السلام عليكم ورحمة الله وبركاته
التقرير هذا
اهداء لاخي وحبيبي ابو سعود البحريني
كان لي زياره للبحرين في يوم 11/4/2013 والسبب حضور عرس لاحد الاقرباء
كنت متردد في الروحه خصوصا ان الحفل الرئيسي للرجال طافني قبل شهرين
والعرس فقط للنساء يعني مافي زفه ولا شي المعرس يدخل بروحه مع العروس
فترددت بالروحه لكن حسمتها باخر لحظه وقررت الروحه يوم الاثنين
كلمت اخي ابو سعود ينصحني بحجز لاي فندق عائلي لاني قررت اخذ الاهل مع عيالي
نصحني ابو سعود في فندق السفير بالجفير وقاللي راح احجزه لك بسعر مناسب جدا ورائع
وبالفعل عطيته الاوكي بعد ماعرفت السعر وهو شامل كل شي الضرايب والفطور وارخص من بوكينج او الموقع الرسمي للفندق
بدت الرحله يوم الخميس الصبح الساعه عشر ووصلنا الجسر مع اذان الظهر
كانت الزحمه شديده جدا وذلك بسبب خلل في الكمبيوتر ووصلنا للفندق الساعه 3 العصر ولله الحمد
الفندق كان روعه وممتاز وموقعه جميل ورائع والشقه عباره عن غرفتين نوم وصاله فيها طاوله طعام ومطبخ وثلاجه وغساله وغساله اواني وحمام وانتو بكرامه للصاله
وكل غرفه نوم فيها حمام خاص فيها
نشوف الصور والوصف