيه ويعطيك متى تفتح واسعارهم واشياء كثيره ممكن تستفيدون منها , طبعا البرنامج برسوم ويستاهل كل ريال عليه وفيه كذا مدينه مثل اسطنبول وغيرها وكل مدينه لها سعر خاص فيها

ثالثا: دايم حطوا في بالكم ان السكن يكون قريب من محطات الاندرقراوند لان هذا بيريحكم كثير

رابعا: اذا كانت رحلتكم اكثر من اسبوع فنصيحه لا تستقروا بفندق واحد مثل ما انا سويت هذا بيخليكم تتعرفون اكثر عن المناطق الي حولكم لان لندن مدينه كبيره

خامسا: لاحظنا اكثر المقيمين بلندن والسواويق ماخذين فكرة ان كل الخليجين عايشين في بنوك وان فيه بير نفط تحت كل بيت من بيوتنا فنصيحه انتبهوا لها النقطه

سادسا : حطوا في بالكم قوانين البلد الي انتوا فيه لان بعضهم ممكن يشتغل جهلكم بالقوانين هذي وينصب لكم شي ( طبعا انا ماصار معي شي الحمدلله لكن كانت نصائح من ناس كانوا يسافرون برى كثير لندن وغيرها ) فمثلا ممكن احد يسبكم او يتلفظ عليكم ( طبعا لو انه هنا كان اندبج ) والهدف منها انكم تمدون يديكم عليه وبعدها يروح يرفع عليكم قضية اعتداء وانتوا مو ناقصين

سابعا: لندن مدينة ملغمة بكميرات المراقبه وهذا يزيد الامان فيها ونصيحه مو اي احد يوقفكم ويقول انا شرطي تصدقونه لان فيه عصابه كانوا منتشرين قبل فتره على كلام احد الاشخاص المقيمين بمانشستر انهم يستوقفوا الماره ويقول الفلوس الي معك مزوره احنا كنا نراقبك فيطلبوا الفلوس الي معك عشان يتاكدون واكيد ما راح يرجعونها لكم .

واخيرا نصيحه مهمه جدا جدا جدا لاتنسوا تقروا الاذكار واية الكرسي يوميا قبل لا تطلعون من الفندق.

يلا نرجع محور حديثنا وين كنا ؟؟ ايوووه امس بعد مارجعنا للفندق وارتحنا, نزلت انا بروحي للوبي الفندق وجلست استكشف فيه وصورت كذا صورة ,

اللوبي ( كان متواضع وبسيط بس رايق هادي واغلب الي فيه خليجيين )



الفندق من الخارج





الفندق ع اليسار والهايد بارك الي قدام شفتوا كيف قررررريبه مرره





الفندق بشكل عام كان رايق وهادي والموظفين كانوا بشوشين وومتعاونين وجدا محترمين والي عجبني اكثر ان حجزنا كان بدون افطار تفاجأنا لما جينا نسوي الشيك ان قالت لنا الموظفه انه شامل الافطار ( مع ان موقع في موقع بوكينق كان سعر الافطار لليوم الواحد للشخص الواحد حول ال60 ريال ) , قلنا الحمدلله

بعد كذا رجعت نمت لان ورانا قومه عشان بكره موعد حجزنا لمدام توسو ( متحف الشمع )



بعد ما قمنا وتشطفنا ولبسنا , قرينا الاذكار ونزلت تحت نفطر ببوفيه الفندق

( اعتذر كان زحمه ولا عرفت اصور واضح)



وهذي كانت جلستنا وتلاحظون الهايد بارك ( الجلسه كانت رايقه )



بسم الله






وبعد كذا ركبنا الاندر قراوند ورحنا اقرب محطة لمتحف الشمع





متحف الشمع






يلا بسم الله ننطلق

بعد ما طلعنا من الفندق اتجهنا للمتحف عن طريق الاندرقراوند



والحمدلله ما كان الطابور طويل لان وصلنا الصباح بدري

ليوناردو دي كابريو



أيشواريا راي



كيت وينسليت



جنيفر لوبيز





مورقان فريمان ضابطينه مره





نادال







ديانا







المتحف فيه شخصيات كثيره لكم كان زحمه وصعب الواحد يمخمخ في التصوري

وبعد كذا طلعنا ورحنا لحديقة الرجينت بارك وكانت قريبه عشان كذا رحنا لها مشي

صور من الطريق







وصلنا الحديقة


















بعد مشفنا القوراب تحمسنا وركبنا واحد

لقينا هذولاء متجمعين











بعد كذا دورنا لنا مكان هادي وجلسنا نريح شوي ( كانت معنا سجاده صغيره للرحلات وعمليه )







الورود ورحيته يفتح النفس






وبعد مالفينا الحديقة اتجهنا للاندرقراوند متجهين لشارع اكسفورد ( الشارع هذا غالبا للشوبينق وفيه اغلب الماركات العالميه ) بس روحتنا له اليوم مو عشان شوبينق عشان اشتري شرايح اتصال لان الا تصال المحلي بالشريحه السعوديه مكلف



محل ديزني









لفت نظري الالوان الي لابتسه الاخت









وبعد كذا رجعنا للفندق صلينا جمعا وقصرا ورحينا شوي وبعدها نزلنا للهايد بارك قبل الظلام







بحيرة الهايد بارك





اختم الجزء هذا بالصورة ذي



انتهى الجزء الثاني