رحلة الى الاقصر واسوان

[السعيد]

رحلة الى الاقصر واسوان

السلام عليكم ورحمة الله وبركاتة
الموضوع دة والمواضيع اللتى تلية بنفس الاسم لكن على اجزاء ربما تكون اربعة او خمسة هى تفاصيل رحلة قمت بها عائليا الى الاقصر واسوان فى الفترة
من الجمعة 3-10-2014 الى الجمعة 10-10-2014وكانت فى العيد الكبير

و انا هحاول اشرح الموضوع بكل الجوانب باختصار ووضوح عشان تكون مرجع لاى حد يحب يروح يتفسح فى الاقصر واسوان

يعنى مثلا اية افضل الاماكن للزيارة
ومواعيد الزيارة
والاسعار
والفنادق وتكلفتها
والطريق ووصفة
وتحذيرات ونصائح عامة

فى البداية دى كانت رحلة عائلية بسيارتى دايو لانوس .......كنت انا وزوجتى وابنى عمر 9 شهور وبنتى ملك سنتين

والرحلة لم تكن تابعة لشركة سياحية او برنامج محدد سلفا
لكن نقدر نقول انها رحلة حرة

طلعت من البيت يوم 3-10-2014 الساعة 10 صباحا من العاشر من رمضان واخدت الطريق الدائرى الاقليمى

http://i1357.photobucket.com/albums/q757/zarifsasa/DSCN0091Copy_zpsa733fe2b.jpg

ونزلت منة على طريق الكريمات بتاع الصعيد
او طريق الجيش زى ما بيقولو
ووصلت بنى سويف ودخلت فولت بنزين وعملت رست لمدة ساعة وبعدين رجعت تانى طريق الجيش وفضلت علية لحد ما وصلت اسيوط وهناك بردو عملت رست لمدة ساعة

http://i1357.photobucket.com/albums/q757/zarifsasa/DSCF7392Copy_zpsf8990e7c.jpg

http://i1357.photobucket.com/albums/q757/zarifsasa/DSCF7375Copy_zpsfde70c79.jpg

http://i1357.photobucket.com/albums/q757/zarifsasa/DSCF7388Copy_zps1f79335f.jpg


الطريق ممتاز فردتين رايح جاى كل فردة منهم 3 حارات والسرعة القصوى الرسمية 120 كم
بس تقريبا مفيش علية خدمات
بنزينة عند الكارتة وبنزينة تانية عند الكارتة اللى فى اسيوط
وشبكة المحمول موجودة فى اماكن واماكن لا

بعد اسيوط الطريق بيبقى فردة واحدة رايح جاى بس واسعة ومعقولة جدا وكثافة السيارات عليها قليلة

من بعد اسيوط الطريق متعرج لمسافة 40 كيلو فحاول تسوق بسرعة متوسطة فى المنطقة دى


http://i1357.photobucket.com/albums/q757/zarifsasa/DSCF7292Copy_zpsfd54c684.jpg



وهتلاقى بعض الكافتريات على اليمين واليسار
3 كافتريات من بعد ما تطلع من الكارتة بتاعة اسيوط لسوهاج
وبعد 80 كيلو تقريبا فى 2 كافتريا وبنزينة اسمها النيل
بس غالبا مش هتلاقى فيها بنزين

فانت اعمل حسابك انك تفول التنك للزور فى البنزينة اللى بعد كارتة اسيوط لان التفويلة دى هيا اللى هتوصلك الاقصر

هتعدى من برة على سوهاج وتاخد الصينية شمال وبعد حوالى 90 كيلو تانيين هتلاقى صينية كبيرة بردو هتاخدها يمين وبعدها بحوالى 100 كيلو هتلاقى
نفسك داخل يمين اجبارى الى قنا

هتاخد اليوترن بعد 500 متر وهترجع تانى وتدخل يمين من جنب الكمين ومن بعد الكمين بيبقى تقريبا فاضل 60 او 70 كيلو على الاقصر

بصفة عامة انت مش محتاج تسأل اى حد لو التزمت وركزت مع اليفط الارشادية اللى على الطريق من بدايتة لنهايتة هترشدك من القاهرة للاقصر بدون اى مشاكل

ودى صورة خط السير اللى انا مشيت علية والخط الازرق الرفيع هو دة الطريق اللى انا مشيت علية ومحدد على الصور مكان الانطلاق ومكان الوصول

http://i1357.photobucket.com/albums/q757/zarifsasa/1_zpsfff8bbfa.jpg
http://i1357.photobucket.com/albums/q757/zarifsasa/2_zpsee10bc8d.jpg


بعد ما تدخل الاقصر طبعا محتاج فندق او شقة مفروشة

بالنسبة ليا الاختيار كان فندق وكتير منهم موجود فى وسط البلد وفى شارع التليفزيون

وبعد بحث ومشاهدة اكتر من فندق طلعت بالنتيجة دى:
الفنادق فى الاقصر متقسمة لاربع مستويات

1 - المستوى الشعبى ودى سعر الغرفة 2 سرير بيترواح من 35 الى 70ج وبتكون حاجة بسيطة خالص عبارة عن غرفة بها 2 سرير + 2كرسى + دولاب + مروحة سقف

2 - المستوى المتوسط ودى بتكون معقولة جدا وسعرها بيتراوح ما بين 90 الى 150ج وفيها كل اساسيات الخدمة الفندقية يعنى بتكون غرفة 2 سرير + 2 كرسى + دولاب +تكييف
+ مينى بار + 2كومودينو + ترابيزة + تليفون الروم سيرفيس + + تليفزيون بدش مركزى او بوصلة دش متعددة القنوات

بس دايما بيكون فيها ملاحظة بسيطة يعنى مثلا ممكن تلاقى كل حاجة تمام وزى الفل بس الاسانسير مثلا مش شغال
او الاسانسير بيطلع ومينزلش
او البانيو بتاع الحمام صغير شوية

يعنى بتبقى ملاحظات بسيطة لكن غير كدة كل حاجة بتبقى تمام

3 - المستوى فوق المتوسط ودى اسعارها بتتراوح من 180 الى 300ج وبتقدم الخدمة الفندقية على اكمل وجة وبتكون هاف بورد او فول بورد ودى اللى بتتصنف كفنادق 3 او4 نجوم

4 - المستوى الرابع ودى بتبقى الفنادق العالمية ودى طبعا مش محتاجة شرح

وصلت الاقصر الساعة 10 باللليل
يعنى الطريق اخد منى 12 ساعة
المسافة الفعلية المقطوعة 912 كيلو متر من باب البيت لباب الفندق

طبعا اول يوم بيخلص فى السفر والحجز وتبدا من تانى يوم الرحلة بتاعتك

بالنسبة للاقصر الاماكن اللى تستحق الزيارة هيا

1 - معبد الاقصر موجود فى وسط البلد فى البر الشرقى فى ميدان ابو الحجاج ويعمل من 7 صباحا الى 8 او 9 مساء وسعر تذكرة الدخول 3 ج

2 - معبد الكرنك موجود على بعد حوالى 3 كيلو من معبد الاقصر ويعمل فترتين الاولى من 8 صباحا الى 4 عصرا والتانية اللى هيا عروض الصوت والضوء من 7 الى 10 مساء وعرض اللغة العربية
بيكون يوم الخميس تذكرة الصوت والضوء للمصريين ب 20ج والتكرة العادية بتاعة بالنهار 4ج

