|
Bangkok Pattaya April 2010
https://www.travelzad.com/vb/images/smilies/223569.png
كان سبب السفره الرئيسي فحص وعلاج لمشكله الاذن عندي اللي تعبت منها ومن المستشفيات في الكويت وقررت اني ازور مستشفى بومرن قراد في بانكوك وهو المعروف بالمستشفى الامريكي وهو مستشفى رائع وعن طريق النت عملت موعد مع عياده الاذن والانف والحنجره وعلى طول عطوني موعد في تاريخ 1 ابريل لكن قررت اغيره خصوصا اني راح اوصل بنفس الوقت وارسلت لهم رساله وغيرو الموعد الى اليوم الثاني بسرعه كبيره جدا موقف رائع لمستشفى رائع كان موعد السفر يصادف عطله لعيالي وهي عطله الربيع او الايستر وحجزت على الطيران السيلاني لاني ما لقيت حجز على الكويتيه او التايلنديه اللتي قررت التوقف عن الطيران من مطار الكويت الدولي في تاريخ 28 من شهر مارس فقررت اني احجز على الطيران السيلاني كويت سيلان بانكوك مرورا في دبي لساعه الطيران رائع وممتاز لكنه مزحوم للاخر وكان موعد السفر في تاريخ 31 مارس واوصل بانكوك في الاول من ابريل قبل الحجز او اصدار التذكره اشتركت مع الطيران السيلاني من اجل الاستفاده من النقاط او الرفع الى درجه اعلى لكن ما حصل هالشي بس استفدت من النقاط كانت الرحله من الكويت الى دبي فل وكلها كويتيين وفرحت لاني سمعت ان الطياره كلها سيلانيين والريحه تكون داخل الطياره شي ولا بالخيال قبل السفره اصبت بالزكام وهذي اول مره اسافر وانا مزكوم لكنها كانت بالنسبه لي خيره ولله الحمد في مطار دبي كل شي تغير نزلوا كل الركاب الكويتيين ماعدا انا :4: وصار مكانهم سلانيين والحمدلله اني مزكوم ولا شميت الريحه طول الطريق من فوايد الاشتراك في الطيران السيلاني اني حجزت لي مقعد ووجبه لرحله الذهاب فقط وهذا هو المهم كانت الرحله من دبي الى كولومبو 4 ساعات رحله سريعه وخدمه رائعه وصلنا الفجر مطار كولمبو وهو مطار صغير لكنه مرتب ونظيف وراقي وعلى طول رحت لغرفه الصلاه ووجدت مسافرين افغان وصليت الفجر وياهم وطلعت على الفطور وبعد الفطور اخذت لي ساعتين فوت مساج كان وقت الترانزيت 3 ساعات ولا حسيت الا بالنداء الاخير وباسمي طلعت من المساج وهو تقريبا 1000 روبيه سيلانيه وهو ممتاز ورائع ومفيد للمسافر وصلت بانكوك الساعه 12 الظهر في توقيتهم ومطار بانكوك رائع وكبير وتقريبا ساعتين فقط عند الجوازات من كثر هالبشر مع العلم اني ما احتاج الى فيزا على طول على الكونتر اخذت الشنط وطلعت ولقيت الشركات اللي تعرض على التكسي والفنادق وسالت عن السعر وكان 1500 بات طبعا نزلت تحت للتكاسي الملونه وكان سعرها 450 بات شامل كل شي شقق فندقيه رائعه بعيده عن الزحمه وفيها حراسه 24 ساعه والغرفه رائعه لابعد الحدود حجزته عن طريق بو كينج وسعره تقريبا 1500 بات تدفعها كاش اول ما توصل وطبعا طلبت من راعي التكسي يمر على الصرافين في منطقه نانا من اجل الصرف وصرفت ما يقارب 500 دولار وكان الصرف وقتها 3200 بات لكل 100 دولار وعطوني شريحه جوال مجانيه هديه لاني صرفت مبلغ كبير على قولتهم عمليه دخول الفندق او الجك ان كعاده تايلند سهله جدا وسريعه دفعت الفلوس ودفعت التامين من اجل السيفتي بو كس وطلعت على الغرفه وهي عباره عن غرفه وصاله ومطبخ وغرفه ملابس وفيها السيفتي بوكس طبعا اول شي انفذ وصايا ام باسل رش الديتول في كل الغرفه وبعدين سويت لي قهوه مهيله من اجل تضبيط المزاج نشوف الصور مدخل الغرفه ويبين الديتول وهو من اساسيات السفر في عايلتنا https://www.travelzad.com/photo/files/353901.jpg