أهلاً بك فرحت لإستجابتك لدعوتي

اهلا بيكى انا اسعد بدعوتك الغاليه لى للجلوس وتناول القهوة بصحبتك


هاهي الطاولة لقد حُجزت لنا..
حلوه مش بطاله



كيف حالك؟
الحمد لله بخير

وكيف هي الدُنيا معك؟
تقدرى تقولى زى ما بنقول فى مصر كده ماشى الحال
اوقات بتكون على هواكى واوقات بتغلس وهو ده حال الدنيا

هل تقبل عادة ً دعوات كهذه على أرض الواقع ؟؟
بحسب الاشخاص والاماكن يعنى لو من شخص بحترمه وله مكانه عندى اكيد بقبلها وخاصه لو فى مكان محترم

عبر لنا عن شعورك عندما تلقيت الدعوة ؟
فرحت بيها جدا لانها من شخصيه غاليه عندى جدا

هل أنت من الأشخاص الذين يفضلون كثرة شرب القهوه ؟؟
لا شربى للقهوة يعتبر معتدل
بس مدمن شاى

هل هناك مكان معين ترتاده وتشعر بالطمئنينة إذا ما دخلته
المسجد وعندما اكون بمفردى على شط البحر


لحظة !!
لحظتين مش لحظه واحده

سـأقطع حديثك فقد جاء الجرسون لِـ أخذ الطلب


قهوتك ساده..أم سكر زياده..؟أم لست من عشاق القهوه؟
مابين الزياده والمظبوط واحياناً مظبوط
حكمتك ومبدأك في الحياه ؟
ليس كل ما يتمناه المــرء يدركه.. تجري الرياح بما لا تشتهي السفن

شخصية أدبية تاثرت بها ؟
صلاح جاهين وفاروق جويده

تؤمن بلبس الاقنعه لتتكيف مع الحياة من جميع النواحى ؟

لا
مش بحب اكون غير نفسى بكل ما فيها من ايجابيات وسلبيات
ومش بحب اتعامل مع حد احس انه من هواه لبس الاقنعه
لانى من الشخصيات اللى تقدرى تقولى عليها اللى فى قلبى على لسانى

ماذا تحب عادةً أن تطلب عندما يُترك لك الأختيار في طلب القهوة؟؟
قهوة فقط

أذن
هل مازلت الى الأن تسعي في الوصول الي حلمك أم انة قد تحقق ؟؟..
ماذلت
ما تحقق ليس بحلمى

هل لك قوانين وأنت تتناول قهوتك كأن تبدأ بشيء معين وتنتهي بشيْ معين آخر ؟؟

فقط فى الصباح تعودت عندما اشربها ان تكون فى البلكونه على صوت فيروز
وعادتا احب تناول الفهوة فى مكان مفتوح كانوع من التأمل

مرة أخرى لحظة !!
رايحه فيييييييييين

سأُجيب على هاتفي

مين اللى بيتصل

أعتذر..ولنكمل حديثنــا..

أأنت من الناس التي لا بد أن تتحدث وانت تشرب قهوتك؟؟
لا بالعكس مش بحب اتكلم كتير وانا بشرب قهوتى
لكن لو فى مجلس وفى كلام بتكلم من باب الذوق بس بيكون فى اضيق الحدود

تهتم بِأمر التَجمع على القهوة ؟؟
برضو على حسب الاشخاص يعنى لو الاهل او الاصدقاء المقربين اكيد بهتم

امممم مرة أخرى قاطعنا الجرسون
من نفسه الراجل اشمعنه انتى كل شويه تقاطعينى





إذا استعرضنا معـــــًا أجمل محطاتك في :الطفولة ،السفر، الدراسة
طفولتى بعتبرها اجمل ايام حياتى
بكل ما فيها من لعب وشقاوه وضحك وبلاوى كنت بعملها ومحدش كان بيقولى حاجه هههههههههه
كنت اكتر حد مدلل من بين اخواتى حتى اخواتى نفسهم كانوا بيدللونى مع انى مش اصغر واحد بس كنت نجم الشباك هههههههههه

السفر مجربتهوش قبل كده
اللهم الا مره واحده طلعت رحله من الاسكندريه الى القاهرة لو هتعتبرى دى سفر يبقى سافرت
وكانت رحله ممتعه جدا كانت مع اصدقائى من المدرسه فى مرحله التعليم الثانوى

اما على مستوى الدراسه
بعتبر مرحله التعليم الثانوى هى الاجمل من بين مراحل التعليم التى مريت بها


فماذا ستجد في جعبتك من مواقف لم تزل قائمة في الذاكرة ؟
فى مواقف كتيييييييييييير ولكل موقف ذكراه الجميله
لكن اجملهم هو تجمعى انا و اصدقائى فى ليله كل عيد اضحى و كل واحد يجيب معاه الكميه اللى يقدر عليها من اللحم المتبل الجاهز للشوى ونقعد نحضر الفحم و الشوايات ونبتدى فى شوى اللحم واكلها بعد ممارسه كل انواع التسليه المتاحه لنا واهمها ايام الطفوله كانت اننا نعمل مقالب فى الناس اللى ماشيه ف الطريق واجمل شئ فيها ان الناس نفسها كانت بتفرح معانا وكانت تقول لنا كل عام وانتم طيبين بكل حب بس طبعا بطلنا مقالب لما كبرنا للاسف
واول ما نجوع نقوم بشوى اللحم واكله وده بيكون قبل الخروج لصلاة العيد بقليل
واجمل شئ اننا مواظبين على هذة العاده منذ الطفوله وحتى الان
آيه قرآنية تجعلها دائماً نصب عينيك ؟
أتأمرون الناس بالبر وتنسون أنفسكم وأنتم تتلون الكتاب أفلا تعقلون

