اول يوم نزلنا الجبل رحنا لمحل بيع التيوس والغنم

وفية محل دايم اخذ منه معروف

وصلنا هناك قبل المغرب وكان فية شخصين لبسهم حلو ومعهم كيمرات صغيره وكنا مشغولين معا صاحب المحل من تفاوض في السعر وفية واحد يصورنا والثاني يتكلم او يشرح باللغه الاندونوسية بصراحه تعجبة منهم وحيروني وش وضع الشخصين

اقترب مني احدهم وقالي تتكلم انجليزي قلت نعم ؟وش عندك تصورنا وتصور حلالنا رد علي بكل احترام وقالي اسف انا وزميلي من التلفزون الاندنوسي القناه الثالثة

ونعمل فلم عن السياحه وعن السياح لبلدنا احد الزملاء قال معليك منهم ذولاء نصابين بصراحه شكيت في الامر والي اعرفه عن موضفين او مذيعي التلفزون معهم كيمرا كبيره ومكرفون وسياره مكتوب عليها اسم القناهلكن الاشخاص معداتهم قليله

المهم اعتذرت منهم وقلت مشغول اتابع الذبح والسلخ بعد دقيقة قربو جنبي وكرر لو سمحت نبي منك ان تتعاون معنا وتعطينا اجوبة ؟؟قلت زي ايش

قال من اي بلد انت وليش جيت هذا البلد وكم سوف تجلس هنا

المهم جاوبت له على الاسئلة؟ وخاصة ليش اتيت هناطبعا من اجل الطبيعه وهربا من الطعوس وحبا في الاجواء الحلوه وبعدها خلص التيس واخذوه الزملاء والسواق الى السياره طبعا الكيمرا شغاله ويعلق علي المشهد ويمشي ورانا حتي باب السياره بصراحه تضايقنا منهم ؟؟ مدري ليش؟ يمكن ماحن متعودين على المقابله او التصوير ؟؟واثنا ركوب السيارة قالي وين رايحين (طبعا بالانجليزي) قلت له الفله ؟ قالي وينها صاح احد الزملاء فيه وقاله انت وش تبي بالظبط روح عنا وقالي ماقلت لك إنهم نصابين يبون يعرفون مكان الفله ؟؟ كلمهم السائق ودار بينهم حديث ؟ بعدها طلب مني ان اتفاهم معهم وهم فعلا مذيع ومصور وشاف بطايقهم ؟ راح احدهم وكلم بالجوال يمكن 5 دقايق ورجع علينا وقال ممكن اكلمك لو سمحت قل قالي عندي لك عرض ان نستضيفك على حسابنا بشرط ان نكون معك طول الرحلة ونسجل كل طلعاتك وروحاتك حيورني والله كلمت الزملاء عن العرض وفي الحقيقة كانو في قمة الغضب من الوضع رفضو كل شي وقالي حن جاين هنا نتمشى ونبسط ؟؟خلهم يشوفون غيرناوبكل لطف تأسفت منهم وقلت سوف تجدون غيرنا

وسبحان الله يوم البرشوت قابلتهم ؟وطلبو تصوير القفز؟ قلت مافية مانع والحمد لله تمت علي خير وسوف اخبركم ماحدث معهم معا شباب