الصوره مهتزه شوي لكن السموحه لاني مو متعود اصور في كاميرا صغيره https://www.travelzad.com/photo/files/353902.jpg https://www.travelzad.com/photo/files/353903.jpg https://www.travelzad.com/photo/files/353904.jpg https://www.travelzad.com/photo/files/353905.jpg https://www.travelzad.com/photo/files/353906.jpg لاحد يعلق على الصوره لاني كنت مستعجل على الصوره ولا رتبت مع اني توني واصل https://www.travelzad.com/photo/files/353907.jpg السموحه اذا حطيت صوره للحمام اعزكم الله لكن علشان ابين انه يوجد شطاف فيه https://www.travelzad.com/photo/files/353908.jpg المطبخ وهذا من الاساسيات عندي من اجل شي واحد فقط https://www.travelzad.com/photo/files/353909.jpg https://www.travelzad.com/photo/files/353910.jpg بتقولون شنو هالشي وهذا الجواب عليه https://www.travelzad.com/photo/files/353911.jpg الصاله وهي رائعه وتطل على حمام السباحه لكن للاسف ما قدرت اصوره لانه دائما فيه ناس https://www.travelzad.com/photo/files/353912.jpg |
رد: Bangkok Pattaya April 2010
بعدما كيفت الراس بالقهوه المهيله واخذت لي دوش سريع وصليت الظهر والعصر جمع تاخير ماحبيت انام لان راح يخترب برنامجي وفضلت اني اسهر الى الساعه 9 بالليل علشان اعدل نومتي خصوصا اني مو نايم من امس الصبح الساعه 6 وهذ قعدتي اخذت نفسي وطلعت مشي الى منطقه نانا وهي على نفس الشارع اللي يسمونه شارع 4 تطلع سيده او طوالي تصادف مجمع نانا او نانا مول الجديد طبعا هو جديد بالنسبه لي لان اخر مره زرت بانكوك كانت 2002 وكانت الرحله عائليه ومن يومها الاهل والعيال كرهوا تايلند كلها وصلت الى فندق زينث وفي مطعم قباله مصري تغديت فيه واخذت لي كاسه شاي بالنعناع الرائع وجلست بالخارج وكاني في احد الدول الخليجيه من كثر الخليجيين اللي رايحن او جايين من المستشفى الامريكي المطعم والجلسه الخارجيه https://www.travelzad.com/photo/files/353841.jpg مقابل المطعم فندق زينث https://www.travelzad.com/photo/files/353842.jpg https://www.travelzad.com/photo/files/353843.jpg لحد يقوللي وين الكرك لاني توني ماكل سي فود وموزين الواحد يشرب حليب بعد الزفره https://www.travelzad.com/photo/files/353844.jpg تقريبا ما طولت لاني حسيت اني دايخ حدي بس حاولت اتصبر ليمن ياذن على الاقل المغرب واصلي وانام وبالفعل وصلت الفندق وصليت واحلى نومه بعد التعب في الصباح الفندق يوفر فطور وهو بالطلب في مطعم الفندق الصغير نوعا ما لكنه نظيف وطريقه اكلهم غريبه اول شي يجيبون طبق عباره عن رقي (حبحب ) وجح ( خربز ) واناناس وبعدين الفطور فطرت وصعدت تقهويت ورحت لمجمع امبي كي الساعه 9 انا عند السوق اخذت لي لفه عليه بس ابي اعرف الاسعار ونوعيه البضاعه اللي عندهم ورجعت الظهر صليت العصر والظهر جمع تقديم وجلست ليمن الساعه 3 علشان موعدي الساعه 4 اخذت التك تك وهو مجاني للنزلاء ووصلني لاخر الشارع وبعدين مشيت الى المستشفى https://www.travelzad.com/photo/files/353845.jpg https://www.travelzad.com/photo/files/353846.jpg فندق ايبيز رائع جدا وجديد وهو قبل فندقي بالضبط https://www.travelzad.com/photo/files/353847.jpg اااااااخ لو الله يفكنا من اللي نشوفه خصوصا هالعربات في بانكوك تصير احلى دوله https://www.travelzad.com/photo/files/353848.jpg https://www.travelzad.com/photo/files/353849.jpg