اليوم الرابع


اليوم كان تخطيطي انه اقضي اليوم كله في هيروشيما لكن للاسف ما حصل وراح ابين لكم


صحيت الصباح بدري تقريبا 8 ، افطرت وتوجهة الى محطة شين اوساكا (SHINOSAKA) لانها محطة القطار الطلقة في اوساكا ..


وصلت المحطة تقريبا 8:45 دقيقة وجلست ادور على مكتب تبديل تذكرة JR Pass وهذا اول خطا ارتكبته (المفروض ابدل التذكرة قبلها بيوم على الاقل واحدد اليوم اللي راح استخدمها) لانه بسبب هذا طار عليا اول قطار متجهة الى هيروشيما في 9:30


لقيت المكتب واعطيته التذاكر عشان يبدلها لي لكن للاسف طلعت ناسي الجوازات في الفندق قال ما اقدر ابدلها لك الا بالجواز قلتله الفندق بعيد وعندي صورة للجواز في جوالي قال انتظر شوي وجلس يكلم زميلته ورجع وقال انا ابغى الفيزا هل هي سياحية او لا .. قلتله نعم سياحية انا معاي تذاكر الطيران من اليابان بعد 7 ايام و واعطيته التذاكر وقال طيب راح ابدلها لك .. بصراحة تعاون معاي والخطا عليا انا
لكن للاسف قالي مافي تذاكر على قطار 9:30 لانه ما بقي الا ربع ساعة ،، متوفر قطار 10:59 قلتله ماهي مشكله


لكن العجيب انه اعطاني تذكره على الدرجة الخضراء (المحجوزة) !! استغرب لكن اخذتها ومشيت







وجلست انتظر واحسب حساباتي لاني ما راح اوصل الا الساعة 12:26 دقيقة وانا كنت مخطط لزيارة جزيرة ماياجيما راح احطلكم تقرير عنها بعد زيارتي لهيروشيما


....


بعد ما خرجت من المكتب رحت ادور وين مكان القطار الطلقة واللوحات داخل المحطة ما تضيعك





دخلت الى منطقة القطار الطلقة وتوجهة الى الرصيف 20 الخاص بقطاري





وصلت للرصيف مثل ما تلاحظون موجود قطاري على الشاشة وتفاصيل المحطات اللي راح يتوقف فيها ومنها محطة هيروشيما





هنا اخذت راحتي وجلست اصور القطار








وقبل موعد الرحلة ب 3 دقائق جاء النداء للرحلة وكل واحد وقف امام بوابة العربة اللي مكانه فيها .. وتحرك القطار 10:59 بالثانية





طبعا الموظف حجزلي مقعد في الدرجة الخضراء وكانت المقاعد مثل مقاعد الطائرة تقدر تميل المقعد وعدد المقاعد اربع في كل صف واكبر من مقاعد الدرجة العادية





وصلت هيروشيما بالموعد وتوجهة الى مركز المعلومات بالمحطة واخذت بروشرات عن هيروشيما وسالتها عن افضل طريقة للوصول الى متحف السلام قالت لي استخدم الترام الي محطة genbaku dome تقريبا 16 دقيقة







خرجت من محطة هيروشيما وتوجهة الى محطة الترام وسألت هل لازم اشتري تذكرة قالوا لا تدفع داخل الترام وكان للشخص ب 160 ين





وصلت الى محطة genbaku dome وقطعت الشارع





وبعد ما قطعت الشارع كان امامنا مبنى القبة








وكان امام المبنى هذا التمثال اللي يعبر عن السلام





كملت ومشيت بجوار المبنى ولاحظت انه ركام المبنى الى يومنا هذا لم يزال











صور للمبنى من زوايا مختلفه











خلف المبنى لقيت هذا النصب وما اعرف قصة وتلاحظون طلاب المدارس كانوا بكثر السواح





بعدها قطعت الجسر في اتجاهي للمتحف وشاهدت هذا الجرس يضرب لارواح الاشخاص اللي ماتو في الحادتة





وها هو المتحف يظهر من بعيد





قراءة معلومة لا ادري عن صحتها انه النار الظاهره في الصورة لا تطفى احتراما لارواح الموتى








الدرج الظاهر في الصورة اكثر مكان الناس تتصور فيه





يعدها توجهة الى المتحف وكان فيه رسوم رمزيه للدخول ب 50 ين للشخص
وموجود ايضا مسجل فيه اغلب اللغات والعربية من ضمنها يشرح كل مكان في المتحف بسعر اضافي ما ادري كم لكن للاسف قالت لي الموظف انه جميع الاجهزة مستخدمه ممكن بعد نصف ساعة يتوفر ، قلت خلاص مايهم ودخلت وكان في اسقبالنا هذا المكان هو عبارة عن مقدمة





