11-08-2017, 01:57 PM
|
#1
|
|
بيانات اضافيه [
+
]
|
|
رقم العضوية : 1095
|
|
تاريخ التسجيل : Oct 2017
|
|
العمر : 49
|
|
أخر زيارة : 11-22-2018 (07:57 AM)
|
|
المشاركات :
12,670 [
+
] |
|
التقييم : 1432
|
|
|
لوني المفضل : Cadetblue
|
|
رحلتي لكوريا الجنوبيه سنــــ2013 ـــة (( سيئول ))
مقدمه
نحن كلنا نعرف انه فيه اختلاف في الاذواق
واللي يعجبني يمكن مايعجب غيري والعكس صحيح
واكيد انا تقييمي أو حكمي ع اي بلد يرجع لخبرتي في سفراتي الكثيره حول العالم (( قولوا ماشاءالله ))
صحيح كل بلد تختلف عن الثانيه من كل النواحي بس
تظل في امور ممكن تخليك تحب هاي البلد ولا ماتحبها
ع العموم هاي المقدمه عشان أوضح وجهة نظري لما تعرفون انه كوريا الجنوبيه وبالذات سيئول
انها ماعجبتني
ومن خلال تقريري بروحكم بتلمسون بعض السلبيات اللي ماريحتني في هاي البلد
وفي نهاية التقرير ان شاءالله بعطيكم
كل السلبيات والايجابيات اللي لمستها في هاي البلد من خلال وجهة نظري
وحتى لو اختلف عليها البعض
تفاصيل رحلتنا
أعضاء الرحله ...
أنا وزوجي ووبناتي (( كوكي وتوتو ))
وولدي عبادي الملقب سابقا بدودي عاد كبر الحين
الله يحفظهم ويخليهم لي
تاريخ السفر ..
من تاريخ 10 / 10 / 2013
الى
18 / 10 / 2013
وهذا اليوم يوم ميلاد عبادي الله يحفظه
مدة الرحله ، بس اسبوع
الطيران المعتمد ...
ع الدرجه السياحيه 
ماحصلنا ابدا ع البزنس لافي السيره ولا في الرده وكان مسكر من شهرين
قيمة التذكره وقتها = 4775 للكبير
وما أذكر كم تذكرة عبادي
وعقب ارتفعت الاسعار مثل ماتوقعت
وأحلى شي انه سافرنا ع الايرباص 380 في السيره والرده
وقت الاقلاع ...
في السيره كانت رحلتنا ع الساعه 3.30 دقيقه فليل
بس عقب تأخرت ساعه عن الاقلاع ووصلنا متأخريت ساعه
والوصول المفروض يكون 4.40 لسيئول العصر قبل لانتأخر
أما في الرده كانت رحلتنا ع الساعه 11.55دقيقه فليل من سيئول
والوصول لدبي الساعه 4.25 الفجر
مدة الطيران..
7 ساعات ونص تقريبا في السيره
وفي الرده 10 ساعات تقريبا 
السكن ...
عن طريق موقع بوكينج اخترنا السكن في فندق
Fraser Place Namdaemun
نوع الغرف ..
عدد 2 بريمير دبل روم
Premier Double Room
وهم عباره عن غرف كبيره فيها قسم للنوم وصاله وبانتري يعني سويت
قيمة السويتين مدة اسبوع = 10 الاف درهم بدون افطار
وهناك عطونا افطار مجاني لشخص واحد في كل غرفه
السعر جدا مناسب وانا اشوفه رخيص ع موقع الفندق وكل شي حلو شفناه في الفندق
أنصح فيه بس ترا فيه كم فندق بنفس الاسم والفرق في المنطقه
ونحن كنا في Namdaemun
اعتقد في واحد في منطقة انسادونج وهذاك نظام شقق واكثر الخليجين يسكنون فيه
واعتقد بعد فيه واحد ثالث بس ممتأكده
المهم تأكدوا من الاسم اذا بغيتوا تسكنون فيه
عقب بعطيكم تفاصيل اكثر عن الفندق من خلال الاحداث اليوميه
معلومات أكثر
عن موقع فندقنا وعنه من خلال هاي الصور ...
المواصلات ...
نحن اعتمدنا ع التكاسي
ومره وحده استخدمنا القطار وندمنا وعقب بتعرفون ليش
التصريف ...
صرفت جزء هنيه بعملتهم ، وجزء خذيت دولارات وصرفتهم هناك
وسعر التصريف يختلف
في الامارات طلع الدرهم الواحد = 263 وون كوري وحد (KRW)
يوم صرفنا طلع وايد بالملايين ، لكن مافيها بركه بسرعه تخلص 
حالة الجو ...
في الوقت اللي سافرنا فيه كان خريف والجو كان جميل
أحيانا بروده زياده وأحيانا معتدل بس بصوره عامه كان حلو
واغلب الايام كانت مشمسه للاسف ومره وحده طاح مطر
شو بعد ياهداوه 
ايوه تذكرت
المعلومات اللي جمعتها قبل السفر واللي شجعتني وخلتني اتحمس لهاي البلد
واشوفها وايد جميله قبل لا اشوفها
عاد هاي المعلومات بخليها في الجزء الياي عشان ابا أضيف عليها معلومات من عندي
وعقبها بندخل في الاحداث اليوميه ...
|
|
|
|