الكاميرا الخفيه صادته يغسل العيش في الشارع https://www.travelzad.com/photo/files/353850.jpg https://www.travelzad.com/photo/files/353851.jpg يا كثر ماياكلون والمشكله انهم مايسمنون https://www.travelzad.com/photo/files/353852.jpg https://www.travelzad.com/photo/files/353853.jpg سفن الفن حلو منتشر بكل مكان يازينه في امريكا وبس https://www.travelzad.com/photo/files/353854.jpg https://www.travelzad.com/photo/files/353855.jpg هذا مجمع نانا في المقابل والفندق خلفي على امتداد الشارع وعلى اليمين فندق اللاند مارك وماريوت على اليسار ومقابل اللاند مارك منطقه نانا او منطقه العرب واذا مشيت سيده او طوالي تروح للمستشفى الامريكي https://www.travelzad.com/photo/files/353856.jpg اليوم بديت اشوف المظاهرات او اصحاب القمصان الحمراء وهي تبدي من نانا في اتجاه المجمعات وهذي بعض الصور لتحركهم https://www.travelzad.com/photo/files/353857.jpg https://www.travelzad.com/photo/files/353858.jpg https://www.travelzad.com/photo/files/353859.jpg https://www.travelzad.com/photo/files/353860.jpg نانا هوتيل https://www.travelzad.com/photo/files/353861.jpg مشيت وياكثر المطاعم الحلال في الطريق https://www.travelzad.com/photo/files/353862.jpg https://www.travelzad.com/photo/files/353863.jpg وصلت المستشفى الامريكي واللي يدخل اول مره راح يستغرب من اللي يشوفه مستشفى كبير او ضخم رائع لابعد الحدود وتنظيم ولااروع كانه وزارات وليست وزاره واحده الخليجيين بكثره ولا قدرت اصور فيه ولاصوره من كثر العرب ماشاء الله والله يشافيهم رحت للعياده اللي ماخذ فيها موعد على حسب الورقه اللي عندي الدور الثالث المبني الثاني دخلت العياده قالولي لازم تسوي دخول عند الرسبشن رحت للرسبشن شي رائع جدا واستقبال اروع اخذوا بياناتي وصوروني صوره بالكمبيوتر على الملف طبعا علشان الممرضه تعرفني من شكلي مافي داعي تنادي بالاسم وعطوني كرت للمراجعه لحد الان ما دفعت شي قاسواضغطي وحرارتي وكان الضغط مرتفع شويه والحراره عاليه شوي وقلت لهم اني مزكوم لكن سالفه الضغط هذي غريبه علي طمنوني وقالولي عادي هذا من تغيير الجو واختلاف الوقت طبعا عند تقديم الموعد في النت سالوني اي لغه اتكلم بها او اجيدها طلبت اللغه العربيه وبالفعل كان وياي مترجم من التسجيل الى الصيديله دخلت على الدكتور وبعد الفحص قاللي التهاب مزمن وتحتاج علاج مكثف ومضاد قوي وايضا كنت شاك عندي لحميه مسببه لي الشخير الغير طبيعي من سنتين تقريبا وبعد الفحص مابين اي شي وقاللي هذا من التهاب الاذن ماثر عليك طبعا عمل لي فحص السمع وكل شي نصحني باني اجرب هذا الدواء لمده اسبوع واخذت موعد الاسبوع القادم وطلبت ان يكون الصبح لان طيارتي العصر اخذت الدواء وكان الحساب كامل 3800 بات يا بلاش وطلبت من الدكتور باني اعمل جك اب كامل طبعا مافي مشكله بس لازم اكون صايم لمده 12 ساعه وفعلا جيت الصبح وانا صايم وخذوا عينه من الدم والنتيجه بعد ثلاث ايام |
رد: Bangkok Pattaya April 2010