سمه تعتز بها كثيرا في شخصيتك ؟
الطيبه والتواضع والثقه فى النفس


أختار عضواً تشعر أنه مقرب في خيالك لشخصيات سياسية .. فنية .. اجتماعية .. أو حتى كرتونية ...
من العضو..ومن هذه الشخصيه؟
مفيش حد فى بالى صراحه
تقدرى تقولى لكل واحد شخصيته


هروب الكلمات من مخيلتك عندما تكون في أمس الحاجة لها كيف تعالجه؟
بالسكووووووت
بس لو متعصب بتزيد عصبيتى

ماهي التجربــه التـي تتمنــى تكـــرارها؟
ممارسه لعبه كره القدم كالاعب محترف من جديد
لان فى التجربه الاولى لم اكملها بسبب تعند البعض لى فى امور انتقالى لنادى اخر مما ادى لتعند من جانبى بعدم اللعب

لحــظه..
لحظاتك كترت يا غرام هسيبك واروح اقعد مع احلااام






هل تهتم بِأمر التحلية مع القهوة ؟
لا
بحب اشرب القهوة لوحدها علشان استمتع بطعمها
ممكن اهتم بالتحليه مع الشاى وبيكون بسكويت او كيك لكن القهوة لا


وماهي افضل انواع الحلويات لديك ؟؟
البسكويت والكيك والبسبوسه

وما هي التجربة التي خضتها ولا تتمنى أن تتكرر ؟؟
لا مفيش لان حتى لو مريت بتجربه ولم تنجح فى الماضى لو تكررت من جديد اكيد مش هفشل فيها تانى لانى تعلمت من التجربه السابقه

أنطباعك عن ( ۩ غرام۩) بصراحة ودون مُجاملة؟
غرام انسانه جميله جدا
جدعه جدا
بسيطه و طيبه
مبتعرفش تكسف او تجرح حد
فى ظاهرها شقيه وجريئه ولكن طبيعتها تختلف كثيرا عما هى عليه خلف الشاشه

على المستوى الشخصى بعتبرها بمثابه الاخت الشقيقه التى مهما طال العمر ستظل فى ذاكرتى وسأظل سعيد بمعرفتى بها لانها حقا رائعه
كفايه عليكى كده لا يقولوا انك دفعالى فلوس


عضو تشعر بأنة قريب لروحك وقلبك ؟
صراحه جميع اعضاء المنتدى يدخلوا القلب بمجرد معرفتهم او التعامل معاهم

ولكن اقربهم لى هى
غرام


عفوا ً ..
هل تفضلت مشكورٌ بدفع الفاتوره .. لأني لا أملك المال ؟
ههههههههههههههههههه
قولى كده بقى انك عامله الليله دى كلها علشان تشربى قهوة من غير ما تدفعى فلووووووس وانا اللى كنت مفكرك عزمانى


اتفضل يا متر الحساب اهو


لو وضعت في هذا الموقف .. كيف سيكون شعورك ..!
انتبه .. شعورك و ليس تصرفك !
حسب الموقف لو موقف عفوى وفعلا اللى معايا طلع معهوش فلوس يكمل الحساب او نسى الفلوس فى مكان ما اكيد مش هيكون فيها اى مشكله بالنسبه لى انى ادفع الحساب مكانه عادى ودون ادنى مشكله
لكن لو كانت المسأله مسأله مقصوده اكيد هتضايق من الموقف


إذن



أجد الوقت قد أُختُلس بسرعة..

هو كده ديما الاوقات الحلوه بتخلص بسرعه

فقد استمعت أنا معك بِـ هذه الدعوة.. وأنت ماهو شعورك بعد هذه الدعوة ؟؟

فى قمه سعادتى انك اتحتى لى الفرصه فى الجلوس بجانبك و الحديث معك







هل تحب أن تكرر التجربة مرة أخرى ؟؟

اكيد مادامت بصحبتك غرام




وأوقــــــــات سعيدة مع فنجان قهوتي
.
.
.
.
.
بجد استمتعت جدا بالجلوس معك غرام
واستمتعت اكثر بحديثك الشيق

اتمنى ان يديم الله عليكى التالق والرقى والساعده وراحه البال
اشكرك على استضافتك العزيزه والغاليه
واتمنى الا اكون ضيف ثقيل عليكى او على اعضاء المنتدى الكرام

اشكرك من جديد غرام على هذه الدعوه الغاليه
تقبلى كامل احترامى وحبى وتقديرى
دمتى فى رعايه الله اختى العزيزه
غرام
تحيتى لك ولجميع اسره المنتدى

اخوكم / الصقر المصرى