3 - متحف التحنيط ودى على بعد 500 متر من معبد الاقصر (ميدان ابو الحجاج) على كورنيش النيل ويعمل من 9 صباحا الى 1 ظهرا وسعر التذكرة 4ج

4 - متحف الاقصر ودة على بعد حوالى كيلو من معبد الاقصر (ميدان ابو الحجاج) على كورنيش النيل ويعمل من 9 صباحا الى 1 ظهرا وسعر التذكرة 10ج

كدة يبقى انت تقريبا خلصت الاثار اللى فى البر الشرقى ميفضلش غير طريق الكباش اللى اولة موجود فى معبد الاقصر والمفروض ان نهايتة فى معبد الكرنك بس هما لسة شغالين علية

يتفضل عندك الاثار اللى فى البر الغربى وهيا

وادى الملوك
وادى الملكات
معبد هابو
معبد الرامسيوم
تمثال ممنون
حتسبشوت

بس التفاصيل بتاعتهم هتكون فى الجزء التانى مش فى الموضوع دة




اول ما بتوصل المعبد هتلاقى قدام منة باركن كبير للعربيات وبعدين تقطع تذكرة ب3ج وبعدين هتلاقى قاعة ضخمة هتدخل منها هتلاقى فى منتصفها ماكيت صغير لمعبد الكرنك بالكامل
وعلى الاجناب صور للمعبد قديما ولاعمال الترميم اللى اتعملت لة ولبعض الاليات اللى شاركت فى الترميم ودى صورة للماكيت وفيديو للقاعة

http://i1357.photobucket.com/albums/q757/zarifsasa/DSCF6980Copy_zps42c2c806.jpg

بتخرج من الناحية التانية هتلاقى مساحة فاضية هتمشى فيها لحد ما توصل معبد الكرنك

http://i1357.photobucket.com/albums/q757/zarifsasa/DSCF6981Copy_zps6a2e58a2.jpg


الصورتين اللى جايين تحت بعض بالترتيب
الاولى لواجهة المعبد التقطت فى اوائل القرن العشرين
التانية صورة لنفس الواجهة حاليا
بعدها ملف فيديو لنفس الواجهة


http://i1357.photobucket.com/albums/q757/zarifsasa/karnkserh1encien_zps620c6539.jpg

http://i1357.photobucket.com/albums/q757/zarifsasa/DSCF6986Copy_zpsddcc2515.jpg



بعدها بتدخل على بهو طهرقا واللى منة المدخل بتاع قاعة امون

والصور التالية بالترتيب كالتالى
الصورة الاولى لمدخل قاعة امون التقطت سنة 1878
الصورة التانية لنفس المدخل التقطت فى اوائل القرن العشرين
الصورة التالتة التقطت فى خمسينيات القرن القرن الماضى
الصورة اللى تحتها دى الوقت الحالى
الفيديو اللى تحتها لبهو.طهرقا اللى هو يعتبر ضهر واجهة المعبد وفيه مدخل قاعة امون

http://i1357.photobucket.com/albums/q757/zarifsasa/karnak1878-rs_zpsc79f1c66.jpg

http://i1357.photobucket.com/albums/q757/zarifsasa/Karnakxxx-rs_zps0f2efee2.jpg

http://i1357.photobucket.com/albums/q757/zarifsasa/amun_karnak_zps6156b571.jpg

http://i1357.photobucket.com/albums/q757/zarifsasa/DSCF7014Copy_zpsb8023e68.jpg

[السعيد]

بعد كدة بتدخل قاعة امون اللى هيا تعتبر اكبر قاعة اعمدة فى العالم

والصور التالية دى مجموعة صور متفرقة لقاعة امون وتحتها ملفين فيديو

http://i1357.photobucket.com/albums/q757/zarifsasa/DSCF7045Copy_zps4fa43832.jpg

http://i1357.photobucket.com/albums/q757/zarifsasa/DSCF7044Copy_zps67a8e53f.jpg

http://i1357.photobucket.com/albums/q757/zarifsasa/DSCF7134Copy_zps1d358ede.jpg

http://i1357.photobucket.com/albums/q757/zarifsasa/DSCF7052Copy_zps32a9f8a5.jpg

http://i1357.photobucket.com/albums/q757/zarifsasa/DSCF7061Copy_zps4b6229dd.jpg




بتخرج من قاعة امون الى معبد رمسيس التالت

http://i1357.photobucket.com/albums/q757/zarifsasa/DSCF7035Copy_zps180682e8.jpg





الصورتين التاليتين
اول صورة لتماثيل فى الصرح السابع التقطت فى اوائل القرن العشرين
والصورة اللى تحتها لنفس التماثيل وتقريبا من نفس الزاوية التقطت ليا

http://i1357.photobucket.com/albums/q757/zarifsasa/6350648063106290642062F064A0645062906390646062F064 506390628062F0627064406430631064606430641064A06270 64406230642063506310_zpsa3097093.jpg

http://i1357.photobucket.com/albums/q757/zarifsasa/DSCF7082Copy_zps2d837bef.jpg





بعد كدة بتخرج على مقصورة المركب المقدسة اللى فيها قدس الاقداس وهتلاقى قبلها المسلات وبعد كدة بتدخل يمين على مسلة حتسبشوت الراقدة وبعد كدة بتدخل شمال على البحيرة المقدسة

http://i1357.photobucket.com/albums/q757/zarifsasa/DSCF7073Copy_zpsb7ffdd26.jpg

http://i1357.photobucket.com/albums/q757/zarifsasa/DSCF7103Copy_zpsd7840931.jpg

http://i1357.photobucket.com/albums/q757/zarifsasa/DSCF7078Copy_zpsd8b03441.jpg

http://i1357.photobucket.com/albums/q757/zarifsasa/DSCF7121Copy_zps454cd8f2.jpg

http://i1357.photobucket.com/albums/q757/zarifsasa/DSCF7123Copy_zps35a934f2.jpg

http://i1357.photobucket.com/albums/q757/zarifsasa/9709992Copy_zpsd12ecc98.jpg

http://i1357.photobucket.com/albums/q757/zarifsasa/DSCF7112Copy_zps7979952d.jpg



وبكدة يبقى خلصنا معبد الكرنك
يتفضل عندك عرض الصوت والضوء وهو حاجة جميلة جدا وساحرة لكن لازم تاخد بالك ان العرض باللغة العربية بيكون يوم الخميس فقط الساعة 7او 8 على ما اذكر

دة كدة نهاية الجزء الاول لان مينفعش اعمل الرحلة كلها فى موضوع واحد لان عدد الصور اللى صورتها فى الرحلة 2036 صورة وعدد مقاطع الفيديو 84 مقطع فطبيعى انى اقسم الرحلة على اجزاء

اللى اللقاء فى الجزء التانى

[السعيد]

لملوك وهو عبارة عن وادى او منطقة ممرات اختارها ملوك الفراعنة لدفن انفسهم فيها فى مقابر تحت مستوى سطح الارض فى باطن الجبل