ساعة الانفجار





هيروشيما قبل القنبلة النووية





بعد الانفجار





صور حقيقية التقطت لهيروشيما بعد الانفجار بيوم











صورة التقطت لسكان هيروشيما





مجسم للمبنى المدرسة الذي صمد بعد الانفجار





مجسم للقبة داخل المتحف





بعض الادوات والالعاب (عندهم العاب عام 1945)








هذا مجسم فيه كل الدول اللي عندها رؤوس نووية مع عددها














قسم الدمار








مكان انفجار القنبلة (الكرة الحمراء) وما خلفته من دمار





القنبلة





حتى الدراجة لم تسلم من الانفجار





شوفوا الزجاج كيف ذاب ويمكنك لمسها





مدى تأثير القنبلة





انتهى المتحف وكانت هذي الاطلالة بعد نهاية المتحف








وقبل الخروج كان فيه سجل الزوار تسجل اسمك ودولتك وانطباعك على اللي شفته





بعد ما خرجت جلست في الحديقة لانه قطار العوده ل اوساكا بعد ساعة تقريبا








الساعة كانت تقريبا 2:30 وللاسف كنت مخطط ازور جزيرة ماياجيما لكن الوقت ما يسعف
امور كثيره منعت والوقت كان اهمها ،، لكن راح اعطيكم ملخص لها افضل لكم زيارتها


الجزيرة مسجلة كتراث عالمي وفيها اماكن كثيرة للتجول







في البداية طريقة الوصول وافضل طريقة للوصول لها من محطة هيروشيما الى محطة miyajimaguchi عن طريق شبكة JR والوقت تقريبا 29 دقيقة





ويمكن الوصول اليها عن طريق الترام لكن يأخذ وقت طويل تقريبا 45 دقيقة


بعد الوصول للمحطة تتوجهة الى العبارة Ferry ومنها تنقلك للجزيرة واذا كان معاك بطاقة JR تقدر تروح مجانا ، الوقت تقريبا 10 دقائق


الاماكن الممكن زيارتها في الجزيرة





والجزيرة ايضا فيها تلفريك ينقلك الى القمة سعر تذكرة الذهاب والعودة 1800ين
وساعات العمل من 9:00 الى 17:00
وهذا موقعهم Miyajima Ropeway


طبعا الجزيرة تم تقييمها من زوار موقع Japan guide ب 96% من كل مدن اليابان







ولمعلومات اضافية عن الجزيرة تجدها في هذا الرابط Miyajima


.....


نرجع لتقريري


رجعت الى محطة هيروشيما للعودة الى اوساكا على قطار الطلقة وهذي المرة توجهة الى القطار مباشرة بدون تذاكر( اجلس في المكان اللي تحب ) بدون حجز لانه معاي بطاقة JR Pass والدرجة العادية ما تحتاج حجز مقعد
ركبت القطار ولاحظوا الفرق بين هذي الدرجة والدرجة الخضراء






وصلت محطة اوساكا الساعة 4:40 دقيقة وتغديت في المحطة من ماكادونالدز وبعدها رحت لمكان كنت حاطه احتياط (وجا وقته )





المنطقة عبارة عن منطقة تاريخية في اوساكا وفيها اقدم برج في اوساكا


المنطقة فيها مطاعم كثيرة واسواق شعبية وطبعا البرج ..


وصلتها من محطة shinosaka الى محطة minamikasumicho عن طريق المترو














دخلت البرج وكان سعر التذكرة ب 700 ين للشخص


صور من اعلى البرج ويظهر في الصورة حديقة الحيوان في اوساكا





وهذي صورة لاعلى مبنى في اوساكا





وهذا معبد بجوار حديقة الحيوان





وهذا الشارع الي وصلت فيه للبرج





هذي صورة للمنطقة اللي انا ساكن فيها ولاحظوا العجلة الغريبة الصفراء بجوار فندقي





صورة للبرج بعد مغيب الشمس





بعدها اخذت جولة في الاسواق المجاورة ورجعت الى Namba Walk ولقيت محل ديزني واشتريت تذاكر ديزني سي في طوكيو


ولقيت محل يبيع حلا شكله يشهي وطعمه طلع ألذ





وفي طريقي للعودة الى الفندق دخلت متجر لبيع البساكيت ولقيت انواع الكت كات اخذت لي واحد





بكذا انتهى يومي الاخير في اوساكا