عملت جك اب كامل وذلك عن طريق عينه من ا الدم ولا بد ان اكون صايم لمده 12 ساعه وبعد التحليل فطرت في مطعم نفرتيتي مطعم مصري في نانا نظيف وعلى الاقل هو الوحيد اللي فاتح الصبح اخذت السكاي ترين ورحت حق امبي كي الطريقه سهله جدا والسعر 25 بات فقط وعند محطه ناشنال استوديوم او الجسر اللي يودي للمجمع شفت اصحاب القمصان الحمراء متجمعين وبكثره https://www.travelzad.com/photo/files/353127.jpg https://www.travelzad.com/photo/files/353128.jpg https://www.travelzad.com/photo/files/353129.jpg https://www.travelzad.com/photo/files/353130.jpg https://www.travelzad.com/photo/files/353131.jpg طبعا السياح يصورون اجتماعات اصحاب القمصان الحمر وهذا قبل لا يغقلون الاسواق والمجمعات https://www.travelzad.com/photo/files/353132.jpg https://www.travelzad.com/photo/files/353133.jpg امبي كي المجمع الشهير وطوكيو الملاصق له https://www.travelzad.com/photo/files/353134.jpg https://www.travelzad.com/photo/files/353135.jpg https://www.travelzad.com/photo/files/353136.jpg وفي الليل رحت لسوق باتونام وهو ما يسمى سوق الليل وارخص سوق في بانكوك لكن للاسف اصحاب القمصان صكوه غصب ومن يومها بداو في اغلاق السوق ورجعت للفندق وسمعت ان في اطلاق نار صار في منطقه باتونام طبعا بانكوك بدون سوق يعني ملل في ملل طلعت حجزت لي تكسي من باجر الصبح للذهاب الى بتايا الجزء الثالث بتايا بعد سماع الاحداث من خلال التلفزيون قررت اني اروح بتايا خصوصا اني حاجز اربع ليالي في بانكوك وكنت ناوي امدد لكن غيرت راي باخر لحظه ويوم الجمعه عندي موعد مع الدكتور واليوم الاثنين ولافي اسواق ومنطقه نانا ما احبها ولااحب زحمتها طلعت برا من اجل الاتفاق مع تكسي للذهاب الى بتايا ويا كثرهم التكاسي هناك لقيت لي واحد شايب ولحيه غانمه واتفقت وياه على 1000 بات على ان يمرني الساعه التاسعه والنصف صباحا رحت للشقه وضبطت الشنطه للاستعداد للرحيل الى بتايا وصحيت الساعه الثامنه بالتمام وبعد الدوش والفطور كانت الساعه 9 وصل التكسي واتصل فيني وعلى طول نزلت وسويت جك اوت وركبنا السياره والمسافه تقريبا ساعه ونصف الى بتايا على الطريق السريع الجديد قبل كان تقريبا 4 ساعات ونمر على قرى واشارات السايق مثل ماقلت كبير بالسن شوي تقريبا فيه 50 سنه غريب وعجيب مصدق نفسه كانه مسافر ماخذ وياه ثلاث بطول واحد ماء والثاني ماء لكن فيه صوره للعقل يمكن للانتباه والثاث فيتامين اول مره اشوف فيتامين بالكبر هذا والفيتامين مشروب منتشر في تايلند والان في الخليج وهو مشروب مسهر ويعطي طاقه ولونه بني وطبعا معاه اكل ما ادري شنو بالضبط انا ركب ورا وخليته يسوق لان سياراتهم سكانهم او مقودهم على اليمين ويسبب لي عصبيه وطبعا شغلت الايبود على حلقات درب الرزلق واتابع السايق كل خمس دقايق يشرب شي وياكل شي اخر ويمسح وجهه بالفوطه وياكثر ما ياكل ويشرب ولا ادري اللي ياكله وين يروح ماشاء الله خزنه مو بطن وفيهم ولاء غريب وعجيب لملك تايلند اذا شافوا صورته في الشارع لازم يحيونه على طريقه الاسيوين او اذا شافوا بوذا مالهم لازم يحييونه مرينا تقريبا على ثلاث محطات للضرايب في الطريق واسعارهم تتراوح مابين 20 الى 70 بات وكل محطه يوجد عندها قوه عسكريه ومدرعات وصلنا بتايا بعد ساعه ونصف وعلى طول رحت لفندق غرانت اللي وصاني عليه بو فيصل الفندق ماعجبني خصوصا الغرف منتهيه الصلاحيه وغاليه بنفس الوقت طلب مني 1000 بات لليله وانا مستخسر فيه 10 بات رحت الى فندق ثاني هم بو فيصل وصاني عليه لكنه ما عجبني لانه يحتاج الى شله على الاقل 4 اشخاص يسكنون فيه قررت اني اسكن في فندق نوفا وهو جديد https://www.travelzad.com/photo/files/352739.jpg وللعلم الفندق هذا بنفس عنوان فندق اودي بولنغ القديم