طريق الوصول لية سهل لو انت معاك العربية هتاخد كوبرى الاقصر اللى على النيل وتعدى علية طوالى وفى نهايتة هتلاقى اتجاة اجبارى يمين ويسار
هتاخد اليمين وتفضل ماشى علطول مسافة حوالى 8 او 10 كيلو لحد ما تلاقى كمين نقطة شرطة القرنة هتخش شمال فى الشارع الواسع وهتمشى بتاع كيلو ونص لحد ما توصل التقاطع اللى بيسموة
التفتيش ودة فية شبابيك لقطع التذاكر بتاعة معبد الرامسيوم ومدينة هابو

هتاخد يمين لحد ما توصل الصينية وتاخد الصينية شمال فى الطريق المتعرج لحد ما تلاقى نفسك فى الباركن بتاع وادى الملوك ودى خريطة الطريق

http://i1357.photobucket.com/albums/q757/zarifsasa/untitled_zps28d3f815.jpg


الطريق كلة بياخد اقل من نص ساعة .............ووصلت عند الطريق المتعرج اللى بيدخلك على وادى الملوك

http://i1357.photobucket.com/albums/q757/zarifsasa/DSCF5629Copy_zps4b4e4f40.jpg


وصلت الباركن وركنت العربية

http://i1357.photobucket.com/albums/q757/zarifsasa/DSCF5648Copy_zps1ab0c70d.jpg


ودخلت على الصالة الرئيسة

http://i1357.photobucket.com/albums/q757/zarifsasa/DSCF5657Copy_zps1e3dac20.jpg


ولقيت فى نصها ماكيت معمول لوادى الملوك بالكامل

http://i1357.photobucket.com/albums/q757/zarifsasa/DSCF5650Copy_zps7f3d9df4.jpg


عشان تفهم الماكيت دة انا هشرحهولك
الخطوط السوداء التخينة والرفيعة دى الممرات بتاعة وادى الملوك
والنقط السودا دى مداخل المقابر
والجزء الشفاف العالى والواطى دى تضاريس الجبل والوادى اللى احنا فية

وعشان تفهمها اكتر انا هحط لك صورة من مكان عالى عشان تستوعب وهتلاقى فيها الممرات اللى بنمشى فيها ومداخل المقابر

http://i1357.photobucket.com/albums/q757/zarifsasa/Feb09_11_zps61c5f160.jpeg



نيجى بقة لصورة الماكيت من تحت

http://i1357.photobucket.com/albums/q757/zarifsasa/DSCF5651Copy_zps02758597.jpg


وبردو عشان تفهمة
الحاجات اللى نازلة منة لتحت زى ما تكون مواسير مربعة ولكنها متعرجة هيا فى الحقيقة المقابر

وعشان تبقى متخيل النسبة والتناسب فى الماكيت هقولك ان المواسير المربعة اللى انت شايفها دى احنا بنمشى فيها وارتفاعها تقريبا 3 متر وعرضها حوالى مترين الى مترين ونص
عشان تبقى متخيل حجمها
والفراغ اللى حواليها دة هو باطن الجبل وهو مصمت طبعا لكن الماكيت سايبة فراغ عشان تشوف تصميم كل المقابر

يعنى من الاخر الماكيت من تحت عبارة عن صورة لبطن الجبل


بتطلع من الصالة بتلاقى طفطف بتقطع لة تذكرة ب 2ج بياخدك من عند الصالة الرئيسية يوديك عند مكان قطع التذاكر

والصورة اللى جاية صورة الطفطف
والفيديو اللى بعدها تصوير المسافة ما بين الصالة الرئيسية ومكان قطع التذاكر

http://i1357.photobucket.com/albums/q757/zarifsasa/DSCF5659Copy_zpsb862ef67.jpg




وادى الملوك فية 63 مقبرة لكن مش هتلاقيهم كلهم مفتوحين
ممكن تلاقى 12 او 15 او 20 انت وحظك وطبعا فيهم مقبرة توت عنخ امون اللى اكتشفت فى اوائل القرن المنصرم
سعر التذكرة العادية 3ج وبتدخل بيها 3 مقابر وبعض المقابر ممكن تكون 4ج او 5ج للمقبرة الواحدة

ومقبرة توت عنخ امون غالية شوية على ما اذكر كانت 15 او 25 ج رغم ان كل محتوياتها اتنقلت الى المتحف المصرى بالتحرير

جدير بالذكر ان التصوير مسموح فقط فى الوادى وخارج المقابر لكن ممنوع داخل المقابر ولو تم ضبط كاميرا معاك هتتصادر واحتمال تدفع غرامة

الصور اللى انت هتشوفها فى الوادى متصورة عادى


لكن كل الصور اللى فى الموضوع اللى ملتقطة داخل المقابر تم التقاطها خلسة
لكن من باب المسؤلية انا قفلت الفلاش عشان مسببش ضرر للاثر التاريخى

ودى صورة ليا وانا بستعد لدخول احدى المقابر

http://i1357.photobucket.com/albums/q757/zarifsasa/DSCF5676Copy_zpsef9882fe.jpg


ودى صورة لتصميم المقبرة

http://i1357.photobucket.com/albums/q757/zarifsasa/DSC09603Copy_zps0ca4ca76.jpg


والحقيقة على المستوى الشخصى لما كنت بسمع ان احنا المصريين حضارة 7000 سنة كان الكلام بيعجبنى اكيد لكن عمرى ما شفت معناة او لمستة بايدى الا لما رحت وادى الملوك
وهحكيك دلوقتى يعنى اية احنا المصريين فراعنة وحضارتنا 7000 سنة

الاول قبل ما ننزل المقبرة لازم تبقى عارف ان احنا نازلين مقبرة عمقها قرابة 100 متر اى ما يعادل مبنى من 33 طابق بزاوية ميل سالب35 درجة
لحد ما نوصل لغرفة الدفن اللى هيا حكاية لوحدها

يلا ننزل

http://i1357.photobucket.com/albums/q757/zarifsasa/DSC09574Copy_zps37e9cb74.jpg


ودى صورة ليا بعد ما نزلت قرابة 30 متر اى ما يعادل 10 طوابق تقريبا
بزاوية ميل 35 درجة تقريبا بالسالب
وبنتى ملك على كتفى منبهرة وخلف منى سياح طالعين
وطاقة النور البعيدة اللى فى الصورة هيا مدخل المقبرة

http://i1357.photobucket.com/albums/q757/zarifsasa/DSC09577Copy_zps291c0b19.jpg


وبعد كدة صورتين من عمق قرابة 45 متر تقريبا

http://i1357.photobucket.com/albums/q757/zarifsasa/DSC09583Copy_zpsa98bc9b9.jpg


http://i1357.photobucket.com/albums/q757/zarifsasa/DSC09584Copy_zpsf6d0bcce.jpg


وهنا بقة هنقف شوية عشان ناخد نفسنا واقولك على بعض المعلومات

اولا المقابر دة منحوتة فى بطن جبل جيرى مش جبل صخرى وعمرها 7000 سنة اللى انا كنت بقولك عليهم

طيب انت ممكن تسأل واية الاعجاز فى كدة ؟؟

اقولك انا

بص يا سيدى
اولا الجبال الجيرية دى اضعف انواع الجبال عشان تحفر فيها نفق او كهف
ولو حصل وحفرت نفق او كهف فلازم تدعم الحوائط والجدران بدعائم خشبية او حديدية لمنع الانهيار بسبب الضغط الهائل للجبل على الفراغ اللى حصل بداخلة نتيجة الكهف او الممر
او النفق اللى انت حفرتة

