مرحبا من جديد
اخصص هذا الحلقه عن الفندق
: hotel B&B Maggiore, Rome, Italy - 265
استغرقت المسافه من المطار الى الفندق تقريبا من 30 - 40 دقيقه تقريبا
ولكون صريح انا ما اعتبره فندق اعتبره غرف للايجار وسأشرحلكم بالتفصيل عنه
كان تقييمه للنزلاء جيد جدا لكن الحين صار جيد
المبنى كما هو مذكور في الرابط انه مبنى تاريخي بالقرب من كنيسة سانتا ماري الكبري
وبجواره العديده من المحلات التجاريه والمقاهي وشركات الهواتف ومنها فودافون وايضا صيدليه وقريبه من التريمني محطه
القطارات ومكتب لاستفسارات السياح ، بحيث يدخلون المكتب ويستفسرون عن الاماكن السياحيه
ويحتوي هذا المبني الي فيه الفندق العديد من المكاتب التجاريه
وايضا اعتقد سكن خاص ويتكون المبنى من ثلاث اقسام :
A - B - C
الفندق في القسم
B
لاتركزون بالوقت في الصوره لاني اخذتها على فترات
وإليكم الصور
وهذي بوابة المبنى وفيها الفندق
وهذه بوابة الحصن ... اقصد المبنى
تلاحضون اسماء الشركات والساكنين داخل المبنى
وهنا يظهر الفندق ... تضغط على الزر يفتحون الباب لك
بعد البوابة الرئيسه في بعد بوابة ثانيه
وتلاحضون من خلال هل الصور اقسام المبنى
اتجهنا طبيعي للقسم B
ووجدنا هذا المصعد وكان ضيق لدرجة انه شخصين ونص واحد قدام وواحد ورى مادري شلون كاتبين يشيل 4 اشخاص
اكيد كانو غلطانين بالرقم
اتجهنى طبعا للرسبشن في الطابق الاول وهذي كانت جديده علي
رسبشن في الطابق الاول ....؟ يالله مو مشكله
وهذي بوابة الرسبشن
طبعا مافيه لوبي ولا شي مجرد هل الغرفه وكم غرفه للنزلاء
وتلاحضون ورى ظهره طاوله معلقه تظهر فيها الخرائط الي يوزعها لكم ويدليكم وين صاير الفندق ويعطيكم نسخ منها على حسب طلبكم
عطانا مفاتيح البنك المركزي ... اقصد الغرفه وكانت في الطابق الخامس اخر طابق بالمبنى
هل المفاتيح فيها :
1-المفتاح للبوابة الرئيسيه
2- مفتاح بوابة المؤديه الي غرفتك الي تحت تشوفونها مايدخلون فيها الا الي غرفهم بهل الطابق
3-مفتاح الغرفه
4-مفتاح السيفتي بوكس
5-والميداليه البنفسيجه مكتوب عليها حرف غرفتنا
طبعا بوابة غرفتي فيها فقط 4 غرف وغرفه معدات التنظيف لهل الاربع غرف
طبعا العامل في هل الطابق الي واجهته لغرفنا كان مسلم وسلمت عليه وكان فرحان انه حنا مسلمين
وكنت اخلي تيلفوناتي في الغرفه يوكم يورو (قطع معدنيه) ارجع القائهم مكانهم الحمدلله
وهذي غرفتنا حرف U
امانه تضايقت من الفندق في البداية وكانت اعصابي بارده
لكن بعد مادخلت الغرفه انصدمت فيها ....
إليكم الصور
غرفه نضيفه جدا
ومساحتها مناسبه
كما تشاهدون
يعني تصلح الى روحات خطافيه
بس ماتصلح لشهر عسل ...
وهنا تظهر الخزنه
وتشوفون السيفتي بوكس لازم تحط المفتاح الي عندك علشان تفتحه
هنا تظهر التدفأه
وصور الحمام أ(عزكم الله) وكان نضيف جدا
تقييمي للفندق
الايجابيات:
1-الغرف نظيفه جدا
2-الموظفين متعاونين الحمدلله
3-قريب من المطاعم والمحلات التجاريه والكافيهات وشركة الاتصالات فودافون
4-قريب من محل الانفورميشن للسياح
5-ممنوع التدخين نهائي حتى في الغرفه وعليها غرامه كبيره اذا صادوك اعتقد فوق 200 يورو
سلبياته:
1-المفاتيح كثيره وثقيله
2-اللوبي في الطابق الاول
3-المبنى قديم
4-اصوات الي بالشارع اسمعها
5-وايضا اصوات الي بالممر اسمعها كأنها عندي
6-مافي تيلفون في الغرفه نهائي
7-مافي انترنت
8-مافي خدمات الا نقل بتكسي من من المطار الى الفندق والعكس وايضا طباعة اوراق ومستندات
الصدمه:
في شغله انا ماكنت بذكرها الحين ...بغيت اخليها لحلقة خروجي من الفندق
لكن بذكرها مادام كتبت السلبيات .
قبل موعد سفري اتجهت للرسبشن وطلبت منه تكسي للمطار الساعه 7:15 صباحا تقريبا
واتفقت معاه بسعر 45 يورو
على اساس الصبح اسوي جيك اوت
طبعا بعد ماصحيت ونزلت اغراضي
رحت بسوي جيك اوت .. باب الرسبشن الي بالطابق الاول مسكر ..
جلست حوالي 20 تقريبا وانا اضرب الباب ابي احد يفتح وكان لاحياة لمن تنادي
واقترح علي صاحب التكسي اني ارمي المفتاح عند الباب وماكان عندي وقت للتأخير
وفعلا رميت المفتاح عند الباب
وابلغتهم برساله على الايميل
شرايكم بالحركه ....؟
الله كريم بس
كنت بنقل لكم صورت تقييمي بموقع بوكنق عن القندق بس يبيلها شوية وقت على ماتنزل بموقع بوكنق
نهاية:
هذا الي عندني عن القندق واتمنى اني اكون بينت لكم كل السلبيات والايجابيات عنه
وانا جاهز لاي استفسار
الحلقه القادمه:
الجوله التعريفيه
لن اطيل عليكم ان شاء الله لكي انهي هذا اليوم
تحياتي لكم