وفندق جولف فندق رائع اخذت الغرفه 1400 بات مع الفطور يمتاز باللوبي الرائع على حمام السباحه والنت فيه مجاني وسريع جدا واهم شي نظيف جدا واول محطه افتح التلفزيون عليها طلعت القناه الاولى السعوديه وكانوا ناقلين صلاه العصر من الحرم الشريف https://www.travelzad.com/photo/files/352740.jpg https://www.travelzad.com/photo/files/352741.jpg https://www.travelzad.com/photo/files/352742.jpg https://www.travelzad.com/photo/files/352743.jpg https://www.travelzad.com/photo/files/352744.jpg https://www.travelzad.com/photo/files/352745.jpg لجزء الرابع والاخير واسف جدا المشاغل كثيره خلتني ابتعد عن تكمله التقرير بعد ما وصلت للفندق وهو رائع والخدمه رائعه قررت اني اكتشف او اعيد اكتاشف بتايا الجميله اخر مره رحت لها كان في 1991 اي بعد تحرير الكويت فاكيد تغيرت علي وبالفعل بتايا اصبحت كبيره جدا وفيها مجمعات وفنادق بكل مكان وايضا بتايا الجديده هي منطقه تكثر فيها الفنادق والشقق وهي تصلح لمجموعه او عايله كبيره مو حق واحد بروحه اخذت الوانيت وهي الوسيله المتعارف عليها في بتايا تكسي بتايا ويوجد ايضا سياكل دبابات للتاجير او لمشوار ب 10 الى 20 بات داخل الوانيت وهو بالمناسبه منتشر بشكل كبير وفيه جرس اذا وصلت للمكان اللي تبيه تدقه ويتوقف وسعره من 10 الى 20 بات https://www.travelzad.com/photo/files/351561.jpg ابتعدنا عن الفندق https://www.travelzad.com/photo/files/351562.jpg https://www.travelzad.com/photo/files/351563.jpg https://www.travelzad.com/photo/files/351564.jpg https://www.travelzad.com/photo/files/351565.jpg مطعم زهره الخليج اشهر من نار على علم وبوقتها كان مطعم بو عبدالله المشهور مغلق لمشكله ماعرفتها لكنه راح يفتح واحد جديد بالقرب من فندق في سي https://www.travelzad.com/photo/files/351566.jpg https://www.travelzad.com/photo/files/351567.jpg على اليسار فندق في سي المشهور https://www.travelzad.com/photo/files/351568.jpg https://www.travelzad.com/photo/files/351569.jpg هذا الوانيت اللي قلت لكم عنه ونفس اللي راكبه https://www.travelzad.com/photo/files/351570.jpg وهني صافين ينطرون خروج الطلاب من المدرسه https://www.travelzad.com/photo/files/351571.jpg ابتعدنا شوي عن زحمه بتايا https://www.travelzad.com/photo/files/351572.jpg منظر عادي جدا في بتايا السياح من كل انحاء العالم https://www.travelzad.com/photo/files/351573.jpg https://www.travelzad.com/photo/files/351574.jpg https://www.travelzad.com/photo/files/351575.jpg انا ركبت وخليت التكسي او الوانيت يمشي وليمن وصلت للمجمع هذا وقفت ونزلت https://www.travelzad.com/photo/files/478425.jpg https://www.travelzad.com/photo/files/478426.jpg عند المدخل مساج بالاسماك https://www.travelzad.com/photo/files/478427.jpg مجمع رهيب وكبير جدا https://www.travelzad.com/photo/files/478428.jpg https://www.travelzad.com/photo/files/478429.jpg https://www.travelzad.com/photo/files/478430.jpg https://www.travelzad.com/photo/files/351576.jpg |
رد: Bangkok Pattaya April 2010
لسلام عليكم ورحمة الله وبركاته