الكلام دة بيتطبق على المناجم كلها بصفة عامة رغم ان المناجم على مستوى العالم بتكون فى الغالب فى جبال صخرية مش جيرية

ولعلك من وقت للتانى بتسمع عن انهيار منجم فى اى بقعة فى العالم على العمال بداخلة رغم انة بيكون فى جبال صخرية ومدعم من الداخل بدعائم خشبية او حديدية

طيب بالنسبة للشخص العادى ايةالفرق بين الجبل الجيرى والجبل الصخرى؟؟

الفرق ببساطة شديدة انك ممكن بميدالية المفاتيح بتاعتك تحفر وتكتب وتخدش وتلعب زى ما نت عايز فى الحجر الجيرى لضعفة

لكن الحجر الصخرى انت محتاج مطرقة قوية وضربة بكل قوتك على الصخرة اكتر من مرة لحد ما تعمل فية شرخ او تكسرة

انا بضرب لك المثلين دول عشان تعرف الفرق بين قوة الحجر الجيرى والصخرى

طيب واحد ممكن يسأل واية الاعجاز فى كدة ؟؟

اقولك الاعجاز ببساطة ان فية فجوة او ممر او كهف متمثل فى مقبرة فرعونية فى بطن جبل جيرى وما زالت صامدة بقالها 7000 سنة بدون اى دعائم خشبية او حديدة وبدون ما تنهار
علما بان اتخن كهف فى اى مكان فى العالم بيكون فى جبال صخرية وبيكون مدعم بدعائم حديدية او خشبية وبيكون معرض للانهيار فى ى وقت وفية مناجم كتير بتتقفل علشان بتكون
ظهرت عليها من الداخل علامات الانهيار

هتقولى طب ازاى الفراعنة عملوا كدة
هقلك لما يبقوا يعرفوا هما بنوا الاهرامات ازاى هيبقوا يعرفوا المقابر دى صامدة زاى

ونكمل طريقنا وننزل لتحت شوية

http://i1357.photobucket.com/albums/q757/zarifsasa/DSC09589Copy_zpscd6f80c4.jpg


http://i1357.photobucket.com/albums/q757/zarifsasa/DSC09597Copy_zps4a8d68ab.jpg


هنا برضوا هنقف شوية
عشان برضوا الصورتين اللى فاتوا فيهم اعجاز وحضارة 7000 سنة
وهقولك ازاى
بص الاول فى الصور وركز وتابع معايا

انا كنت بسمع عن مقابر الفراعنة وعن الرسومات والالون اللى متغيرتش بقالها 7000سنة لحد ما شفتها بعينى ووقفت اتاملها

وسألت نفسى بمنطق الشخص العادى او البسيط
هيا الالوان دى بتتكون من اية؟؟

اكيد طبعا من مواد كيماوية
طيب زى الفل
لو رحنا دلوقتى لاتخن واعظم شركة كيماويات بناء فى العالم وقلنا لها ان احنا عاوزين لون ندهنة على مبنى بس
الشركة دى تضمن لنا ان اللون مش هيتغير او يبهت او يتلف لمدة1000 سنة
بلاش نقولها 7000 سنة

يعنى الشركة تدى لنا ضمان 10 قرون على اللون ضد عوامل الطبيعة

يا ترى الشركة دى هيبقى ردها اية ؟؟

اكيد طبعا الرفض لغرابة واستحالة الطلب

طيب يا ترى نطلع من النتيجة دى باية !!!!!

اقولك انا وبمنطقى انا كشخص عادى ......... ....نطلع بنتيجة ان اعظم كيميائى مواد بناء فى العصر الحديث
اخرة يشتغل صبى عند الكيمائى الفرعونى او يعمل لة شاى وقهوة وينضف لة المعمل ....ههههههههه

وبمنطوق علمى ان الفراعنة وصلوا لدرجة فى علم الكيماويات على الاقل كيماويات البناء لسة لحد دلوقتى موصلناش ليها






http://i1357.photobucket.com/albums/q757/zarifsasa/DSC09605Copy_zps97bc2773.jpg

http://i1357.photobucket.com/albums/q757/zarifsasa/DSC09606Copy_zpsebf3e3d8.jpg


ووصلنا اخيرا لغرفة الدفن اللى هيا على عمق 100 متر اى ما يعادل مبنى من 33 طابق بزاوية ميل 35 درجة بالسالب تقريبا تحت سطح الارض فى بطن الجبل

http://i1357.photobucket.com/albums/q757/zarifsasa/DSC09611Copy_zpse6a5dbf3.jpg


http://i1357.photobucket.com/albums/q757/zarifsasa/DSC09596Copy_zps23fb48d8.jpg


http://i1357.photobucket.com/albums/q757/zarifsasa/DSC09594Copy_zps239fe3ee.jpg



عايزك بقة تتفرج على ال3 صور اللى فاتوا دول بتروى وبصبر عشان فيهم حكاية كبيرة قوى وشغلانة جامدة

اولا غرفة الدفن واسعة وفى نهاية المقبرة تحت والنقوش بتزين السقف زى ما انت شايف بالالوان اللى متغيرتش بقالها 7000 سنة وفية اعمدة شايلة السقف المقوس

خد عندك اول اعجاز فرعونى
السقف المقوس دة معروف علميا انة السقف الاكثر تحملا للضعوط لان الضعظ بيتوزع على كامل محيط السقف مش على نقطة واحدة
وتم استخدامة فى العصر الحالى وفى العصور السابقة فى بناء اكبر المبانى الهندسية لفاعليتة

واحد هيسال وفين الاعجاز بقة ؟؟

اقولك انا ان الاعجاز ان من 7000 سنة فى الوقت اللى فية شعوب بعض دول اوربا بتحصل على طعامها عن طريق مطاردة الحيوانات فى الغابات بالرماح الخشبية
كان الفراعنة وصلوا لمستوى فى علم الهندسة المعمارية اللى يخليهم يفهموا ان الشكل المقوس للسقف هو الاكثر تحملا للضغط الهائل من الجبل والذى قد يصل لبعض الاطنان على البوصة المربعة

مش بس كدة

ارجع تانى بص للـ3 صور
هتلاحظ ان فية اعمدة شايلة السقف
الاعمدة دى لم تبنى
يعنى مجابوش حجارة وصخر من برة وحطوها فوق بعضها وحشروها عشان تشيل السقف المقوس اللى بدورة متحمل الضغط الهائل للجبل

لا

الاعمدة دى منحوتة من قلب الجبل فى ذات نفس المكان
يعنى الفراعنة لما دخلوا ينحتوا غرفة الدفن فى بطن الجبل كانت عبارة عن كتلة صماء فقاموا بتفريغ المساحة حوالين مواقع الاعمدة عشان يبقى العمود منة فية وبعد كدة قاموا بنحت السقف بالشكل المقوس اللى انت شايفة

مش بس كدة

لا خد عندك اللى جاى

معروف انك كل ما تنزل لتحت وتقرب من مركز الكرة الارضية الحرارة بترتفع ودى مسلمات علمية مفروغ منها

