هذه نبذه مختصره عن الفلبين

السائح السعودي ولا أعلم حول السياح من الجنسيات الاخرى عند زيارة الفلبين يمكن المكوث فيها لمدة 30 يوم بدون فيزا وبالسابق كانت 21 يوم .

* زرت الفلبين في شهر سبتمبر (9) ميلادي وكان الطقس رائع جدا وبالعموم من شهر 8 الى 10 تكون الفلبين في افضل فصولها حيث تكون درجة الحرارة بين 25 الى 28 درجة مئوية , وهذه المرة زرتها في شهر مايو (5) ميلادي ولكن الطقس لاينفع أبداً للحرارة الزائدة والرطوبة العالية وتحديدا شهر 4 و 5 ميلادي تكون درجة الحرارة بين 32 الى 35 درجة مئوية !

,,,,

المهم في موضوعنا هو التقرير وهانحن على أعتاب تقريرنا المتواضع والذي كما ذكرنا نتمنى من الله العلي القدير ان يكون هذا التقرير عند حسن ظن الجميع فاستعدوا يابعد تسبدي أنت واياه !

6 أشخاص كانت النية اندونيسيا بس تم رفضها لأننا نبغى ديره مانشوف فيها عرب كثير والبعض يريد هالشئ لأسبابه الخاصة , ماأقول ان مافيها عرب بس على الاقل مو مثل اندونيسيا , المهم اتفقنا على الفلبين ومن بكره 4 اشخاص حجزوا تذاكرهم على طيران الاتحاد من الرياض الى مانيلا بـ1850 ريال تقريبا من تاريخ 10 مايو - 21 مايو ترانزيت بالذهاب 8 ساعات والعودة ترانزيت 6 ساعات !

انا وواحد من الشباب ماحجزنا لظروف خاصة بالبداية وبعدها باسبوعين او 3 تقريبا وجدنا حجز نكته بصراحة !

750 ريال دايركت ذهاب وعودة من الرياض الى مانيلا من تاريخ 7 مايو - 20 مايو على طيران cebu pacific الفلبيني الاقتصادي الكحيتي اللي ماينفع ولا بريال الا عروضه فقط وهذا رأي شخصي طبعا !

المهم!

اتفقنا على كل شي وحجزنا كل شي وحددنا وين بنروح وليش بنروح هههههه

امزح اقصد حدننا واتفقنا على كل شي من مدن وسكن وتذاكر داخلية وكل ابو شي الا فيه اشياء ماقدرنا نخلصها الا لما رحت انا وخويي قبل الباقين خلصنا من كل شي لأننا رحنا بتاريخ 7 وهم بعدنا بتاريخ 10 !

في تاريخ 6 مايو كنا بالرياض انا والخوي وقابلنا 2 من اللي بيلحقوننا في تاريخ 10 وتعشينا سوا والساعة 10 وصلونا المطار وودعناهم وقلنا الوعد بوراكاي باذن الله .

دخلنا المطار وانصدمنا بالتكدس اللي صاير امام كاونترات الطيران الخاص فينا !!!

شغالات وممرضات وعمال وعالم الله لايوريكم من زحمة , 7 او 8 كاونترات فل الفل وفوق هذا النظام متعطل والطيارة موعد اقلاعها الساعة 12.45 ص من تاريخ 7 مايو !

ياولد ياهوه ياعالم وش العلم وش الحل وش السواة ؟!

ماحولك احد ابد ابد ابد !

المهم انتظرنا الى الساعة 2 تقريبا وقالوا يلا صفوا وخلونا نبدأ وفتحوا فوق ال8 كاونترات 4 كاونترات اخرى عشان يخلصون بسرعة ونلحق على الطيارة لانها تأخرت أكثر من اللازم !

عطونا البوردنقات ساده ماكتب عليها شئ ابد غير كلمتين بقلم أسود وماندري وش مكتوب لانها مو واضحة وقالوا ادخل الطيارة واخذ أي مقعد ومع القلق نسيت أصور أي شي داخل المطار !

الوكاد اننا ركبنا الطيارة على بركت الله وعلى وشك الاقلاع .