وزاد الطين بله منظر البحيرة ولونها المخضر والمطحلب اللي يسد النفس.



للانصاف ماعجبني بالفندق غير مسابحهم كبيره وحلوه وشغالة لين الساعة 10 بالليل
وزين للمحجبات اللي يبن خصوصية
فطورهم مافيه خيارات حتى عيالي جبت لهم كورن فليكس وحليب ماعجبهم اكل البوفيه
طبعا أول الوصول نزلنا نستكشف مسابحهم كانت مناسبة وانبسطوا فيها عيالي







إلى وقت المغرب أخذنا سيارتنا وعلى ماكدونالدز الخيار الدائم لنا
بهالمكان تناولنا عشانا ورجعنا لشقتنا نوم بعد تعب هاليوم





من ثاني يوم بعد تناول الفطور تجهزنا سريع و والنية الذهاب للعالم المفقود وأنا جالس أشرب قهوتي
ننتظر إلى أن تصير الساعة 10
أراد الله أدخل المسافرون العرب واقرأ موضوع للأخ هاي مزمز
عن الوساخة وعدم الاهتمام بمسابح العالم المفقود
تشاورت أنا وأم العيال وقررنا نغير الوجهة للكاميرون ولعلها خيرة
طبعا ارجع وأقول مادام السيارة معي أقدر أتحكم في جدولي وأغير وأبدل مثل ماأبي

الطريق للكاميرون تقريبا ساعتين كله لفات كنك طالع الهدا بالطائف
ويحتاج تركيز لكن مناظر ممتعة (الملك لله) ماتحسفت أبدا على إني غيرتي وجهتي لها





الحين وصلت الكاميرون وماعندي وجهة معينة لكن من خلال قرائتي لتقارير الأخوان بهالمنتدى
كل معلوماتي عنها إن فيها حدائق لافندر وحدائق فراولة ومزارع شاهي
لكن وين أروح ومن وين اجي
الطريق ماأدل لكن حاولت أتبع اللوحات إلى أن وصلت لحديقة اللافندر وجنبها حديقة الفراولة
أسعار الدخول رمزية
مكونة من جزئين دور اول كله زهور وورود من كل شكل ولون واماكن للتصوير


























والدور الثاني مزرعة الفراولة
اذا حبيت يعطونك سله صغيره وتقطف اللي تبي وبعدين يوزنون اللي بالسلة
وتدفع قيمة لهم وفيه بنقالي حبيب
يستقبلك بابتسامة يدلك وين الفراولة المستوية والزينه



وتطلق عياللك للهجوم ويعطونك مقص عشان تقص الفراولة
تجربة ممتعة خصوصا للأطفال.





















بعدها طلعنا ندور مزرعة الشاهي وطبعا ماأبي إلا BOH



لكن طريقها عذاب ورعب وضحك
عذاب بالتعرجات الخطيرة جدا وشي مسفلت وشي محفر ومكسر
رعب لان الطريق ضيق جدا لدرجة فيه اماكن ماتمشي فيه غير سيارة
ولو تواجهت سيارتين لازم وحده منهن ترجع عشان الثاني يمشي
وضحك لانهم حاطين ناس من نفس الشركة على نقاط معينه
تمر من عنده يكلم خوية قدام عشان يوقف السيارات لين تمر انت
حالتنا حاله هاك اليوم






لين وصلنا للمزرعة وانا مدري اضحك او اشيل هم الرجعه