اعود اليكم اخواني واخواتي لاستكمال رحلاتي اللي انطلقت من مقر سكني في فرية كابرون ، المكان اللي بقصده جميل ويستحق الزيارة خاصة للي عندهم متسع من الوقت ويبحثون عن الطبيعة
اعود واذكركم الاماكن اللي فيها شلالات وغيره خلوها للايام المشمسه وحاولو اتقضون اطول فتره اهناك ولو اتشلون غداكم بعد احسن
هذه الرحلات ماكنت امخطط لها كل يوم بعد ما افطر بشقتنا ايلس اشوف وين انسير اليوم فشاورت الاهل وانطلقنا ، جهاز النفقيشن رفع ضغطي كان يطلب من الدخول في اي فتحة على ايدي اليمين مع ان ماكانت اي فتحات لاني كنت امشي بجانب سفح جبل
طنشته واستمريت ومازال يردد حاول ايجاد مخرج للعوده لايمكن الاستمرار ، بيني وبينكم انا لعب الفار في عبي خاصة ان طول المشوار خلاني اشكك فقلت خلني اسمع كلام هالمخبول فرجعت بنصف الطريق كاني بطريق العوده الى زيلامسي وبعدين عطاني اشاره ان ادخل في طريق غير معبد فقلت اليوم انا ابا اعرف سالفتك حاضر اللي تامر فيه
وخذت بكلامه ودخلني في صعدات وبعدين شارع جبلي فيه مزرعه جالسات (حريم ) يشربن شاي الضحى ويحشن في جاكلين ومزرعتها !! المهم ماعلينا اقتربت منهم بالسيارة فقامت وحدة منهن واقتربت من السيارة وقالت : ايش جابكم عندنا فرديت عليها هذي مب مضارب بني جوهان قالت لا هذه مضارب تاكسين باخ
قلت وين بير الماء قصدي وين الشلال قالتلي ارجع للشارع اللي ييت منه وامشي لين تلقى شيشة بترول (محطة بترول ) او فتحة على ايديك اليمين ادخل فيها فشكرتها فقالت الغداء على النار وذبيحتك جاهزة فقلت عيل انجبوا الغداء ههههههههههه
المهم استدرت ورجعت والجهاز بعده ايقولي ارجع يبغيني ارجع لوين ماكنت عند الحرمه ، ههههههه الشرهه مب عليك الشرهه على ياخذ بكلامك طفيته وقلت على قولة واحد من الاخوان في تقريره الله يذكره بالخير : يازينك وانت ساكت بس هههههههههه
هذه احداثية المكان والافضل نسخ ملف الاحداثيات للغالي ابومطر ((رجل شرقي)) الله يحفظه
N47 18.932 E13 11.543

هذه خارطة اتوضح مكان المزار من زيلامسي وواضح قرب بلدة سان جوهان من المكان


اول ماتوصولون بتلقون موقف كبير اتركوه واستمروا تقريبا 250 متر بتلقون مواقف ثانيه قريبه من المدخل عموما مايميز المكان قلة المتواجدين عكس خوانيق كابرون


هذا الموقف الاقرب وهذا مقهى مشهور في النمسا وله فروع في عدة مناطق منها باد ايشل


واحلى اصطباحه

محل تذكارات ومنهم خذينا التذاكر الاسعار كانت رمزية




تذاكر الدخول




تحذير من تسونامي :3: عاد لو صدق تسونامي احنا اخر ناس بنعرف شو السالفة :3: على ما اعتقد تحذير من ارتفاع منسوب المياه في اوقات معينة























































































في نهاية المزار لقينا دري شفنا ان طلوعه مخصص لشعوب ما ذاقت العيوش :3:



من وجهة نظري انا انصح بزيارة هذا المزار و بلدة سان جوهان بنغاو القريبه منه وتناول الغداء فيها واكتشافها والتسوق منها على فكرة على كلام احدى البائعات في محل C & A الصغير في زيلامسي ان اكبر محل لهم موجود في سانت جوهان ام بنغاو
هذا رابط لتقرير المبدع عميد اوروبا ابومشاري ( اخر الفرسان ) الله يحفظه عن بلدة سانت جوهان ام بنغاو الرائعه