بيانات اضافيه [ + ]

رقم العضوية : 1095  تاريخ التسجيل :  Oct 2017  العمر : 49  أخر زيارة : 11-22-2018 (07:57 AM)  المشاركات : 12,670 [ + ]  التقييم :  1432

لوني المفضل : Cadetblue

عدنا من جديد وأستكمل معكم بقية التقرير ,,,,,


بعد ما خلصت من حجوزات الطيران بدأت في البحث عن الفنادق والطيران الداخلي بنفس الوقت وبعد استشارة عدد من الإخوة ممن سبق لهم التجربة والسكن فيها تم اختيار الفنادق التالية :


هذه الصورة تم تصغيرها . الحجم الافتراضي لها هو 1115x480.

الغني عن التعريف ( الصنواي لاجون ) لمدة 3 ليال شاملة الإفطار . ( الصورة من النت )




منتجع بيرجايا لنكاوي لمدة 3 ليال من دون فطور . ( الصورة من النت )




منتجع البارك رويال لمدة 4 ليال شاملة الإفطار . ( الصورة من النت )




سكن E&O لمدة 3 ليال من دون فطور ... من اختيار الأخ المبدع عبدالله ..( الصورة من النت )


كانت حجوزات الفنادق مغامرة خطيرة لأني اخترت حجز غير مسترد وتم دفع المبالغ وهذا خطأ ما راح أكرره مرة أخرى .... قبل السفر بأسبوع حصل لي ظرف عائلي وكنت راح أكنسل كل السفرة ولكن بتوفيق من الله زانت أموري


بعد ذلك قمت بحجز رحلات الطيران على خطوط اير اسيا عدد 6 تذاكر من كوالا إلى لنكاوي ثم إلى بينانج ثم عودة إلى كوالا ,,,,
.
.
اقترب موعد السفر وفي يوم الجمعة الموافق 17 سبتمبر كانت موعد إقلاعنا في تمام الساعة 4 فجرا إلى الدوحة ثم ترانزيت مدة 4 ساعات في الدوحة ثم الإنطلاق إلى كوالا في رحلة استمرت قرابة 7 ساعات ....

من عادتي دايما أكون قبل الرحلة بوقت كافي حتى اخذ راحتي وتحسبا للظروف .. لما وصلت مطار الملك خالد وجيت اشحن الشنط ومرر جوازي على الجهاز رفض يقبل ومرة ثانية ومرة ثالثة وانا ايش السالفة قال الجهاز رافض جوازك قلت : داري انه رافض لكن ايش المشكلة وينادي مديره ومدير مديره ومدير مدير مدير مدير جد اللي ما أدري مين , ماني فاضي وجع راس بعدين قالوا خلاص انحلت المشكلة عاد انا ما صدقت خبر ولا سألت أصلا ليش

وصلنا ولله الحمد إلى مطار حمد الثاني وكان تحفة معمارية ومن شدة الإرهاق والتعب نسيت أصلا حتى التصوير ومن حسن حظي لما نزلت من رحلتنا من الرياض توجهت للصالة المغادرة الى كوالا وطلعت أمامي مباشرة وأقرب كرسي وأحط راسي نوم .... ما حسيت نفسي إلا أم سعد تقول يالله الوقت قرب وناظرت الساعة وبالفعل كان الوقت وصل وتوكلنا على الله على كوالا أو ما ركبت الطايرة لقيت المقاعد اللي على الدريشة عددها اثنين بجنب بعض وكنت قد اخترت مسبقا المقاعد والوجبات وصاروا المضيفين يجيبوا لنا الوجبات في صحون خاصة ويعطونا الوجبة لحالنا غير عن بقية المسافرين عاد اللي بجنبي يناظرني يقول وش عندهم ذولا عاد أنا حسيت إني فخم بصراحة

كان أغلب الرحلة نوم ومهما نمت بالطيارة ما رأح احس بالراحة إلا على السرير




كل شوي وأناظر في الخريطة ودي أمسك الطيارة وأحطها على كوالا على طول




وبدأت تظهر معالم الفاتنة ......

وصلت للمطار واستلمت الشنط وعلى طول على محلات الاتصالات وشريت شريحة اتصال ب 30 رينجت وشريحة 3 جيجا انترنت هوت لينك بسعر 70 رينجت , وبعد ذلك توجهت لمكاتب التاكسي وأخذت تاكسي ألى الصنواي بسعر 130رينجت ....




وصلنا ولله الحمد إلى الفندق








عملت تسجيل دخول وكان سريع وللأسف الموظف كان تعامله سيء للغاية ...



أول ما دخلت الغرفة كانت المفاجأة سريرين منفصلة والغرفة أعزكم الله متسخة وقمت نظفتها وكانت الخزانة عطلانة وهي أهم شيء عندي . بصراحة كانت صدمة ولكن رغم هذه السلبيات يبقى الفندق الأول بكل شيء فيه , قلت ما فيه حل إلا أنام والصباح بإذن الله راح أتفاهم معاهم عاد قبل النوم مدة ربع ساعة أجهز محاضرة كاملة علشان أوريهم اليوم الثاني
.
.
.
.
.

بإذن الله سوف أكمل معاكم لاحقا ما حصل معي اليوم التالي ...

دمتم بود