نتابع الجزء الرابع والاخير طبعا صوره من المجمع وهو يطل على البحر الجميل https://www.travelzad.com/photo/files/350740.jpg https://www.travelzad.com/photo/files/350741.jpg https://www.travelzad.com/photo/files/350742.jpg بعد ما نزلت من المجمع على البحر والشاطيء الجميل دورت لي احد المظلات وجلست فيها https://www.travelzad.com/photo/files/350743.jpg وبمجرد ان تجلس يبداون الباعه بالمرور عليك واشكال وارناق ما تتوقع شنو يعرض عليك في هذا المكان على سبيل المثال مساج على البحر واحد عنده اقفاص فيها طيور ويقوللي طيرهم وتمنى امنيه ماكولات ومشروبات ومشغولات يدويه والعاب سحريه وبلاوي لكن انا كنت انتظر شي معروف على البيتش لكنه تاخر شوي هالمره مو عادتهم https://www.travelzad.com/photo/files/350744.jpg عمليه فتح القباقب او الكبوريا https://www.travelzad.com/photo/files/478146.jpg التحضرات النهائيه https://www.travelzad.com/photo/files/350745.jpg قباقب وربيان تفضلوا https://www.travelzad.com/photo/files/350746.jpg https://www.travelzad.com/photo/files/350747.jpg قبل الهجوم https://www.travelzad.com/photo/files/350748.jpg بعد الغدا الخفيف اخذت لي وانيت لان الشمس كانت حارقه وبعض الصور https://www.travelzad.com/photo/files/350749.jpg الولكنج ستريت او شارع الممشى او شارع جهنم كمايسمى بالليل يختلف كليا ولاانصح بزيارته ابدا https://www.travelzad.com/photo/files/350750.jpg https://www.travelzad.com/photo/files/350751.jpg اخر يوم لي في بتايا وفي بانكوك في التحديد اتفقت مع تكسي يوديني الى المستشفى الامريكي من اجل المراجعه وقبلها مريت على صاحبي ووضعت اغراضي عنده ورحت للمستشفى والحمدلله كانت النتيجه مطمئنه وعاديه جدا وخلاني استمر على علاجي واخذت لي ادويه زياده لكن من الصيدليه اللي في نانا لانها اقل بنصف السعر تقريبا ورحت للمطار الساعه الخامسه بعدما كنسل صاحبي ردته واجلها اسبوع دخلت الشنط وكانت هناك مفاجاه من العيار الثقيل الشنط راح توصل الكويت ولافي امل اني اخذها في كولمبو اللي راح ابات فيها ليله دبرت نفسي ولله الحمد وركبنا الطياره الجزء القادم جزء كولومبو وهو قصير جدا |
رد: Bangkok Pattaya April 2010
ركبنا الطياره من مطار بانكوك وكانت الطياره مليانه للاخر ورحله سريعه تقريبا 4 ساعات ماحسيت فيها وصلنا الى مطار كولمبو مطار صغير لكنه مرتب سالت عن مكتب الترانزيت علشان اخذ الفويشتر قالولي بعد ماتطلع من الجوازات تحصله على اليمين وبالفعل ختمت الجواز بصوره سريعه جدا وبدون فيزا ولا صور ولااي شي وكان تعاملهم جدا رائع طلعت للمكتب وكان في وياي ثلاث هنود اخذوا بياناتي وقالولي انتظر الباص وفعلا اخذت لي لفه على المكاتب اللي هناك وهم اربعه مكاتب وشغالين ليل نهار ركبنا الباص وقاللي اي فندق عطيته الورقه وقال هذا فندق ممتاز حتى الهنود اللي وياي كانوا زعلانين ليش انا بالذات في هذا الفندق لوحدي بيني وبينكم استانست قلت الفندق يبي يطلع شي وشويات ( اي هين ) وصلت للفندق وعطوني مفتاح الغرفه لان ماعندي عفش مثل ماقلت لكم مجرد شنطه اللاب توب وفيها ملابسي ليوم السفر فقط وصلت الغرفه واول مافتحت النور ولا مفاجاه من العيار الثقيل هجوم كاسح ولا هجوم المنتخب الاسباني من قبل الناموس اللي شكله صارله اسبوع ماشاف انسان على طول سكرت النور وطلعت بره وتذكرت اختي الخواطر ونصيحتها لي الله يجزاها الخير في استعمال رشاش خاص للنامس والحمدلله اني ماخذ حسابي وشاريه من بتايا ب 30 بات والله ان سعره في هذه الليله يسوى