مفيش الكلام دة

انا كنت واقف فى غرفة الدفن والجو جميل جدا ولطيف ومنعش

حالة واحدة بس ممكن تكون فيها المقبرة حر وهيا ان يكون فيها كثافة عالية للسياح فبفعل التنفس بتلاقى حرارة الجو بتزيد شوية

غير كدة الجو زى الفل

خليك ملاحظ ان انا بتكلم عن غرفة دفن على عمق 33 طابق تحت سطح الارض وبزاوية ميل 35 درجة بالسالب تقريبا

وقفت اتامل المقبرة وانا عمال اتخيل العمال والمهندسين الفراعنة وهما شغالين على قدم وساق فى المقبرة ومش عايز اطلع من المقبرة لكن الرغبة فى تغطية ورؤية بافى المقابر هيا اللى اجبرتنى انى اطلع من المقبرة
واضطريت استريح 3 مرات وانا طالع وخصوصا انى كنت شايل بنتى على كتفى

وطلعت من المقبرة

ودخلت غيرها

ودخلت غيرها

خلى بالك ان التذكرة ام 3ج بتدخلك 3 مقابر وانت داخل كل مقبرة الحارس بيخرمها خرم واحد ولما التذكرة تتخرم 3 مرات يبقى كدة انتهت

وانت ممكن تقطع تذاكر العدد اللى انت عايزة طالما فيك صحة تنزل وتطلع المقابر

خلى بالك برضوا من حاجة تانية ان انت غالبا ممكن تقضى اليوم كلة فى وادى الملوك فانت اعمل زى ما انا عملت .......خد معاك زجاجتين مياة وبعض البسكويت لان مفيش كافتريا هناك غير عند الباركن بتاع العربيات
وعشان تشترى زجاجة مية لازم ترجع للمكان اللى ركنت فية العربية يعنى على بعد حوالى كيلو

دى حاجة

الحاجة التانية انك حاول متشيلش اى حاجة فى ايدك لان نزول المقابر والطلوع منها هيرهقك وحطها فى شنطة على ضهرك

وكملنا المسيرة فى المقابر نزولا وطلوعا

لحد انتصاف اليوم
وكنا تعبنا
قعدنا على السور المجاور للاستراحة لالتقاط الانفاس جنب مقبرة تحتمس الثالث اصعب المقابر فى الدخول
وسالت بنتى ملك تطلعى مع بابا ولا تستنى مع ماما
لقيتها محتارة ومش عارفة تاخد قرار
تطلع معايا
ولا تلعب بالتذاكر اللى فى ايديها

http://i1357.photobucket.com/albums/q757/zarifsasa/DSCF5693Copy_zps0addfdce.jpg


قلتلها طيب على ما تاخدى قرار تعالى نقعد فى الاستراحة شوية
يدوب قعدنا ناخد نفسنا ومفيش دقيقتين ولقيتها دخلت فى نوم عميق

http://i1357.photobucket.com/albums/q757/zarifsasa/DSCF5673Copy_zps923f96ee.jpg


راجعت التذاكر اللى معايا كلهم ودورت على تذكرة لسة فيها خرم واحد
عشان ادخل بية مقبرة تحتمس الثالث اللى هي غريبة شوية فى دخلتها لانها الوحيدة اللى مدخلها مرتفع عن سطح الارض

http://i1357.photobucket.com/albums/q757/zarifsasa/DSCF5697Copy_zpsf7f3702f.jpg


لقيت تذكرة لسة فيها مقبرة خدتها وطلعت على مقبرة تحتمس الثالث
اللى احنا عشان نوصلها لازم نطلع لها بسلم حديدى

http://i1357.photobucket.com/albums/q757/zarifsasa/DSCF5704Copy_zps577e8ff2.jpg


http://i1357.photobucket.com/albums/q757/zarifsasa/DSCF5705Copy_zps85f27d41.jpg


http://i1357.photobucket.com/albums/q757/zarifsasa/DSCF5698Copy_zps79e8c505.jpg


بس للاسف الشديد لقيتها مقفولة
فجبت الصورتين دول من النت للمقبرة
http://i1357.photobucket.com/albums/q757/zarifsasa/tutht4a_zps5113ab6d.jpg

http://i1357.photobucket.com/albums/q757/zarifsasa/250px-Tuth-grab1_zpse892406a.jpg


بكدة ابقى خلصت الجزء التانى من الرحلة

ونلتقى فى الجزء التالت

[السعيد]

ونبدا الجزء التالت وهو زيارة لمعبد الاقصر اللى فى قلب مدينة الاقصر فى البر الشرقى






مبدئيا المعبد موجود فى وسط البلد يعنى مش محتاج مواصلات وتذكرة دخولة على ما اذكر كانت 3ج
ومواعيدة من 8 صباحا الى 9 مساء

والصور اللى جاية بالترتيب كتالى

الاولى صورة تخيليلة من اعلى للمعبد وقت بناءة ايام الفراعنة
التانية صورة تخيلية لواجهة المعبد وقت بناءة
التالتة صورة حقيقية لواجهة المعبد التقطت 1880 تقريبا
الرابعة صورة حقيقية لواجهة المعبدفى بداية القرن الماضى من الناحية اليسرى ونلاحظ الزحف العمرانى عليها وقتها التقطت 1900 تقريبا
الخامسة صورة لواجهة المعبد من الجانب الايسر التقطت 1901
السادسة صورة واجهة المعبد حاليا

والفيديو اللى تحت الصور دة من تصويرى لواجهة المعبد

http://i1342.photobucket.com/albums/o774/sasamh_1976/34_zpsjyjvdcqb.jpg~original

http://i1342.photobucket.com/albums/o774/sasamh_1976/30_zpszf5qjrqe.jpg~original

http://i1342.photobucket.com/albums/o774/sasamh_1976/12_zpsnybj1qgx.jpg~original

http://i1342.photobucket.com/albums/o774/sasamh_1976/5_zpsnq2edeid.jpg~original

http://i1342.photobucket.com/albums/o774/sasamh_1976/1901_zpsdza81yzs.jpg~original

http://i1342.photobucket.com/albums/o774/sasamh_1976/23_zpshrkgj2kf.jpg~original






بعد كدة بتدخل فناء رمسيس التانى
وهتلاقى على شمالك وانت داخل جزء من مسجد ابو الحجاج داخل فى المعبد وسبب وجود المسجد فوق جزء من المعبد هو ان الاثار الفرعونية زمان
كانت مهملة جدا وكانت الاقصر عبارة عن قرية صغيرة فى الصعيد فجاء احد الرجال الصالحين وهو الصوفى يوسف بن عبد الرحيم بن يوسف بن عيسى الزاهد وشهرتة ابو الحجاج
وبنى المسجد سنة 658 هـ (1286م) فوق جزء من المعبد ومن يومها وهو على هذا الحال

