وهنا غرفة القياس ..

وهنا رف الشوكولاتات وبعض المستلزمات اليومية ولفت نظري الكتكات

هذا الكتكات القديم مالقيته هناك إلا في الجزر فقط , وبصراحة ألذ بكثير من الجديد ..

لاحظوا سعره في المنتجع

اشترينا من المتجر تيشيرت لزوجي بحوالي 85 رنقت وكملنا للمطعم ..

وبعدين واجهتنا اللوحة هذي واللي تدلنا على مكان المطعم وبعض المرافق ..

نافذة على الجمال

وتفاجأنا بهذا الطاووس يتمشى جنب المطعم







وهنا كمان

كنا نشوفهم بشكل يومي في كل مكان , ويدخلون المطعم ويتمشون بين الطاولات براحتهم


ولكن ممنوع إطعامهم لأنهم بيسوون مشاكل وزحمة


وللعلم جميع الحيوانات ( أجلكم الله ) طليقة في الجزيرة


ونبهونا لو شفنا السحالي الكبيرة ما نخاف منها ولا نآذيها ..


هي تخاف من البشر وتهرب لوحدها !!


أنا لما سمعت الكلام هذا دب الرعب في قلبي خصوصا انو فيلتنا معلقة في الغابة ..


وقلت كم حجمها السحالي المذكورة ؟؟


قالوا احيانا طولها يتعدى المتر


قلت هذي تمساح مكتمل النمو !!!


لكن توكلت على الله وبفضل الله ما قابلنا طووول إقامتنا أي شي يخوف


وما شفنا غير سحلية صغيرة عالبحر لا تتعدى ( الشبر )


وصورتها لكن ليست واضحة في الصورة من صغرها .. يعني ابدا ما في شي يخوف ولله الحمد ..



وقبل المطعم لقينا المبنى هذا واللي أغلب الظن انو ( العيادة )








وهذا المطعم وصلنا له .. طلبنا بيتزا دجاج وكانت مقبولة لكن مليااااانة بهارات وطعمها لاذع

وكان ورانا ملاعب التنس وخلفها الفتنس

وأمامنا البحر والمسبح .. لكن ما قدرت أصور لوجود مناظر ( مقرفة )


لدرجة ما قدرت اتفرج على البحر لأنهم أمامي


بصراحة ماارتحنا كثير في المطعم وما حبينا نكرر الزيارة لسبب سوف أذكره لاحقا بإذن الله ..


واحنا راجعين حب زوجي الغالي يعوضني عن منظر البحر اللي فاتني


ولقينا مكان حلو مافيه احد غيرنا وهادي وجلسنا وصورنا على راحتنا

المكان رااائع جدا والمنظر ساحر












ورجعنا للفيلا وقررنا نقضي العصرية في شاطئ الزمرد الساحر وهو الشاطئ المخصص للسباحة

ويوجد كذلك شاطئ المرجان لكن ما زرناه