الف بات https://www.travelzad.com/photo/files/347971.jpg هذا هو الرشاش الخاص رشيت منه ودخلت الغرفه بنشوه المنتصر وكان الهجوم فتاك لكنهم من يوصلون للجلد يهربون على طول نشوف الغرفه واللي حاسديني عليه الهنود :4: المدخل https://www.travelzad.com/photo/files/347972.jpg الغرفه https://www.travelzad.com/photo/files/347973.jpg https://www.travelzad.com/photo/files/347974.jpg ياروحي يالميني بار خخخخخخخخ https://www.travelzad.com/photo/files/347975.jpg هذا يسمونه دولاب او كبت بلهجتنا https://www.travelzad.com/photo/files/347976.jpg وانتو بكرامه الحمام واحسن ما فيه الشور بوكس https://www.travelzad.com/photo/files/347977.jpg https://www.travelzad.com/photo/files/347978.jpg https://www.travelzad.com/photo/files/347979.jpg وهذا جهازهم للناموس لكنه مايسوي شي https://www.travelzad.com/photo/files/347980.jpg https://www.travelzad.com/photo/files/347981.jpg ياعيني مروحه بنكه بلهجتنا خخخخخخخ https://www.travelzad.com/photo/files/347982.jpg https://www.travelzad.com/photo/files/347983.jpg https://www.travelzad.com/photo/files/347984.jpg منظر ليلي ولاني داري شنو وراه https://www.travelzad.com/photo/files/347985.jpg هذا اسم المنتجع مثل مايقولون https://www.travelzad.com/photo/files/347986.jpg الحقيقه من التعب ماحسيت بنفسي نمت على طول وصحيت الصبح على صوت الغربان اللي تزعج ونزلت على اللوبي والفطور على البحر مكان رائع وفطور رائع واحلى شي الشاي اللذيذ اكيد سيلاني https://www.travelzad.com/photo/files/347987.jpg https://www.travelzad.com/photo/files/347988.jpg https://www.travelzad.com/photo/files/347989.jpg https://www.travelzad.com/photo/files/347990.jpg https://www.travelzad.com/photo/files/347991.jpg هني كان الفطور وحاطين شبك حمايه من الطيور وخصوصا الغربان https://www.travelzad.com/photo/files/347992.jpg https://www.travelzad.com/photo/files/347993.jpg وعلى البيتش https://www.travelzad.com/photo/files/347994.jpg https://www.travelzad.com/photo/files/347995.jpg https://www.travelzad.com/photo/files/478150.jpg https://www.travelzad.com/photo/files/347996.jpg https://www.travelzad.com/photo/files/347997.jpg https://www.travelzad.com/photo/files/347998.jpg https://www.travelzad.com/photo/files/347999.jpg https://www.travelzad.com/photo/files/348000.jpg خلصت فطور وتصوير رحت للغرفه البس ولا في مفاجاه لازم حزام طلعت رحت ادور لي حزام لقيت محلات مقابل الفندق شريت لي حزام جلد ما ادري شلون صاير وبعد شريتلي شاي اخضر واسود وابيض وهذا الابيض غالي جدا لكني حصلته بسعر مناسب لبست وسلمت الغرفه والباص ينظرني وعلى طول للمطار ختمت الجواز بس لازم اعبي فورمه عبيتها وهي سهله جدا وباقي ساعه للطياره تسوقت شوي وطبعا الشاي اهم شي في سيلان ركبنا الطياره وعلى طول دبي ساعه ترانزيت وبعد وصلنا الكويت ارجوا السموحه لاني طولت في التقرير اكثر من اللازم ولا هو عنصر تشويق ولاشي لكن الانشغال هو سيد الموقف |
| الساعة الآن 04:39 AM |
Powered by vBulletin™ Version 3.8.7
Copyright © 2012 vBulletin ,
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd. Runs best on HiVelocity Hosting.