وعشان تبقى متخيل انا هحط لك صورة تخيلية لكامل المعبد من فوق وهتلاقينى محدد الجزء اللى تم بناء المسجد علية على التصميم الاصلى وتحتها صورة جوية للمسجد فى الوقت الحالى

http://i1342.photobucket.com/albums/o774/sasamh_1976/31_zps91lvscc0.jpg~original

http://i1342.photobucket.com/albums/o774/sasamh_1976/32_zpsxr3lwhcq.jpg~original




والصور التالية بالترتيب
الاولى صورة من الداخل للخارج وهتلاقى فيها مسجد او الحجاج على اليمين فوق وضهر واجهة المعبد فى وشك
التانية صورة لنهاية الفناء وهتلاقى فية تمثالين لرمسس التانى
والفيديو اللى تحتهم للفناء نفسة

http://i1342.photobucket.com/albums/o774/sasamh_1976/19_zpsdnp5ov6w.jpg~original

http://i1342.photobucket.com/albums/o774/sasamh_1976/25_zpsnonqeg5r.jpg~original



بعد كدة بتدخل على بهو الاعمدة وهو عبارة عن بهو مستطيل يوجد به صفان من الأعمدة
وبكل صف سبعة أعمدة ضخمة يبلغ ارتفاع العمود الواحد 18 متراً
اى ما يعادل 5 طوابق ارتفاع
والصور التالية بالترتيب
الاولى تخيليلة للبهو وقت بناءة ايام الفراعنة
التانية صورة من اوائل القرن الماضى
التالتة صورة بالليل حاليا
http://i1342.photobucket.com/albums/o774/sasamh_1976/27_zpszefbimju.jpg~original

http://i1342.photobucket.com/albums/o774/sasamh_1976/4_zpsg1fyswz3.jpg~original

http://i1342.photobucket.com/albums/o774/sasamh_1976/20_zpswcn89yyi.jpg~original



وبعد كدة بتعدى من بهو الاعمدة وتوصل لنهايتة والصور التالية من نهاية البهو كالتالى
الاولى قديمة التقطت سنة 1900
التانية قديمة اثناء اعمال الترميم فى المعبد
التالتة من نفس الزاوية فى الوقت الحالى بالنهار
الرابعة من نفس الزاوية فى الوقت الحالى بالليل
وبعد كدة فيديو لبهو الاعمدة

http://i1342.photobucket.com/albums/o774/sasamh_1976/1900_zpssoojxwoo.jpg~original

http://i1342.photobucket.com/albums/o774/sasamh_1976/6_zpsj172c6ai.jpg~original

http://i1342.photobucket.com/albums/o774/sasamh_1976/18_zpsqil9t7q7.jpg~original

http://i1342.photobucket.com/albums/o774/sasamh_1976/15_zps0vjbhjka.jpg~original





وبعدكدة بتدخل فناء امنحوتب التالت
وهو عبارة عن فناء ضخم تحيط به الاعمدة من 3 جهات
وعددهم 64 عمود

والصور التالية كالتالى
الاولى تخيلية للفناء وقت بناءة ايام الفراعنة
التانية صورة خارجية التقطت للبهو من على النيل سنة 1875
التالتة صورة تانية لنفس البهو وفى نفس الزمن لكن من زاوية تانية
الرباعة والخامسة التقطها انا بالنهار
السادسة لنفس الفناء التقطتها انا بالليل
والفيديو اللى تحتهم للفناء دة بالنهار

http://i1342.photobucket.com/albums/o774/sasamh_1976/28_zps3pvnq8oh.jpg~original

http://i1342.photobucket.com/albums/o774/sasamh_1976/33_zpsyuov106f.jpg~original

http://i1342.photobucket.com/albums/o774/sasamh_1976/2_zpsioc93bxn.jpg~original

http://i1342.photobucket.com/albums/o774/sasamh_1976/16_zpsz0b0ofsq.jpg~original

http://i1342.photobucket.com/albums/o774/sasamh_1976/17_zpsdi6vldev.jpg~original







وبعد كدة بتدخل على منطقة قدس الاقداس ودة مدخلها

http://i1342.photobucket.com/albums/o774/sasamh_1976/21_zpsw7oofr1k.jpg~original


بعد ما تخلص المعبد وترجع تانى للمدخل الرئيسى هتلاقى فى وشك طريق الكباش
ودة المفروض انة واصل بين معبد الاقصر ومعبد الكرنك ودة قصتة انة كان معمول لتسير به المواكب المقدسة للملوك والآلهة في احتفالات اعياد الاوبت من كل عام فكان يسير الملك يتقدمه علية القوم من الوزراء وكبار الكهنة ورجال الدولة خلف الزوارق المقدسة التي كانت تحمل تماثيل الآلهة‏,‏ بينما يصطف أبناء الشعب علي جانبي الطريق يرقصون ويلعبون في بهجة وسعاده
والصور التالية كالتالى
الاولى تخيلية لشكل الموكب ايام الفراعنة
التانية صورتة حاليا بالنهار
التالتة صورتة بالليل من نهايتة

http://i1342.photobucket.com/albums/o774/sasamh_1976/13_zps21w3gs0t.jpg~original

http://i1342.photobucket.com/albums/o774/sasamh_1976/24_zpsdufltiqm.jpg~original

http://i1342.photobucket.com/albums/o774/sasamh_1976/37_zpsy32khc2z.jpg~original







بعد ما خلصت معبد الاقصر رحت متحف التحنيط وهو قريب جدا من معبد الاقصر حوالى 500 متر ومواعيد عملة من 9 صباحا الى1 ظهرا والتذكرة على ما اذكر كانت ب3ج او 4ج



ودة الجزء الرابع وهيكون عن معبد الدير البحرى (حتشبسوت) فى البر الغربى فى الاقصر ووادى الملكات

الطريق لية من وسط المدينة سهل لو انت معاك العربية هتاخد كوبرى الاقصر اللى على النيل وتعدى علية طوالى وفى نهايتة هتلاقى اتجاة اجبارى يمين ويسار
هتاخد اليمين وتفضل ماشى علطول مسافة حوالى 8 او 10 كيلو لحد ما تلاقى كمين نقطة شرطة القرنة هتخش شمال فى الشارع الواسع وهتمشى بتاع كيلو ونص لحد ما توصل التقاطع اللى بيسموة
التفتيش ودة فية شبابيك لقطع التذاكر بتاعة معبد الرامسيوم ومدينة هابو

هتمشى يمين بتاع 500 متر وهتاخد اول شمال وتمشى فية بتاع نص كيلو هتلاقى معبد حتشبسوت فى وشك ودى خريطة تفصيلية
http://i1342.photobucket.com/albums/o774/sasamh_1976/2_zpskv72sz3e.jpg~original


بتقطع تذكرة ب2 ج للدير نفسة وتقطع تذكرة ب2ج عشان الطفطف اللى هياخدك للمعبد لو انت مش غاوى تمشى
http://i1342.photobucket.com/albums/o774/sasamh_1976/3_zpsbc4ejofn.jpg~original



وانا هتناول الموضوع وكانة رحلة عبر الزمن للدير نفسة

الاول دى صورتة حاليا
http://i1342.photobucket.com/albums/o774/sasamh_1976/4_zpsadsz88cw.jpg~original


ودى صورتة بالليل
http://i1342.photobucket.com/albums/o774/sasamh_1976/15_zpswti5sgdy.jpg~original


بس قبل ما نحكى قصتة لازم تعرف مين هيا الملكة حتشبسوت
الاول دى صورتها الحقيقية كتمثال
http://i1342.photobucket.com/albums/o774/sasamh_1976/1_zps40x3bliy.jpg~original


ودى صورة تخيلية ليها
http://i1342.photobucket.com/albums/o774/sasamh_1976/19_zpsiudbe9wk.jpg~original


المعبد نفسة اتسمى بالدير البحرى لان كان فية جزء منة من المتهدم فية اقام علية المسيحيون ديرا اسمة دير فويب أمون وظل يستخدم كدير للعبادة فترة طويلة حتى جاء بعض علماء الاثار فى بداية القرن المنصرم وازالو الدير فى بحثهم المحموم عن الاثار الفرعونية ومن ساعتها ومعبد حتشبسوت شهرتة الدير البحرى

طيب يلا بينا نبدأ الرحلة عبر الزمن للمعبد
اولا المهندس الفرعونى اللى بنى المعبد اسمة ((سنموت)) ودة كان من عامة الشعب مش من السلالة الحاكمة لكن من شدة اجتهادة ونجاحة فالملكة حتشبسوت اوكلت الية مهمة بناء المعبد بعد ما تدرج فى عدة مناصب فى معبد الكرنك ودى صورتة
http://i1342.photobucket.com/albums/o774/sasamh_1976/20_zpseqkylzwt.png~original


المهندس الفرعونى سنموت بدا فى بناء المعبد الجنائزى للملكة جنب معبد منتوحوتوب التانى وفى النص بينهم بيقع معبد تحتمس التالت

بمعنى ابسط ان المعبد وقت ان تم بناءة كان يعتبر جزء من 3 معابد دة كان شكلها
http://i1342.photobucket.com/albums/o774/sasamh_1976/17_zps7b1xpkic.jpg~original

لكن دة شكلها دلوقتى
http://i1342.photobucket.com/albums/o774/sasamh_1976/91c6373fca7702b00df95ff1b5594e4c99614fa1_zpswhu0xn sv.jpeg~original

ودة تقريبا تصميم تخيلى للمعبد وقت بناءة
http://i1342.photobucket.com/albums/o774/sasamh_1976/23_zpsmnwtazp5.jpg~original






ونسافر فى الزمن للامام الاف السنوات لنجد اول صورة موثقة لة بعد الاف السنين من الاهمال هيا الصورة التالية والتقطت لة سنة 1875
http://i1342.photobucket.com/albums/o774/sasamh_1976/1875_zpsxchkjx6t.jpg~original



ونسافر فى الزمن للامام قليلا ونشوف حالتة فى سنة 1895
http://i1342.photobucket.com/albums/o774/sasamh_1976/1895_zps8nov9jo4.jpg~original



ونسافر فى الزمن للامام قليلا ونشوف حالتة فى سنة 1902
http://i1342.photobucket.com/albums/o774/sasamh_1976/1902_zps8kcz4ypp.jpg~original


ونسافر فى الزمن للامام قليلا ونشوف صورتة سنة 1923
http://i1342.photobucket.com/albums/o774/sasamh_1976/1923_zpsywyaouj3.jpg~original


ونسافر فى الزمن لامام قليلا ونشوف صورتة فى الاربعينيات مع بداية الترميم
http://i1342.photobucket.com/albums/o774/sasamh_1976/16_zpsmkxsossx.jpg~original


ودى صورتة الحالية
http://i1342.photobucket.com/albums/o774/sasamh_1976/Temple_of_Hatshepsut_zpsybo0lzrt.jpg~original


على جدران الدور التانى من المعبد هتلاقى رسومات بتوضح انجازات الملكة حتشبسوت وسفرياتها الخارجية واضحة
ودى بعض الصور المتفرقة للمعبد فى الطابق الاول والتانى والتالت

http://i1342.photobucket.com/albums/o774/sasamh_1976/7_zpsuqwbtfns.jpg~original

http://i1342.photobucket.com/albums/o774/sasamh_1976/5_zpsdrzkx0lx.jpg~original

http://i1342.photobucket.com/albums/o774/sasamh_1976/6_zps3ac8zjl6.jpg~original

http://i1342.photobucket.com/albums/o774/sasamh_1976/8_zps4cfaizev.jpg~original

http://i1342.photobucket.com/albums/o774/sasamh_1976/10_zpsaj2bimdo.jpg~original

http://i1342.photobucket.com/albums/o774/sasamh_1976/13_zpslsgbiggz.jpg~original

http://i1342.photobucket.com/albums/o774/sasamh_1976/9_zps1zdsypjf.jpg~original


بتوصل فى نهايتة فى الطابق الثالث لقدس الاقداس او الغرفة المحرمة والتى كان بيتم فيها عبادة الالة امون ولما توصل ليها هتلاقى الجبل واقف فوق منك بشكل عمودى تماما وعشان اوضح لك مدى هيبة الامر ووقارة انا هرفع صورتين من قدس الاقداس من اسفل لاعلى لدرجة تحس معاها ان الجبل هينزل فوق دماغك
http://i1342.photobucket.com/albums/o774/sasamh_1976/11_zpsvqykgwik.jpg~original

http://i1342.photobucket.com/albums/o774/sasamh_1976/12_zpsboiogzip.jpg~original

[السعيد]

كدة احنا تقريبا غطينا المعبد كلة كمزار سياحى
لكن انا هتكلم عن الملكة حتشبسوت نفسها لانها حدوتة كبيرة

اولا هيا مجرد ما استلمت الحكم شرعت فى انشاء دولة بالمعنى الحرفى للكلمة فامرت بشق الطرق وتشييد المعابد وفتحت التجارة الخارجة مع دول الجوار واعادة بناء الجيش المصرى وتحسين الاحوال الداخلية للبلاد

وفى عهدها ارسلت بعثات الى بلاد بونت (الصومال) للتبادل التجارى معها
البعثة دى منحوتة على جدران المعبد فى الدور التانى على الشمال وانت طالع


وارسلت بعثة الى اسوان لاقتطاع اكبر كتلة حجر جرانيتى فى العالم كتلة واحد ليتم نحت عدة نسخ من مسلتها الشهيرة الى موجودة دلوقتى منها 12 مسلة فى روما، ومسلة في أمريكا " نيويورك"، وتركيا، و2 في باريس



لكن الكتب والتاريخ بيقول ان كان فية بعثة غامضة امرت بها الملكة حتشبسوت الى المحيط الاطلسى ولم يتم الاستفاضة حول هذة البعثة فيتم ذكرها على اقتضاب كجزء من سيرة الملكة وانجازاتها

لكن علشان مكانش معايا مرشد سياحى فمقدرتش اتحقق من صحتها ومن وجودها منحوتة على الجدران

وبالبحث عنها على النت وجدت كلام علماء وباحثين اثار بيقول ان الفراعنة هم اول من عبر المحيط الاطلسى واكتشف امريكا الحالية قبل كريستوفر كولمبس بفترة طويلة جدا لكن لم يتم ذكر زمن او اسم الملك او الملكة اللى حصل الاكتشاف دة فى عهدة

وكلام على ان حضارة المايا واهراماتها هيا من اصل ونسل فرعونى فى الاساس

مش بس كدة

لا

دا فية عالم اثار ومغامر نروييجى اسمة ثور هايردال كان متبنى نظرية ان حضارة المايا فى امريكا اصلهم فراعنة وان الفراعنة اول من وصل الى هناك ودى صورة العالم
http://i1342.photobucket.com/albums/o774/sasamh_1976/28_zpsiy7cs3s6.jpg~original



ولاثبات نظريتة اطلع تورهايردال على عشرات الرسومات الفرعونية التي تظهر قوارب البردي واحجامها وطريقة صنعها


وبفضل ملاحظته الدقيقة اكتشف ان القوارب الملكية كانت تطلى بالقار كي لا تذوب في الماء.. وفي ابريل 1961بنى قارباً طوله 15متراً بمواصفات فرعونية خالصة اطلق عليه اسم رع (الهة الشمس لدى المصريين).. وتم نقل القارب إلى مراكش في المغرب ومن هناك قرر عبور المحيط الأطلسي إلى أمريكا.. وقد رافقه في هذه الرحلة مجموعة غريبة من سبعة أشخاص ـ نرويجي وأمريكي وتشادي ومكسيكي وايطالي وروسي ومهندس مصري يدعى جورج سيريال.
http://i1342.photobucket.com/albums/o774/sasamh_1976/33_zpssglrcjxa.gif~original




ومنذ اليوم الأول بدا واضحاً أن القارب سينشطر حين يهيج الموج وتغضب الرياح.. وبعد خمس وعشرين يوماً انقلب تماماً وفقدوا معظم المؤونة والطعام.. ورغم ان القارب اصبح مشبعاً بالمياه إلا انه تجاوز نصف المسافة إلى أمريكا.
http://i1342.photobucket.com/albums/o774/sasamh_1976/32_zpslxyyru3a.jpg~original


. وقبل وصوله إلى الشاطئ بستمائة ميل هبت عاصفة عاتية فككته تماماً.. أما الأصدقاء السبعة فقد نفخوا قارباً مطاطياً ووصلوا بسلام!!



* وبعد فشل هذه المحاولة قرر تور هايردال بناء قارب جديد اطلق عليه اسم (رع 2) بعد الاستعانة بالرسومات الهندسية الفرعونية الاصلية للقارب
http://i1342.photobucket.com/albums/o774/sasamh_1976/36_zpsp9jonzfa.jpg~original


.. وبدأ رحلته في السنة التالية مع نفس المجموعة ـ باستثناء عبدالله التشادي الذي حل محله ياباني يدعى كاما اوهارا.. وهذه المرة استفاد تورهايردال من التجربة السابقة وبنى مركباً أكبر واستعان بوسائل ملاحة متقدمة
http://i1342.photobucket.com/albums/o774/sasamh_1976/37_zpshjuxhcpx.jpg~original


.. ورغم ان القارب تحول في النهاية إلى (كومة قش) إلا انه وصل على أي حال إلى أمريكا بعد 57يوماً.. هذه الرحلة استحوذت حينها على اهتمام وسائل الإعلام وأثبتت ان وصول الفراعنة إلى أمريكا أمر منطقي ومعقول!!
http://i1342.photobucket.com/albums/o774/sasamh_1976/26_zpshxiqp0pd.jpg~original



ودة كان مسار الرحلة اللى قام بيها مستغلا التيارات البحرية على قارب فرعونى التصميم والتنفيذ بالكامل
http://i1342.photobucket.com/albums/o774/sasamh_1976/35_zpss6nlzox6.jpg~original



والمركب اللى عمل بية الرحلة موجود فى متحف كون تيكي فى أوسلو فى النرويج كنوع من التكريم لة
http://i1342.photobucket.com/albums/o774/sasamh_1976/30_zpseel7x6cc.jpg~original



بس انا علشان مكانش معايا مرشد سياحى وكان معايا الزوجة والاولاد والجو حر فمقدرتش افحص كل متر على جدران المعبد واتاكد من الرحلة دى لانها لو حصلت يبقى اكيد الفراعنة وثقوها على جدران المعبد

الجدير بالاهتمام انة توجد في معابد الأنكا في البيرو رسومات تظهر قوارب مصنوعة من البردي (وهو ورق ينبت حول النيل) يقودها بحارة بلباس الفراعنة

وكمان في عام 1914اكتشف البروفيسور (إم جونزالس) تمثالين فرعونيين في بلدة اكيجالتا المكسيكية.. تمثالين يتطابقان مع النموذج الفرعوني في الملامح وطريقة الجلوس ولبس العمامة.. وكان هذا الاكتشاف أول من لفت الانتباه إلى احتمال وصول الفراعنة إلى القارة الأمريكية قبل آلاف السنين


لكن مكانش فية فرصة اتاكد من اصل الفكرة وندمت بعدها لما رجعت من الاقصر

وبقيت الفكرة معلقة لا استطيع تاكيدها او نفيها

هل الفراعنة فعلا وصلوا امريكا قبل كريستوفر كولمبس بالاف السنوات

وهل صحيح ان حضارة المايا باهراماتها هيا من اصل ونسل فرعونى

مش عارف بصراحة

كملت فسحتى فى المعبد فى كل الارجاء والتقطت بعض الصور التذكارية والفيديو وانصرفت





خلصنا معبد حتشبسوت او الدير البحرى ورحنا على وادى الملكات
وهو قريب من حتشبسوت المسافة بينهم تقريبا كيلو او اتنين

ركنا العربية فى الباركن
http://i1342.photobucket.com/albums/o774/sasamh_1976/44_zpsyfwh3wdd.jpg~original


وقطعنا تذاكر ب2ج ودخلنا مشى
http://i1342.photobucket.com/albums/o774/sasamh_1976/46_zpse41boyh1.jpg~original



العدد الرسمى للمقابر فى الوادى 44 لكن اللى مفتوح للجمهور وشغال 3 مقابر
سعر التذكرة 2ج وبتكفيك للـــ3 مقابر

الميزة الوحيدة ان مقابر وادى الملكات بكامل الوانها وزاهية لكنها غير عميقة كبعض مقابر وادى الملوك
ودى صورتنا بعد ما دخلنا احدى المقابر وبنتى ملك لسة مترددة تدخل ولا لا رغم انها دخلت معايا مقابر اعمق بمراحل فى وادى الملوك
http://i1342.photobucket.com/albums/o774/sasamh_1976/40_zpsnjzaytde.jpg~original



وللمحافظة على الالوان كما هيا اقامت هيئة الاثار حاجز زجاجى بين الزوار والحائط وهتلاقية واضح فى الصور ودى مجموعة صور لينا فى الداخل وهتلاحظ الالوان الزاهية

http://i1342.photobucket.com/albums/o774/sasamh_1976/42_zpshreo5urd.jpg~original

http://i1342.photobucket.com/albums/o774/sasamh_1976/39_zpshlpzavgy.jpg~original

http://i1342.photobucket.com/albums/o774/sasamh_1976/41_zpsicyvjzwe.jpg~original

http://i1342.photobucket.com/albums/o774/sasamh_1976/38_zpsg4f3jcqg.jpg~original

http://i1342.photobucket.com/albums/o774/sasamh_1976/43_zpsyfz95duc.jpg~original

http://i1342.photobucket.com/albums/o774/sasamh_1976/48_zpstthwegcr.jpg~original





بكدة يبقى وصلنا لنهاية الجزء الرابع

واللى اللقاء فى الجزء الخامس